Honasa Consumer Ltd: భారీగా పడిపోయిన హోనాస కన్స్యూమర్ స్టాక్..

మామఎర్త్ మాతృ సంస్థ అయిన హోనాస కన్స్యూమర్(Honasa Consume) ప్రైవేట్ లిమిటెడ్ గురువారం ట్రేడింగ్ సెషన్‌లో భారీగా పడిపోయింది. రెండు రోజుల లిస్టింగ్ తర్వాత, హోనాసకన్స్యూమర్ యొక్క స్టాక్ దాని IPO ధర నుంచిదాదాపు 6.99 శాతం తగ్గి రూ299.95 వద్ద ముగిసింది. అంటే ఐపీఓలో షేర్లు కేటాయించిన ఇన్వెస్టర్లు ఒక్కో షేరుకు రూ.16 చొప్పున నష్టపోతున్నారు.

హోనాస కన్స్యూమర్ IPO 7 నవంబర్ 2023న స్టాక్ ఎక్స్ఛేంజ్‌లో లిస్ట్ అయింది. ఈ స్టాక్ నేషనల్ స్టాక్ ఎక్స్ఛేంజ్‌లో ఇష్యూ ధర కంటే కేవలం రూ. 6 ఎక్కువ ధరతో లిస్ట్ కాగా.. మార్కెట్ ముగిసే తొలిరోజున ఈ షేరు రూ.337 వద్ద ముగిసింది. లిస్టింగ్ మరుసటి రోజు, నవంబర్ 8న స్టాక్ దాని ఇష్యూ ధర చుట్టూ రూ.322.50 వద్ద ముగిసింది. కానీ లిస్టింగ్ అయిన రెండు రోజుల తర్వాత, స్టాక్ ఇష్యూ ధర కంటే 5 శాతానికి పైగా పడిపోయింది. ఐపీఓ ద్వారా కంపెనీ మార్కెట్ నుంచి రూ.1700 కోట్లు సమీకరించింది.

మొదటి నుండి Honasa కన్స్యూమర్ ఖరీదైన IPOగా వస్తుందని నిపుణులు పేర్కొన్నారు. కంపెనీ సహ వ్యవస్థాపకులు గజల్ అలఘ్ సోషల్ మీడియాలో స్పందించారు. 'పని జరగనివ్వండి, వ్యాఖ్యల గురించి చింతించకండి' ఎక్స్ లో పోస్ట్ చేశారు. IPOకి రిటైల్, నాన్-ఇన్‌స్టిట్యూషనల్ ఇన్వెస్టర్ల పెద్దగా స్పందన రాలేదు. రిటైల్ ఇన్వెస్టర్ల రిజర్వ్ కోటా 1.35 రెట్లు మాత్రమే సబ్‌స్క్రయిబ్ కాగా, ఐపీఓ కేవలం 7.61 రెట్లు మాత్రమే సబ్‌స్క్రైబ్ అయింది.

Honasa కన్స్యూమర్ దాని ఇష్యూ ధర కంటే తక్కువగా వర్తకం చేస్తున్న మొదటి కొత్త వయస్సు కంపెనీ కాదు. Paytm మాతృ సంస్థ One97 కమ్యూనికేషన్ మరియు లాజిస్టిక్స్ కంపెనీ Delhivery కూడా దాని IPO ధర కంటే తక్కువగా ట్రేడవుతోంది. Paytm IPO ధర రూ. 2150 వద్ద వచ్చింది. ఇది ప్రస్తుతం IPO ధర కంటే 58 శాతం తక్కువగా రూ. 894 వద్ద ట్రేడవుతోంది. డెలివరీక IPO ఇష్యూ ధర రూ. 487 వద్ద వచ్చింది. ఇది ప్రస్తుతం 16 శాతం క్షీణతతో రూ. 408 వద్ద ట్రేడవుతోంది. ఇప్పుడు హోనాస కన్స్యూమర్ కూడా తన పెట్టుబడిదారులను నిరాశపరిచింది.