మీకు ఇది గుర్తుందా.. గల్లీ నుండి అమెరికా వరకు కిండర్ జాయ్ హవా..

కిండర్ జాయ్ అంటే ఇష్టం పడని పిల్లలు ఎవరు ఉండరు. కిండర్ జాయ్ చాక్లెట్ మాత్రమే కాదు, అందులో వచ్చే సర్ప్రైజ్ బొమ్మలు కూడా పిల్లలను ఉత్సాహపరుస్తాయి. 90's నాటి పిల్లలకు ఓ భావోద్వేగాన్ని తెలియజేయడానికి కిండర్ జాయ్ హ్యారీ పాటర్ థీమ్ ఉత్పత్తిని పరిచయం చేసింది. మార్కెట్లోకి రావడంతోనే భారీ విజయాన్ని సాధించింది, 90ల నాటి పిల్లలు మాత్రమే కాకుండా, ప్రస్తుత జనరేషన్ పిల్లలు కూడా దీనిని ఎక్కువగా ఇష్టపడుతూ కొంటున్నారు. గత కొన్ని వారాలుగా ఇంటర్నెట్‌లో ట్రెండ్ ఎంతగా పెరిగిపోయిందంటే హ్యారీ పాటర్ ఎడిషన్ కిండర్ జాయ్ చాక్లెట్లు ఇకపై షాపుల్లో అందుబాటులో లేవు. 90ల నాటి చాలా మంది పిల్లలు హ్యారీ పాటర్ బొమ్మల కోసమే ఎక్కువగా కిండర్ జాయ్ చాక్లెట్లు కొన్నారు.

కిండర్ జాయ్ చాక్లెట్ ప్రపంచవ్యాప్తంగా ప్రసిద్ధి చెందింది ఎందుకంటే ఆశ్చర్యకరమైన బొమ్మలు, పిల్లల ఆలోచనా స్కిల్స్ అభివృద్ధి చేసే బొమ్మలతో వస్తుంది. వాటిని గుడ్డు ఆకారంలో ఒక వైపు చాక్లెట్ అలాగే మరోవైపు బొమ్మలతో అమ్ముతుంటారు. కిండర్ జాయ్ చాక్లెట్ గుడ్లను ఫెర్రెరో అనే ఇటాలియన్ కంపెనీ తయారు చేసి విక్రయిస్తుంది. దీనిని మొదట 2001లో ఇటలీలో ప్రవేశపెట్టి విక్రయించారు. తరువాత దీనిని విస్తరించి 170 దేశాలకు విక్రయించారు. మీరు దీన్ని భారతదేశంలోని అన్ని షాపుల్లో కోనవచ్చు. పిల్లలు వీటిని ఇష్టపడేలా చేయడానికి ఫెర్రెరో ఈ చాక్లెట్ గుడ్లను ప్రత్యేక శ్రద్ధతో డిజైన్ చేస్తాడు. కిండర్ జాయ్ సైన్స్, టెక్నాలజీ, ఇంజనీరింగ్ అండ్ మాథ్స్ రంగాలలోని నిపుణులను, అలాగే పిల్లల మనస్తత్వాన్ని అర్థం చేసుకునే నిపుణులను నియమించడం ద్వారా బొమ్మలను తయారు చేస్తుంది.

ఇటీవల వీరు చాక్లెట్ గుడ్ల కోసం కొత్త వ్యూహాన్ని రూపొందించి, కిండర్ జాయ్ ఉత్పత్తిని పెంచారు. అదే మన జ్ఞాపకాలను రేకెత్తించే మార్కెటింగ్ వ్యూహం. హ్యారీ పాటర్ పుస్తకాలు, వాటి పాత్రలు 90ల పిల్లల మనస్సులలో చెరగనివి. ఆ జ్ఞాపకాలను రేకెత్తించడం ద్వారా కిండర్‌జాయ్ అనేక కోట్ల రూపాయల ఆదాయాన్ని ఆర్జించింది.

కిండర్ జాయ్‌ను పిల్లలకు మాత్రమే కాకుండా వారి తల్లిదండ్రులకు, 90ల పిల్లలకు కూడా ఇష్టమైనదిగా మార్చాలనే ఆశతో వారు హ్యారీ పాటర్ పాత్ర బొమ్మలతో కూడిన చాక్లెట్ గుడ్లను అమ్మడం ప్రారంభించారు. ఇందులో హ్యారీ పాటర్ బొమ్మలతో కూడిన చాక్లెట్లు మహారాష్ట్రలోనే రూ.35 కోట్లు, తమిళనాడు రూ.30 కోట్లు, ఉత్తరప్రదేశ్ రూ.28 కోట్లు, కర్ణాటక రూ.25 కోట్లు, పశ్చిమ బెంగాల్ రూ.20 కోట్ల విలువైనవి అమ్ముడయ్యాయి. బ్లింగిట్, జెప్టో, ఇన్‌స్టామార్ట్ వంటి ప్లాట్‌ఫామ్‌లపై ఎక్కువ ఆర్డర్లు ఉన్నాయి. హ్యారీ పాటర్ బొమ్మలతో కూడిన చాక్లెట్లను అమ్మడం ద్వారా ఆ కంపెనీ అమెరికాలో రూ.170 కోట్లు, ఆస్ట్రేలియాలో రూ.100 కోట్ల ఆదాయం ఆర్జించింది.