తొలిసారి హెటెరో ఫెవిపిరవిర్ 800ఎంజీ ట్యాబ్లెట్, ధర రూ.2,640

హెటెరో ఫార్మా ఫేవిపిరవిర్ 800MG ట్యాబ్లెట్‍‌ను విడుదలచేసింది. ఒక మోస్తారు నుండి మధ్యస్థాయి కరోనా మహమ్మారి వ్యాధిగ్రస్తులకు వైద్యులు ఈ ఔషధాన్ని సిఫార్సు చేస్తున్నారు. ఈ ఔషధం మొదట్లో 200MG డోసులో అందుబాటులోకి వచ్చింది. 200MG డోసు ట్యాబ్లెట్ అయితే రోగులు రెండు వారాల్లో 122 ట్యాబ్లెట్లు తీసుకోవాలి. దీంతో కొన్ని కంపెనీలు 400MG డోసు ట్యాబ్లెట్స్ ఆవిష్కరించాయి. ఇప్పుడు హెటెరో 800MG ట్యాబ్లెట్‌ను తీసుకు వచ్చింది. దీంతో రోగులు తక్కువ ట్యాబ్లెట్ తీసుకుంటే సరిపోతుందని హెటెరో ఫార్మా తెలిపింది.

హెటెరో ఫార్మా 800MG 16 ట్యాబ్లెట్లు, 200MG 200 ట్యాబ్లెట్లు కలిసిన ఓ ప్యాక్ ధర రూ.2,640. ఎక్కువ మోతాదుతో కూడిన 800MG ఫెవిపిరవిర్‌కు డ్రగ్ కంట్రోలర్ జనరల్ ఆఫ్ ఇండియా (DCGI) ఆమోదం తెలిపినట్లు హెటెరో వెల్లడించింది. ఫెవిపిరవిర్ ప్యాక్ మార్కెటింగ్, పంపిణీ వ్యవహారాల్ని హెటెరో హెల్త్ కేర్ చేపడుతుంది.

కరోనా కేసులు రోజురోజుకు దేశవ్యాప్తంగా, ప్రపంచవ్యాప్తంగా పెరుగుతున్నాయి. ప్రస్తుతం ప్రపంచవ్యాప్తంగా 32,758,340 కేసులు, 993,413 మరణాలు చోటు చేసుకున్నాయి. అమెరికా (7,244,184) తర్వాత అత్యధిక కేసుల్లో భారత్ (5,901,571) ఉంది. బ్రెజల్ (4,692,579) స్థానంలో ఉంది. అమెరికాలో 2 లక్షల మందికి పైగా మృత్యువాత పడగా, భారత్‌లో 93వేల మంది, బ్రెజిల్‌లో 1.40 లక్షల మంది పాల్గొన్నారు.