Multibagger Stock: లక్షను రూ.34 లక్షలు చేసిన స్టాక్.. ఏడాదిలో తలరాత మార్చేసింది..!

షేర్ హిస్టరీ..

స్మాల్ క్యాప్ విభాగంలోని స్టాక్ గత 5 రోజులుగా దాదాపు 22 శాతం మేర లాభపడింది. గడచిన నెలరోజుల కాలానికి స్టాక్ ఏకంగా 76.21 శాతం పెరిగింది. ఈ క్రమంలో స్టాక్ ధర రూ.63 నుంచి ప్రస్తుత స్థాయికి చేరుకుంది. ఆరు నెలల కిందట ఈ మల్టీబ్యాగర్ స్టాక్ ధర ఒక్కో షేరుకు రూ.40గా ఉంది. అలాగే ఒక ఏడాది కిందట ఈ పెన్నీ స్టాక్ ధర రూ.3.25వద్ద ఉంది. అంటే ఏడాది కిందట ఇన్వెస్ట్ చేసిన పెట్టుబడిదారులకు స్టాక్ ఏకంగా 3318.46% రాబడిని అందించింది.

లక్షను రూ.34 లక్షలుగా..

హేమాంగ్ రిసోర్సెస్ స్టాక్ నమ్ముకున్న ఇన్వెస్టర్లకు కాసుల వర్షం కురిపించింది. ఏడాది కిందట కంపెనీ షేర్లలో లక్ష పెట్టుబడి పెట్టిన ఇన్వెస్టర్ల సంపద ప్రస్తుతం రూ.34 లక్షలకు చేరుకుంది. అదే ఎవరైనా ఇన్వెస్టర్ కంపెనీ షేర్లను ఆరు నెలల కిందట లక్ష వెచ్చించి కొన్నట్లయితే ప్రస్తుతం దాని విలువ దాదాపు రూ.2.77 లక్షలుగా ఉంటుంది. దీంతో ఈ పెన్నీ స్టాక్ లో డబ్బు ఇన్వెస్ట్ చేసినవారు ప్రస్తుతం మంచి లాభాలను రుచిచూస్తున్నారు.

కంపెనీ వ్యాపారం..

1993లో భారత్ కేంద్రంగా వ్యాపారాన్ని ప్రారంభించింది Hemang Resources Ltd కంపెనీ. ఇది అన్ని రకాల బొగ్గు ట్రేడింగ్, లాజిస్టిక్స్ సేవలు, భూ క్రయవిక్రయాలు వంటి వ్యాపారాలను నిర్వహిస్తోంది. కంపెనీ ప్రధానంగా బొగ్గు ట్రేడింగ్, ఇన్ ఫ్రా స్ట్రక్చర్ రంగాల్లో కీలకంగా వ్యాపారాన్ని నిర్వహిస్తోంది.