HDFC నికర లాభం 5% తగ్గింది, నెట్ ప్రాఫిట్ రూ.3,052 కోట్లు

ప్రయివేటురంగ హౌసింగ్ ఫైనాన్స్ దిగ్గజం HDFC ఈ ఆర్థిక సంవత్సరం మొదటి క్వార్టర్‌(ఏప్రిల్ - జూన్)లో 5 శాతం నికర లాభాన్ని నమోదు చేసింది. గురువారం మొదటి త్రైమాసిక ఫలితాలను వెల్లడించింది. కన్సాలిడేటెడ్ నికర లాభం జూన్ త్రైమాసికంలో 15 శాతం పెరిగింది. కంపెనీ కన్సాలిడేటెడ్ ఆదాయం రూ.23,239 కోట్ల నుండి రూ.29,959 కోట్లకు పెరిగింది.

స్టాండలోన్ ప్రాతిపదికన నికర లాభం 5 శాతం క్షీణించి రూ.3,052 కోట్లుగా నమోదయింది. స్టాండలోన్ ఆదాయం రూ.12,990 నుండి రూ.13,017 కోట్లకు పెరిగింది. ఇదే మొదటి త్రైమాసికంలో నికర వడ్డీ మార్జిన్ 3.3 శాతం నుండి 3.1 శాతానికి తగ్గింది. సమీక్ష త్రైమాసికంలో కరోనా సంబంధిత కేటాయింపులు రూ.1,199 కోట్ల మేరకు జరిపినట్లు కంపెనీ తెలిపింది.

నికర వడ్డీ ఆదాయం రూ.3,079 కోట్ల నుండి పది శాతం పెరిగి రూ.3,392 కోట్లకు చేరుకుంది. వ్యక్తిగత రుణ ఖాతాదారుల్లో రెండు శాతం మంది, కార్పోరేట్ రుణగ్రస్తుల్లో రెండు శాతం కంపెనీలు మారటోరియంను వినియోగించుకున్నట్లు తెలిపింది.