HDFC: రుణ గ్రహీతలకు షాకిచ్చిన హెచ్‍డీఎఫ్‍సీ.. వడ్డీ రేట్లు పెంపు..

దేశంలోని అతిపెద్ద ప్రైవేట్ బ్యాంక్ అయిన హెచ్‌డిఎఫ్‌సి బ్యాంక్ తన ఖాతాదారులకు షాకిచ్చింది. లోన్లపై వడ్డీ రేట్లను పెంచింది. పెరిగిన వడ్డీరేట్లు గురువారం నుంచి అమల్లోకి వచ్చాయి. బ్యాంకు ఖాతాదారులు HDFC బ్యాంక్ ఎంపిక చేసిన కొన్ని రుణాలపై ఎక్కువ వడ్డీని చెల్లించాల్సి ఉంటుంది. HDFC బ్యాంక్ బెంచ్‌మార్క్ మార్జినల్ కాస్ట్ ఆఫ్ లెండింగ్ రేట్ (MCLR) రేట్లను 15 బేసిస్ పాయింట్లు లేదా 0.15 శాతం పెంచింది.

ఈ పెరిగిన రేట్లు సెప్టెంబర్ 7 నుండి అమల్లోకి వచ్చాయి. ఇప్పుడు వినియోగదారులు హెచ్‌డిఎఫ్‌సి హోమ్ లోన్, కార్ లోన్, పర్సనల్ లోన్ మొదలైన వాటిపై ఎక్కువ వడ్డీ చెల్లించాల్సి ఉంటుంది. హెచ్‌డిఎఫ్‌సి బ్యాంక్ ఓవర్‌నైట్ ఎంసీఎల్‌ఆర్‌లో 15 బిపిఎస్ పెరిగిన తర్వాత, అది 8.35 శాతం నుంచి 8.50 శాతానికి పెరిగింది. ఒక నెల MCLR 0.10 శాతం పెరిగింది. ఇది 8.45 శాతం నుండి 8.55 శాతానికి పెరిగింది.

మూడు నెలల ఎంసీఎల్‌ఆర్‌ 10 బేసిస్‌ పాయింట్లు పెరిగి 8.70 శాతం నుంచి 8.80 శాతానికి చేరుకుంది. ఆరు నెలల ఎంసీఎల్‌ఆర్‌ 10 బేసిస్‌ పాయింట్లు పెరిగి 8.95 శాతం నుంచి 9.05 శాతానికి తగ్గింది. ఒక సంవత్సరం MCLRతో రుణం తీసుకున్న వినియోగదారుల రుణాలకు, MCLR 5 బేసిస్ పాయింట్లు పెంచారు. ఇది 9.10 శాతం నుంచి 9.15 శాతానికి పెరిగింది. బ్యాంక్ ఒక సంవత్సరం, రెండేళ్లకు 0.05 శాతం MCLR పెంచింది. ఇది 9.20 శాతం నుండి 9.20 శాతానికి పెరిగింది.

MCLR లేదా మార్జినల్ కాస్ట్ ఆఫ్ ఫండ్స్ బేస్డ్ లెండింగ్ రేట్ 2016లో భారతదేశ బ్యాంకింగ్ రెగ్యులేటర్, రిజర్వ్ బ్యాంక్ ఆఫ్ ఇండియా ప్రారంభించింది. MCLR ఇప్పుడు క్రెడిట్, గృహ రుణాలను అందించడానికి బ్యాంకుల అంతర్గత ప్రమాణంగా అమలు చేస్తారు. దీనిని ఫ్లోటింగ్ వడ్డీ రేటు విధానం అని కూడా పిలుస్తారు. గృహ కొనుగోలుదారులు తీసుకున్న గృహ రుణ EMIకి MCLR నేరుగా లింక్ చేసి ఉంటుంది. అందువల్ల, MCLR పెరుగుదలతో, బ్యాంకు రుణాలు ఖరీదైనవిగా మారుతాయి.