HDFC Bank News: HDFC బ్యాంక్ కీలక నిర్ణయం.. కస్టమర్లకు అదిరిపోయే ఆఫర్

Banking News: ప్రైవేట్ రంగానికి చెందిన దిగ్గజ బ్యాంక్‌గా HDFC తన కస్టమర్లకు సేవలందిస్తోంది. తాజాగా ఇటీవల ఓ కీలక ప్రకటన చేసింది. దీనివల్ల ఎంతో మంది ప్రభావితం కానున్నారు. తనకు కొంత మార్జిన్ తగ్గినా వినియోగదారులకు బెనిఫిట్ అందించాలని చూస్తోంది.

HDFC బ్యాంక్ నుంచి రుణాలు తీసుకున్న వారు ఈ వార్త వింటే ఎగిరి గంతేస్తారు. ఎందుకంటే కొత్తగా రుణాలు తీసుకుంటున్న, ఇప్పటికే లోన్ పొందిన వారిపై కొంత భారాన్ని తగ్గించాలని బ్యాంక్ భావిస్తోంది. రుణాలపై వడ్డీరేట్లను సవరించాలని చూస్తోంది. MCLR (మార్జినల్ కాస్ట్ ఆఫ్ ఫండ్ బేస్డ్ లెండింగ్ రేట్లు) దిగిరావడంతో ఈ మేరకు నిర్ణయం తీసుకుంది.

MCLR రేట్లు 8.95 శాతం నుంచి 9.35 శాతం మధ్య కొనసాగుతున్నాయి. అయితే రెండేళ్ల కాలానికి లెండింగ్ రేట్లను 5 బేసిస్ పాయింట్లు తగ్గించినట్లు HDFC వెల్లడించింది. కాగా ఇతర రుణ రేట్లు మాత్రం యధాతథంగా కొనసాగుతాయని పేర్కొంది. జూన్ 7 నుంచి తగ్గిన రేట్లు అమలు చేయనున్నట్లు బ్యాంక్ తెలిపింది. రుణగ్రహీతలందరికీ దీనివల్ల కొంత మేర ఊరట కలగనున్నట్లు తెలుస్తోంది.

బ్యాంకులు MCLR కంటే తక్కువ వడ్డీకి రుణాలు ఇవ్వవు. కాబట్టి దాన్ని కనీస వడ్డీ రేటుగా భావించవచ్చు. హోం లోన్ వంటి దీర్ఘకాలిక రుణాలు పొందిన వారికి ఇది ఎంతో ఉపయోగకరంగా ఉంటుంది. భారీ మొత్తంలో చెల్లించాల్సిన EMI భారం కొంత తగ్గుతుంది. తద్వారా అదికాస్తా తొందరగా పూర్తి అవుతుంది.