HDFC కస్టమర్లకు శుభవార్త, హోమ్‌లోన్‌పై వడ్డీ రేట్లు తగ్గింపు

ప్రయివేటు రంగ దిగ్గజ బ్యాంకు HDFC హోమ్ లోన్ వడ్డీ రేట్లకు సంబంధించి కస్టమర్లకు శుభవార్త అందించింది. గృహ రుణ వడ్డీ రేట్లను 15 బేసిస్ పాయింట్లు లేదా 0.15 శాతం మేర తగ్గించింది. హోమ్ లోన్‌ల పైన రిటైల్ ప్రైమ్ లెండింగ్ రేటు (RPLR)ను తగ్గించామని, ఇది సవరించిన హోమ్ లోన్ రేటుపై వర్తిస్తుందని బ్యాంకు తెలిపింది.

కొత్త రేట్లు ఈ రోజు నుంచి (ఏప్రిల్ 22) నుండి అమలులోకి వస్తాయని తెలిపింది. ప్రస్తుతం HDFC రిటైల్ గృహ రుణ కస్టమర్లకు ఇది వర్తిస్తుంది. బ్యాంకు తాజా నిర్ణయం సంస్థకు సంబంధించిన పాత కస్టమర్లకు ఊరట లభిస్తుంది. అలాగే రుణాలపై వడ్డీరేటు 8.05 శాతం నుంచి 8.85 శాతానికి దిగి వస్తున్నాయి. ఇప్పటికే ఎస్బీఐ సహా వివిధ బ్యాంకులు వడ్డీ రేట్లు తగ్గించాయి.

కరోనా మహమ్మారి నేపథ్యంలో రిజర్వ్ బ్యాంక్ ఆఫ్ ఇండియా రెపో రేటును గత నెలలో తగ్గించిన విషయం తెలిసిందే. ఆర్బీఐ పాలసీ రేటును 75 బేసిస్ పాయింట్లు తగ్గించింది. దీంతో వరుసగా బ్యాంకులు వడ్డీ రేట్లు తగ్గిస్తున్నాయి.