HDFC: గేర్ మార్చిన హెచ్‌డిఎఫ్‌సి బ్యాంక్.. ఆల్ టైమ్ హైకి చేరిన స్టాక్..

భారతీయ స్టాక్ మార్కెట్‌లో ఇటీవలి పెరుగుదలకు అతిపెద్ద ప్రైవేట్ రంగ బ్యాంకు అయిన హెచ్‌డిఎఫ్‌సి బ్యాంక్ గణనీయంగా దోహదపడింది. జూలై 3 బుధవారం ట్రేడింగ్ సెషన్‌లో హెచ్‌డిఎఫ్‌సి బ్యాంక్ స్టాక్ ఆల్ టైమ్ హైకి చేరుకుంది. నేటి సెషన్‌లో బ్యాంక్ షేరు 2.18 శాతం జంప్‌తో రూ.1768.35 వద్ద ముగిసింది. అయితే అంతకు ముందు స్టాక్ రూ.1791.80కి చేరుకుంది. ఇది స్టాక్‌లో అత్యధిక స్థాయి. MSCI ఎమర్జింగ్ మార్కెట్స్ ఇండెక్స్‌లో హెచ్‌డిఎఫ్‌సి బ్యాంక్ వెయిటేజీ రెట్టింపు కావచ్చని భారతీయ మార్కెట్లు ఆశాభావం వ్యక్తం చేస్తున్నాయి.

బ్యాంకులో విదేశీ పోర్ట్‌ఫోలియో ఇన్వెస్టర్ల హోల్డింగ్ 55 శాతం దిగువకు తగ్గింది. ఆ తర్వాత ఈ విశ్వాసం పెరిగింది. హెచ్‌డిఎఫ్‌సి బ్యాంక్‌లో విదేశీ పోర్ట్‌ఫోలియో ఇన్వెస్టర్ల హోల్డింగ్ మార్చి 2024 త్రైమాసికంలో 55.54 శాతం నుంచి జూన్ 2024 త్రైమాసికంలో 54.83 శాతానికి తగ్గింది. బ్యాంకులో విదేశీ పెట్టుబడిదారుల హోల్డింగ్ ఎంఎస్సీఐ సర్దుబాటు కోసం అవసరమైన 55 శాతం దిగువకు తగ్గింది. HDFC బ్యాంక్‌లో ఎంఎస్సీఐ వెయిటేజీ ఆగస్టు నెలలో రెట్టింపు కావచ్చు.

ఎంఎస్సీఐ భారతదేశంలో హెచ్‌డిఎఫ్‌సి బ్యాంక్ వెయిటేజీ 3.9 శాతంగా ఉంది. ఇది 7.8 శాతానికి పెరగవచ్చు, దీని కారణంగా హెచ్‌డిఎఫ్‌సి బ్యాంక్ స్టాక్‌లో 5 బిలియన్ డాలర్ల కంటే ఎక్కువ పెట్టుబడి వచ్చే అవకాశం ఉంది. ఈ అభివృద్ధి మధ్య, బ్రోకరేజ్ హౌస్ మోతీలాల్ ఓస్వాల్ HDFC బ్యాంక్ యొక్క టార్గెట్ ధరను రూ. 1950కి పెంచారు. ఇది రూ. 181 అంటే ప్రస్తుత స్టాక్ స్థాయి కంటే 10 శాతం ఎక్కువ. బ్రోకరేజ్ హౌస్ తన నివేదికలో హెచ్‌డిఎఫ్‌సి బ్యాంక్ స్టాక్‌ను దీర్ఘకాలికంగా ఇష్టపడుతుందని, స్టాక్‌ను కొనుగోలు చేయమని పెట్టుబడిదారులకు సూచించింది.

ఇటీవలి కాలంలో, సెన్సెక్స్-నిఫ్టీలో బలమైన పెరుగుదల ఉంది. దీని క్రెడిట్ HDFC బ్యాంక్‌కి చెందుతుంది. గత సంవత్సరం, జూలై 1, 2023న హెచ్‌డిఎఫ్‌సి బ్యాంక్, హెచ్‌డిఎఫ్‌సి విలీనం తర్వాత, స్టాక్ పేలవమైన పనితీరును కనబరిచింది. కానీ గత ఏడాదిలో స్టాక్ 3 శాతం కంటే తక్కువ రాబడిని ఇచ్చింది. అయితే 3 నెలల్లో స్టాక్ దాదాపు 20 శాతం, ఒక నెలలో 12.5 శాతం రాబడిని ఇచ్చింది.