అదిరిపోయే న్యూస్, 2 నిమిషాల్లో వాట్సాప్ ద్వారా హోమ్ లోన్!

ప్రముఖ మోర్టగేజ్ HDFC బ్యాంకు హోమ్ లోన్ తీసుకోవాలనుకునే కస్టమర్లకు గుడ్ న్యూస్ చెప్పింది. ఇంటి రుణం కోసం దరఖాస్తు చేసిన రెండు నిమిషాల్లో హోమ్ లోన్ మంజూరు చేస్తుంది. ఇందుకు స్పాట్ ఆఫర్ ఆన్ వాట్సాప్ పేరుతో ప్రత్యేక సేవలను అందుబాటులోకి తెచ్చింది. హోమ్ లోన్ కోసం దరఖాస్తు చేసుకునే వారు వాట్సాప్‌లో కొంత ప్రాథమిక సమాచారాన్ని తెలియజేయాలి. దాని ఆధారంగా వెంటనే ఎంత మేరకు రుణం వస్తుందో వెల్లడిస్తుంది. ఆఫర్ లెటర్‌ను కూడా అందిస్తుంది.

ఇందుకోసం HDFC +91 9867000000 నెంబర్‌ను అందుబాటులోకి తెచ్చింది. ఈ సేవలు 24X7 అందుబాటులో ఉంటాయి. దేశీయంగా ఉద్యోగం చేస్తున్న వారికి ఈ సేవలు అందుబాటులో ఉంటాయి. ఈ సౌకర్యం శాలరైడ్ ఇండియన్ రెసిడెంట్స్‌కు అందుబాటులో ఉంది. హోమ్ లోన్ అప్రూవల్ కోసం వేచి చూడవలసిన అవసరం లేదని బ్యాంకు తెలిపింది.

HDFC ద్వారా మెరుగైన కస్టమర్ ఎక్స్‌పీరియన్స్ కోసం డిజిటల్ ట్రాన్స్‌ఫర్మేషన్ పైన దృష్టి సారిస్తున్నామని తెలిపింది. భారత్‌లో ఇళ్ళకు డిమాండ్ భారీగా పెరుగుతోందని HDFC మేనేజింగ్ డైరెక్టర్ వేణు సుద్ కర్నాడ్ అన్నారు.