ఆసుపత్రి బిల్లులకు రూ.40 లక్షల రుణం, HDFC కస్టమర్లకు 'అపోలో' ప్రయోజనం
అపోలో హాస్పిటల్స్తో హెచ్డీఎఫ్సీ బ్యాంకు భాగస్వామ్యం కుదుర్చుకుంది. అనారోగ్యంతో ఆసుపత్రిలో చేరిన ఖాతాదారులకు తక్షణ ఆర్థిక సాయం అందించేందుకు ఈ రెండు సంస్థలు చేతులు కలిపాయి. ఇందులో భాగంగా అపోలో ఆసుపత్రుల్లో వైద్యానికి రూ.40 లక్షల వరకు రుణాన్ని హెచ్డీఎఫ్సీ బ్యాంకు తన కస్టమర్లకు అందిస్తుంది. అవసర సమయంలో ఈ లోన్ మంజూరు చేస్తారు. అపోలో 24/7 డిజిటల్ ప్లాట్ ఫామ్ పైన డాక్టర్లు ఉచితంగా సంప్రదించవచ్చు.
HDFCపై కరోనా ప్రభావం కొంతే: మీ ఉద్యోగాలు పోవు, వేతనాల పెంపు, బోనస్లు ఉంటాయి
కస్టమర్లకు ఎంతో ప్రయోజనం
చికిత్స విషయంలో తమ కస్టమర్లకు ప్రాధాన్యత ఉంటుందని హెచ్డీఎఫ్సీ సీఈవో, ఎండీ ఆదిత్యపురి అన్నారు. ఆరోగ్య, ఆర్థికరంగంపై ఈ భాగస్వామ్యం సానుకూల ప్రభావం చూపిస్తుందని అపోలో హాస్పిటల్స్ గ్రూప్ చైర్మన్ ప్రతాప్ సి రెడ్డి అన్నారు. దేశవ్యాప్తంగా హెచ్డీఎఫ్సీ బ్యాంకుకు ఉన్న 6.5 కోట్ల మంది కస్టమర్లకు ఇది ప్రయోజనమని అపోలో ఎగ్జిక్యూటివ్ వైస్ చైర్పర్సన్ శోభన కామినేని తెలిపారు.
ఈ సేవలు పొందవచ్చు
ఎలాంటి ఖర్చు లేకుండా అపోలో డాక్టర్స్తో ఫోన్లో సంప్రదింపులు, ఏడాది పాటు ఉచితంగా అపోలో సభ్యత్వం, ఇంటి వద్దకు మెడిసిన్స్ తెచ్చివ్వడం, వాట్సాప్ ఆధారిత వైద్య సేవలు, సమగ్ర ఆరోగ్య పరీక్షలతో పాటు నలభై లక్షల రూపాయల వరకు ఎలాంటి హామీలేని ముందస్తు ఆమోదిత పర్సనల్ లోన్ ఉంటుంది. పది నిమిషాల్లో రుణం విడుదల చేస్తారు. ఇందులో వివిధ రకాల సేవలు అందుబాటులో ఉంటాయని ఆదిత్యపురి తెలిపారు.
బీమా కవరేజీలోకి రాకపోతే..
అందరికీ ఆరోగ్య బీమా తప్పనిసరి అని, కొన్ని సందర్భాలలో బీమా కవరేజీలోకి వైద్య ఖర్చులు రాకపోవచ్చునని, అలాంటప్పుడు ఈ తరహా ఒప్పందాలు రోగులకు ఎంతో ఉపయోగకరంగా ఉంటాయన్నారు. వివిధ రకాల జబ్బుల బారిన పడిన రోగుల కోసం గతంలో తాము ప్రారంభించిన ది హెల్దీ లైఫ్ కార్యక్రమం ప్రయోజనాలను కూడా హెచ్డీఎఫ్సీ బ్యాంకు ఖాతాదారులు అందుకోవచ్చునని శోభన కామినేని అన్నారు.