HDFC Bank: వడ్డీ రేట్లు పెంచిన హెచ్‍డీఎఫ్‍సీ బ్యాంకు..

దేశంలోని అతిపెద్ద ప్రైవేట్ బ్యాంక్ అయిన హెచ్‌డిఎఫ్‌సి బ్యాంక్ రుణాలపై వడ్డీ రేట్లను పెంచింది. బ్యాంక్ నిర్ణయంతో రుణగ్రహీతలు ఈఎంఐని పెంచాల్సిన వస్తోంది. HDFC బ్యాంక్ MCLR (మార్జినల్ కాస్ట్ ఆఫ్ లెండింగ్ రేట్లు)ని 15 బేసిస్ పాయింట్లు పెంచింది. కొత్త రేట్ల పెంపుదల జూలై 7, 2023 నుంచి అమల్లోకి వచ్చింది. ఓవర్‌నైట్ ఎమ్‌సిఎల్‌ఆర్ 15 బేసిస్ పాయింట్లు పెరిగి 8.25 శాతానికి చేరుకుంది. అంతకుముందు 8.10 శాతంగా ఉంది.

ఒక నెల MCLR 10 బేసిస్ పాయింట్ల పెంపుతో 8.20 శాతం నుంచి 8.30 శాతానికి పెరిగింది. మూడు నెలల రేటును 10 బేసిస్ పాయింట్లు పెంచి 8.60 శాతానికి చేర్చింది. ఆరు నెలల రేటును 5 బేసిస్ పాయింట్లు పెంచి 8.90 శాతానికి పెంచింది. ఒక సంవత్సరం పైబడిన రుణాల MCLRలో ఎటువంటి మార్పు లేదు. ఏడాది కాలపరిమితి కలిగిన ఎంసీఎల్‌ఆర్‌ ప్రస్తుతం 9.05 శాతంగా ఉంది. ఎమ్‌సిఎల్‌ఆర్‌ను పెంచుతూ హెచ్‌డిఎఫ్‌సి బ్యాంక్ తీసుకున్న నిర్ణయం గృహ రుణ వడ్డీ రేట్లను ప్రభావితం చేయదని బ్యాంక్ తెలిపింది.

MCLR ఆధారంగా పాత వ్యక్తిగత రుణాలు, ఫ్లోటింగ్ ఆటో రుణాలు మాత్రమే వడ్డీ రేటుపై ప్రభావం చూపుతాయి. బ్యాంకుల గృహ రుణాలు రెపో రేటుతో అనుసంధానించి ఉంటాయి. ఎంసీఎల్‌ఆర్‌ను పెంచుతూ హెచ్‌డీఎఫ్‌సీ బ్యాంక్ నిర్ణయం తీసుకోవడం ఆశ్చర్యం కలిగిస్తోంది. ఎందుకంటే గత రెండు మానిటరీ పాలసీ కమిటీ సమావేశాల్లో ఆర్‌బీఐ పాలసీ రేట్లలో ఎలాంటి మార్పు చేయలేదు. ఆగస్టులో జరిగే పాలసీ సమావేశంలో కూడా ఆర్‌బీఐ పాలసీ రేట్లను ప్రస్తుత ధరల ప్రకారం కొనసాగించగలదని నిపుణులు భావిస్తున్నారు.