HDFC Bank: ఫిక్స్‌డ్ డిపాజిట్లపై వడ్డీ రేట్లను పెంచిన హెచ్‍డీఎఫ్‍సీ బ్యాంక్..

ప్రముఖ ప్రైవేట్ రంగ బ్యాంక్ HDFC బ్యాంక్ రూ.2 కోట్ల నుంచి రూ.5 కోట్ల వరకు ఉండే ఫిక్స్‌డ్ డిపాజిట్లపై వడ్డీ రేట్లను సవరించింది. బ్యాంక్ అధికారిక వెబ్‌సైట్ ప్రకారం, కొత్త రేట్లు18 నవంబర్ 2022 నుంచి అమలులోకి వచ్చాయి. సవరించిన రేట్లు డొమెస్టిక్ / NRO / NRE డిపాజిట్లపై వర్తిస్తాయి. సవరణ తర్వాత, బ్యాంక్ ఇప్పుడు 7 రోజుల నుంచి 10 సంవత్సరాలలో మెచ్యూర్ అయ్యే డిపాజిట్లపై సాధారణ ప్రజలకు 3.75% నుంచి 6.25% వరకు.. సీనియర్ సిటిజన్‌లకు 4.25% నుంచి 7.00% వరకు వడ్డీ రేటును అందిస్తోంది.

6 శాతం
బ్యాంక్ ప్రస్తుతం 7 నుండి 29 రోజులలో మెచ్యూర్ అయ్యే ఫిక్స్‌డ్ డిపాజిట్లపై 3.75% వడ్డీ రేటును అందిస్తుండగా 30 నుంచి 45 రోజులలో మెచ్యూర్ అయ్యే వాటిపై 4.75% వడ్డీ రేటును అందిస్తోంది.
9 నెలల 1 రోజు నుంచి 1 సంవత్సరం వరకు మెచ్యూర్ అయ్యే FDలపై, బ్యాంక్ ఇప్పుడు 6.00% వడ్డీ రేటును అందిస్తోంది. 1 సంవత్సరం నుంచి 15 నెలల వరకు మెచ్యూర్ అయ్యే వాటిపై, HDFC బ్యాంక్ ఇప్పుడు 6.50% వడ్డీ రేటును ఇస్తుంది.

ఫెడరల్ బ్యాంక్
ఫెడరల్ బ్యాంక్ రూ.2 కోట్ల లోపు ఫిక్స్‌డ్ డిపాజిట్ పథకాల వడ్డీ రేట్లను పెంచుతూ నిర్ణయం తీసుకుంది. ఈ పెరుగుదల తర్వాత, బ్యాంక్ సాధారణ పౌరులకు 3.00 శాతం నుంచి 6.30 శాతం వరకు వడ్డీ రేటును అందిస్తోంది. అదే సమయంలో సీనియర్ సిటిజన్లకు 3.50 శాతం నుంచి 6.95 శాతం వరకు వడ్డీ రేట్లను అందిస్తోంది. అదే సమయంలో, 700 రోజులలో, బ్యాంక్ సాధారణ పౌరులకు 7.25 శాతం, సీనియర్ సిటిజన్లకు 7.75 శాతం వడ్డీ రేటును అందిస్తోంది.