Infosys, TCSతో పోలిస్తే HCL Tech Q2 ఫలితాలు ఎందుకు స్పెషల్? ఈ వృద్దికి కారణం ఏంటో తెలుసా?

HCL Tech 2025 సెప్టెంబర్ 30తో ముగిసిన త్రైమాసికంలో రూ. 4,235 కోట్లు నికర లాభం సాధించింది. ఇది గత సంవత్సరం అదే త్రైమాసికంతో పోలిస్తే పెద్ద మార్పు రాలేదు. కానీ ఆదాయం గణనీయంగా పెరిగింది, గత సంవత్సరం అదే త్రైమాసికంలో రూ. 28,862 కోట్లు మాత్రమే ఉండగా, ఈసారి 11% పెరుగుతూ రూ. 31,942 కోట్లుకి చేరింది. అంతేకాక గత త్రైమాసికంతో పోలిస్తే ఆదాయం 5.2% పెరిగింది, నికర లాభం కూడా 10.17% పెరుగుదల చూపింది. అంటే HCL Tech స్థిరమైన లాభంతో పాటు, ఆదాయం మరియు మార్జిన్లు కూడా బలంగా పెరుగుతున్నాయి.

HCLTech ఆపరేటింగ్ మార్జిన్ ఈ త్రైమాసికంలో 17.5%కి చేరింది, ఇది గత త్రైమాసికంతో పోలిస్తే 120 బేసిస్ పాయింట్లు మెరుగ్గా ఉంది. కంపెనీ ఈ సంవత్సరం మొత్తం కోసం స్థిర కరెన్సీలో 3-5% ఆదాయం వృద్ధి సాధిస్తుందని అంచనా వేసింది, అలాగే EBIT మార్జిన్ 17-18% మధ్యగా ఉండవచ్చని సూచించింది. ఉద్యోగుల సంఖ్యలో కూడా పెరుగుదల కనిపించింది. ఈ త్రైమాసికంలో 3,489 కొత్త ఉద్యోగులను జాయిన్ చేశారు, దీంతో మొత్తం సిబ్బంది సంఖ్య 2,26,640కి చేరింది. వీటిలో 5,196 ఫ్రెషర్స్ కూడా కొత్తగా చేరి, కంపెనీ జూనియర్ టాలెంట్‌ను బలపరిచింది.

కొత్త డీల్‌లు మొత్తం కాంట్రాక్ట్ వాల్యూ (TCV) పరిమాణంలో $2.56 బిలియన్ కు చేరాయి. ఇది గత త్రైమాసికంతో పోలిస్తే 41.8% పెరుగుదల, గత సంవత్సరం అదే త్రైమాసికంతో పోలిస్తే 15.8% పెరుగుదల.

HCL Tech CEO & MD సీ. విజయకుమార్ మాట్లాడుతూ, ఈ త్రైమాసికం అన్ని విధాలుగా ఫాంటాస్టిక్‌గా ఉంది. AI ఆధారిత పరిష్కారాల డిమాండ్ పెరుగుతోంది, అడ్వాన్స్డ్ AI ద్వారా ఆదాయం $100 మిలియన్‌కు మించి ఉంది. స్థిర కరెన్సీలో కంపెనీ ఆదాయం 2.4% పెరిగింది, ఆపరేటింగ్ మార్జిన్ 17.5%కి తిరిగి వచ్చింది. కొత్త బుకింగ్స్ $2.5 బిలియన్‌కు మించి ఉన్నాయి. అలాగే, ఈ త్రైమాసికంలో 3,489 మంది కొత్త ఉద్యోగులను జాయిన్ చేసుకున్నాము , ఒక్కొక్క ఉద్యోగి ఆదాయం కూడా 1.8% పెరిగింది.

HCL Tech తన షేర్లదారులకు నికర లాభంలో భాగంగా మధ్యంతర డివిడెండ్ ప్రకటించింది. కంపెనీ ఈసారి ప్రతి షేర్‌కు రూ. 12 డివిడెండ్ చెల్లించేలా నిర్ణయించింది. అంటే, HCL Tech షేర్లను కలిగిన ప్రతి వ్యక్తికి ఈ త్రైమాసికంలో ఈ మొత్తాన్ని డివిడెండ్‌గా అందిస్తుంది. ఇది షేర్లదారులకు కంపెనీ లాభం పంచుకునే మార్గంగా, వారిలోకి ఆదాయం పంపిణీ చేయడం అవుతుంది.

HCL Tech యొక్క Q2 ఫలితాలను IT పరిశ్రమలోని ఇతర పెద్ద కంపెనీలతో పోల్చితే ఆసక్తికరమైన విషయాలు లభిస్తాయి. ఉదాహరణకు, Infosys, TCS వంటి IT దిగ్గజాల త్రైమాసిక ఫలితాలతో HCL Tech ప్రదర్శనను చూస్తే, ఈ కంపెనీ కూడా స్థిరమైన లాభంతో పాటు ఆదాయం మరియు మార్జిన్లలో బలమైన వృద్ధి చూపిస్తోంది. ఇది HCL Techకి IT పరిశ్రమలో ఒక అదనపు లాభం ఇస్తుంది. ఇతర కంపెనీల కంటే కొంచెం ముందుంటుందనిపించడానికి సహాయపడుతుంది.