ఫారెన్ వెళ్లే వారికి కత్తి లాంటి న్యూస్.. H-1B వీసా షురూ.. ఎంత కట్టాలంటే..

H-1B Visa Registration: H-1B వీసా అనేది ఒక పాపులర్ రెసిడెంట్(non-immigrant) వీసా, ఇది US కంపెనీలు అడ్వాన్స్ నాలెడ్జ్ లేదా టెక్నీకాల్ స్కిల్స్ ఉన్న విదేశీ కార్మికులను నియమించుకోవడానికి ఉపయోగపడుతుంది. దీనిని టెక్నాలజీ వంటి పరిశ్రమలలో ఎక్కువగా ఉపయోగిస్తుంటారు, ఎందుకంటే ఇక్కడ వ్యాపారాలు ఎక్కువగా భారతదేశం, చైనా వంటి దేశాల నుండి హై స్కిల్స్ ఉన్న కార్మికులపై ఆధారపడతాయి.

2026 కొరకు H-1B వీసా రిజిస్ట్రేషన్ తేదీలు
2026 ఆర్థిక సంవత్సరానికి H-1B వీసా రిజిస్ట్రేషన్ మార్చి 7న ప్రారంభమై మార్చి 24న ముగుస్తుందని US సిటిజన్షిప్ అండ్ ఇమ్మిగ్రేషన్ సర్వీసెస్ (USCIS) తెలిపింది. ఈ కాలంలో దరఖాస్తుదారులు USCIS ఆన్‌లైన్ ప్లాట్‌ఫామ్‌ ఉపయోగించి USD $215 రిజిస్ట్రేషన్ ఫీజును చెల్లించి రిజిస్టర్ చేసుకోవాలి.

ఈ ప్రక్రియ చాలా కీలకమైనది, ఎందుకంటే వీసా నెక్స్ట్ రౌండ్ కోసం దరఖాస్తుదారులను సెలెక్ట్ చేయడానికి నిర్ణయించడంలో సహాయపడుతుంది. అయితే 2026 ఆర్థిక సంవత్సరానికి 2025లో మొదట ప్రవేశపెట్టిన బెనెఫిషియరీ-సెంట్రిక్ సెలక్షన్ ప్రక్రియను యుఎస్ ఉపయోగిస్తుంది.

H-1B వీసా వల్ల ఎవరికి ప్రయోజనం?
H-1B వీసా అందుకున్న వారిలో భారతీయులే ఎక్కువ మంది ఉన్నారు. ఇంకా ఏటా 65 వేల వీసాలను, అలాగే US-ఆధారిత ఉన్నత చదువు డిగ్రీల కోసం కేటాయించిన 20 వేల వీసాలను సద్వినియోగం చేసుకుంటున్నారు. ఈ కార్మికులు వివిధ రంగాలలో, ముఖ్యంగా H-1B వీసాపై ఎక్కువగా ఆధారపడిన టెక్నాలజీ కంపెనీలలో కీలక పాత్ర పోషిస్తున్నారు.

H-1B వీసా కోసం రిజిస్ట్రేషన్ ప్రక్రియ, ఫీజు
H-1B వీసా కోసం రిజిస్టర్ చేసుకోవడానికి దరఖాస్తుదారులు USCIS ఆన్‌లైన్ పోర్టల్‌లో అకౌంట్ ఓపెన్ చేయాలి. సెలక్షన్ కోసం మార్చి 24లోపు రిజిస్ట్రేషన్ పూర్తి చేయాలి. H-1B వీసా రిజిస్ట్రేషన్ ఫీజు USD 215(సుమారు రూ. 18,000)గా నిర్ణయించారు. అయితే అన్ని పేమెంట్స్ USCIS సిస్టం ద్వారా ఎలక్ట్రానిక్‌గా చేయాలి.