Hyderabad: హైదరాబాదీలకు అలర్ట్.. ఆ పని చేయకుంటే చుక్క నీరు కూడా దొరకదు..!

రాష్ట్రంలో ఎల్ నినో ప్రభావం స్పష్టంగా కనిపిస్తోంది. ఈ వర్షాకాలం వర్షపాతం భారీగా తగ్గిపోయింది. ముఖ్యంగా దక్షిణ, మధ్య తెలంగాణలో జిల్లాలో అధిక లోటు వర్షపాతం ఉంది. హైదరాబాద్, రంగారెడ్డి, మేడ్చల్ జిల్లాల్లో కూడా లోటు వర్షపాతం ఉంది. హైదరాబాద్ సిటీలో ఇప్పటికే చాలా చోట్ల నీటి కరువు కనిపిస్తోంది. వచ్చే ఐదారు నెలల్లో పట్నంలో నీటి కొరత తీవ్రంగా ఉండే అవకాశం ఉంది. హైదరాబాద్, దాని చుట్టుపక్కల పట్టణ జిల్లాల్లో భూగర్భ జలాలు భారీగా పడిపోతున్నాయి. వార్షిక భూగర్భ జల వనరులలో దాదాపు 70 శాతం ఇప్పటికే పూర్తయింది. ఎండ కాలం రాక ముందే పూర్తి అయిందంటే.. ఇక చాలా వరకు సిటీలో బోర్లు ఎండిపోయే ప్రమాదం ఉందని అధికారులు హెచ్చరిస్తున్నారు.

2025-26 భారత భూగర్భ జల వనరుల అంచనా వ్యవస్థ (IN-GRES) అంచనా ప్రకారం, హైదరాబాద్, రంగారెడ్డి మరియు మెడ్చల్-మల్కాజిగిరి జిల్లాలను కలిగి ఉన్న కోర్ అర్బన్ రీజియన్ (CURE)లో, సంవత్సరానికి అందుబాటులో ఉన్న 72,000 హెక్టార్-మీటర్ల (హెక్టార్-మీటర్ల) వనరు నుంచి సుమారు 48,000 హెక్టార్-మీటర్ల భూగర్భ జలాన్ని ఇప్పటికే తోడేశారు. హైదరాబాద్‌లో సిటీలోని అంబర్‌పేట్, అమీర్‌పేట్, ఆసిఫ్‌నగర్, చార్మినార్, గోల్కొండ, హిమాయత్‌నగర్, ఖైరతాబాద్, సైదాబాద్ అనే ఎనిమిది ప్రాంతాల్లో భారీగా భూగర్భ జలాలను తోడేశారు. బహదూర్‌పుర, బండ్లగూడ, మారేడ్‌పల్లి, ముషీరాబాద్, నాంపల్లి, సికింద్రాబాద్, షేక్‌పేట్ ప్రాంతాల్లో కూడా భూ గర్భ జలాలు భారీగా వడుతున్నారు.

నివాస, వాణిజ్య, పారిశ్రామిక కార్యకలాపాల కారణంగా భారీగా భూగర్భ జలాలను బయటకు తీస్తున్నారని తెలంగాణ భూగర్భ జల శాఖ అధికారి ఒకరు చెప్పినట్లు తెలుస్తోంది. హైదరాబాద్ నీటి అవసరంలో మున్సిపల్ నీరు కేవలం 30 శాతం మాత్రమే తీరుస్తున్నందున, గృహాలు, వ్యాపారాలు, పరిశ్రమలు ఎక్కువగా బోర్‌వెల్‌లపై ఆధారపడి ఉన్నాయి. తెలంగాణ జనాభాలో దాదాపు మూడింట ఒక వంతు హైదరాబాద్ మహానగర ప్రాంతంలోనే ఉన్నప్పటికీ, రాష్ట్ర వార్షిక భూగర్భ జల వనరులలో కేవలం 3 శాతం మాత్రమే వీరికి అందుబాటులో ఉన్నాయి. తెలంగాణలో దాదాపు 21 లక్షల హెక్టార్ల వార్షిక వెలికితీయగల భూగర్భ జల వనరులు ఉన్నాయి.

హైదరాబాద్ భూగర్భ జల సమస్యలో అధికంగా నీటిని తోడటం ఒక భాగం మాత్రమే. భూగర్భ నిల్వల నుంచి తీసుకున్న నీటిని తిరిగి నింపడంలో కూడా నగరం సవాళ్లను ఎదుర్కొంటోంది. వేగవంతమైన పట్టణీకరణ, విస్తృతమైన కాంక్రీటీకరణ కారణంగా, వర్షపు నీరు నేలలోకి ఇంకడానికి వీలుండే ఖాళీ స్థలం తగ్గి, భూగర్భ జలాల పునరుత్పత్తి తగ్గిపోయిందని నిపుణులు చెబుతున్నారు. ఇప్పటి నుంచైనా.. ఇంకుడు గుంతాలు ఏర్పాటు చేసుకోవాలని చెబుతున్నారు లేకుంటే ఎండకాలం తీవ్ర నీటి కొరత వచ్చే అవకాశం ఉందని హెచ్చస్తున్నారు. అటు కృష్ణా, గోదావరి ప్రాజెక్టుల్లో కూడా భారీగా నీరు తగ్గింది. అక్కడ నుంచి హైదరాబాద్ వచ్చే నీరు తగ్గే అవకాశం ఉంది.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.