మంచి ఛాన్స్ కోనేసేయండి.. వాలెంటైన్స్ డే బంపర్ అఫర్.. జ్యువెలరి షాప్స్ భారీ డిస్కౌంట్..

ప్రేమికుల దినోత్సవ ప్రత్యేక ఆఫర్లు: ప్రేమను వ్యక్తపరిచేందుకు రోజైన ప్రేమికుల దినోత్సవానికి మార్కెట్ పూర్తిగా సిద్ధమైంది. వాలెంటైన్స్ వీక్ అధికారికంగా ఫిబ్రవరిలో జరుపుకుంటారు, కానీ ఫిబ్రవరి 14 వాలెంటైన్స్ డేకి ప్రత్యేక ఆకర్షణ ఉంది. అందుకే కొన్ని కంపెనీలు అమ్మకాలను పెంచుకోవడానికి వివిధ రకాల డిస్కౌంట్లను అందిస్తాయి. అలాగే దేశవ్యాప్తంగా ఉన్న ప్రముఖ ఆభరణాల వ్యాపారులు ప్రేమికుల దినోత్సవం సందర్భంగా మేకింగ్ ఛార్జీలు, బిల్లింగ్‌పై ఇప్పుడు డిస్కౌంట్లను అందిస్తున్నారు.

ప్రేమికుల రోజున మీకు గుడ్ న్యూస్
ఈ ప్రేమికుల దినోత్సవం రోజు మీ భాగస్వామికి లేదా ఇష్టమైన వారికీ బంగారు ఆభరణాలు కొనాలని ప్లాన్ చేస్తుంటే మీకో చక్కటి వార్త. కళ్యాణ్ జ్యువెలర్స్, తనిష్క్, కారాట్లేన్ అలాగే ఇతర ఆభరణాల బ్రాండ్లు ప్రత్యేక డిస్కౌంట్లను ప్రకటించాయని మనీకంట్రోల్ నివేదించింది. ఈ బ్రాండ్ల ఆఫర్ల గురించి తెలుసుకునే ముందు మీ బిల్లుకు ఏ పన్నులు కలుపుతారో తెలుసుకోవాలి...

వస్తువులు & సేవల పన్ను అంటే GST: మొత్తం ధరపై 3% పన్ను విధించబడుతుంది (బంగారం + తయారీ ఛార్జీలు). అయితే, పాత బంగారం రీసేల్/ ఎక్స్చేంజ్ పై GST ఉండదు. కొన్ని సందర్భాల్లో బంగారం తరుగుకి ఆభరణాల వ్యాపారులు కొంత అదనపు శాతాన్ని ఛార్జ్ చేస్తారు.

రాళ్ళు, అదనపు ఛార్జీలు: వజ్రాలు, రత్నాలు లేదా హై ఎండ్ డిజైన్లతో కూడిన ఆభరణాలకు అదనపు ఛార్జీలు వర్తిస్తాయి.

హాల్‌మార్కింగ్ ఛార్జీలు: బంగారం స్వచ్ఛతను పై రూ. 45 BIS సర్టిఫికేషన్ ఛార్జీలు వర్తిస్తాయి. ఈ సర్టిఫికేషన్ బంగారం బ్యూరో ఆఫ్ ఇండియన్ స్టాండర్డ్స్ (BIS) నాణ్యతా ప్రమాణాలకు అనుగుణంగా ఉందని హామీ ఇస్తుంది.

కళ్యాణ్ జ్యువెలర్స్
కళ్యాణ్ జ్యువెలర్స్ తయారీ ఛార్జీలపై 40% వరకు తగ్గింపును అందిస్తోంది. ఉదాహరణకు, మీరు రూ. 15,421 విలువైన 18 క్యారెట్ల బెనా (baina)గోల్డ్ చైన్ కొనుగోలు చేస్తే, డిస్కౌంట్ తరువాత దీని ధర రూ. 13,820కి తగ్గుతుంది. అంటే మీకు రూ.1,601 ప్రయోజనం లభిస్తుంది.

తనిష్క్ జ్యువెలర్స్
జనవరి 14 నుండి 3 మార్చి 2025 వరకు తనిష్క్ ఆభరణాల వ్యాపారులు బంగారం ఇంకా వజ్రాల ఆభరణాలపై డిస్కౌంట్లను అందిస్తున్నారు. కస్టమర్లు సెలెక్ట్ చేసిన స్టడెడ్ అండ్ ప్లాటినం ఆభరణాలపై 5% నుండి 25% వరకు, వజ్రాల పై 2.5% నుండి 12.5% ​​వరకు, రంగు రాతి ఆభరణాలపై 10% నుండి 20% వరకు తగ్గింపు పొందవచ్చు. సాలిటైర్ & ప్లాటినం ఆభరణాలపై 5% నుండి 12% వరకు తగ్గింపు ఉంటుంది. అంతేకాకుండా, పాత బంగారాన్ని కొత్త ఆభరణాలుగా మార్చుకోవచ్చు. అయితే, మేకింగ్ ఛార్జీలు ఇంకా పన్నులు ఇప్పటికీ వర్తిస్తాయి.

క్యారెట్ లేన్
ప్రేమికుల దినోత్సవం సందర్భంగా, టాటా గ్రూప్‌కు చెందిన ఈ బ్రాండ్ తయారీ ఛార్జీలపై 20% తగ్గింపును అందిస్తోంది.

జాయ్ అలుక్కాస్
ఈ కంపెనీ బంగారం & వెండి ఆభరణాల తయారీ ఛార్జీలపై 18% వరకు తగ్గింపును అందిస్తోంది. వజ్రాభరణాల తయారీ ఛార్జీలపై 50% వరకు తగ్గింపు ఉంటుంది.