Penny Stocks: లక్ష పెట్టుబడిని రూ.22 లక్షలుగా మార్చిన పెన్నీ స్టాక్.. ఆ ప్రముఖ ఇన్వెస్టర్ కొత్తగా షేర్లు కొన్న

Multibagger Stocks: మంచి పెన్నీస్టాక్స్ తక్కువ ధరలో అందుబాటులో ఉంటే.. సెలబ్రిటీ ఇన్వెస్టర్లు సైతం వాటిలో పెట్టుబడులు పెడుతుంటారు. జూన్ 30, 2022తో ముగిసిన త్రైమాసికంలో సెలబ్రిటీ ఇన్వెస్టర్ ఆశిష్ కచోలియా ఈ కంపెనీలో 3 లక్షలకు పైగా షేర్లను కొనుగోలు చేశారు. ప్రస్తుతం ఈ స్టాక్ ప్రస్తుతం ఐదు శాతం అప్పర్ సర్క్యూట్‌లో లాక్ అయింది. మంచి ఫండమెంటల్స్ ఉన్న ఈ మల్టీబ్యాగర్ గురించి పూర్తి వివరాలు ఇప్పుడు తెలుసుకుందాం..

పైపైకి ప్రయాణిస్తున్న స్టాక్..

ఇప్పటి వరకు మనం మాట్లాడుకుంటున్న స్టాక్ గ్రావిటా ఇండియా గురించే. ఇది గడచిన రెండు సంవత్సరాల్లో తన ఇన్వెస్టర్లకు మల్టీబ్యాగర్ రిటన్స్స్ అందించింది. ఇది రూ.11.80 నుంచి ప్రస్తుతం ఈ రోజు(14-07-2022) అప్పర్ సర్క్యూట్‌ను తాకి రూ.261.25 వద్ద ట్రేడ్ అవుతోంది. అంటే రెండేళ్ల కాలంలో స్టాక్ దాదాపు 450 శాతానకి పైగా రాబడిని అందించింది. మార్కెట్లు ఎక్కువ ఒలటాలిటీలో ఉన్నప్పటికీ ఈ స్టాక్ మాత్రం పైకి వెళుతూనే ఉంది. ఏడాది కాలంలో గమనిస్తే షేర్ 50 శాతానికి పైగా పెరిగింది. ఈ స్టాక్ లో రెండు సంవత్సరాల కిందట లక్ష పెట్టుబడి పెట్టిన ఇన్వెస్టర్లకు ప్రస్తుత మార్కెట్ విలువ ప్రకారం రూ.22.13 లక్షలు ఆదాయం వచ్చి ఉండేది.

బిగ్ వేల్ పెట్టుబడులు..

భారతీయ స్టాక్ మార్కెట్‌లో 'బిగ్ వేల్'గా పిలవబడే కచోలియా ఏప్రిల్-జూన్ మధ్య కాలంలో కంపెనీలో ఈ కంపెనీ షేర్లలో తన వాటాను 0.46% నుంచి 1.81%కి పెంచుకున్నారు. అతను గ్రావిటా ఇండియాలో మెుత్తం 12,49,608 షేర్లను కలిగి ఉన్నారు. ఈయన పోర్ట్‌ఫోలియోలో.. ఆతిథ్యం, ​​విద్య, ఇన్‌ఫ్రా, తయారీ రంగాలకు చెందిన స్టాక్‌లలో రూ.1,543.6 కోట్ల పెట్టుబడి కలిగి ఉన్నారు.

విదేశాలల్లో కంపెనీ వ్యాపార వివరాలు..

1992లో రాజస్థాన్‌లోని జైపూర్‌లో గ్రావిటా ఇండియా లిమిటెడ్ స్థాపించబడింది. ఇది దేశంలో లెడ్ అత్యధికంగా ఉత్పత్తి చేస్తున్న కంపెనీలో ఒకటిగా ఉంది. ఈ కంపెనీ.. అంతర్జాతీయ వాణిజ్యం, టర్న్‌కీ సొల్యూషన్స్‌లో నాన్‌ఫెర్రస్ మెటల్స్, ప్లాస్టిక్స్ పరిశ్రమ, ఇన్ఫర్మేషన్ టెక్నాలజీలో వ్యాపారాలను కలిగి ఉంది. కంపెనీ భారతదేశంతో పాటు USA, సింగపూర్, నెదర్లాండ్, శ్రీలంక, ఘనా, మొజాంబిక్, సెనెగల్, టాంజానియా, జమైకా, మాలి, మౌరిటానియా , నికరాగ్వాలో కార్యాలయాలతో పాటు ప్లాంట్లను కలిగి ఉంది.

కంపెనీ లాభాలు ఇలా..

2022 మార్చి క్వార్టర్ లో కంపెనీ సేల్స్ టర్నోవర్ రూ.560.95 కోట్లుగా ఉంది. ఈ సమయంలో ఇతర ఆదాయాలతో కలుపుకుని మెుత్తం సేల్స్ రూ.562.83 కోట్లుగా నమోదైంది. ఈ క్రమంలో పన్నుల తరువాత లాభం రూ.12.31 కోట్లుగా ఉంది. ఈ స్టాక్ 52 వారాల కనిష్ఠ ధర రూ.160.20 వద్ద ఉండగా.. షేర్ 52 వారాల గరిష్ఠ ధర రూ.398.00గా ఉంది. అయితే ప్రస్తుతం సెలబ్రిటీ ఇన్వెస్టర్ తన పెట్టుబడులను పెంచుకోవటం చూస్తుంటే.. రానున్న కాలంలో ఈ స్టాక్ మరింతగా పెరిగే అవకాశం ఉండవచ్చని మార్కెట్ వర్గాలు భావిస్తున్నాయి.

NOTE: పైన వెల్లడించిన వివరాలు కేవలం సమాచారం కోసం మాత్రమే. దీని ఆదారంగా ఎలాంటి ట్రేడింగ్ చేయకండి. పెట్టుబడులపై నిర్ణయాలు తీసుకునేముందు తప్పకుండా మీ ఆర్థిక సలహాదారును సంప్రదించండి.