IPO News: ఇదిరా ఐపీవో అంటే.. తొలిరోజే రెండింతల బంపర్ లాభం.. ఇన్వెస్టర్లకు తుఫాను..!!

IPO News: ఈరోజు మార్కెట్లోకి అడుగుపెట్టిన ఐపీవో ఇన్వెస్టర్లకు పేలుడు లాభాలను అందించింది. తొలిరోజు అందుకున్న లాభాలను చూసి ఇన్వెస్టర్ల ఒక్కసారిగా షాక్ అవుతున్నారు.

ఇప్పుడు మనం మాట్లాడుకోబోతున్నది గోయల్ సాల్ట్ లిమిటెడ్ లిస్టింగ్ ఐపీవో గురించే. ముడి ఉప్పు తయారీ కంపెనీ దలాల్ స్ట్రీట్‌లో గ్రాండ్ అరంగేట్రం చేసింది. గోయల్ సాల్ట్ షేర్లు రూ.130 చొప్పున లాభంతో NSE SMEలో జాబితా చేయబడ్డాయి. కంపెనీ షేర్లను రూ.38 చొప్పున విక్రయించింది. దీంతో 242 శాతం బలమైన ప్రీమియం రేటుకు ఐపీవో మార్కెట్లోకి అరంగేట్రం చేసింది.

సెప్టెంబర్ 26న పెట్టుబడిదారుల కోసం తెరవబడిన ఇష్యూ అక్టోబర్ 3న ముగిసింది. ఈ క్రమంలో ఇన్వెస్టర్ల నుంచి వచ్చిన వినూత్న స్పందనతో మొత్తం 294.61 రెట్లు సబ్‌స్క్రయిబ్ అయ్యింది. రిటైల్ కేటగిరీ 377.97 రెట్లు, నాన్-ఇన్‌స్టిట్యూషనల్ ఇన్వెస్టర్ల కేటగిరీలో 382.45 రెట్లు, QIB కోటా 67.20 సార్లు సబ్‌స్క్రైబ్ చేయబడింది. కంపెనీ తాజా ఐపీవో నుంచి రూ.18.63 కోట్లను సమీకరించింది. ఇందుకోసం మెుత్తం 49.02 లక్షల తాజా ఈక్విటీ షేర్లను విక్రయించింది. ఐపీవో ప్రైస్ బ్యాండ్ ధర రూ.36-38గా ఉంది. ఈ క్రమంలోనే కంపెనీ యాంకర్ ఇన్వెస్టర్ల నుంచి రూ.5 కోట్లను సేకరించింది.

రాజస్థాన్‌కు చెందిన ఈ కంపెనీ ముడి ఉప్పును తయారు చేస్తుంది. దీనిని పారిశ్రామిక ఉప్పు, తినదగిన ఉప్పుగా ఉపయోగిస్తారు. కంపెనీ సబ్బులు, డిటర్జెంట్ పరిశ్రమలు, రసాయన పరిశ్రమలు, వస్త్ర పరిశ్రమలకు ఇండస్ట్రియల్ సాల్ట్స్ ఉత్పత్తి, సరఫరా చేస్తుంది. ఇది గాజు, ప్లాస్టిక్, రబ్బరు, పాలిస్టర్, లెథర్ తయారీ పరిశ్రమలకు పారిశ్రామిక ఉప్పును కూడా సరఫరా చేస్తుంది.