ఎల్ఐసీ ఐపీవోకు 60 మంది ఇన్వెస్టర్లతో షార్ట్ లిస్ట్

బీమా రంగ దిగ్గజం ఎల్ఐసీ ఐపీవోకు కేంద్ర ప్రభుత్వం ముమ్మరంగా ఏర్పాట్లు చేస్తోంది. ఇందులో భాగంగా ఇఫ్పటికే దాదాపు 60 మంది యాంకర్ ఇన్వెస్టర్లతో కూడిన ఓ జాబితాను షార్ట్ లిస్ట్ చేసిందని తెలుస్తోంది. ఈ జాబితాలో బ్లాక్ రాక్, శాండ్స్ క్యాపిటల్, ఫెడిలిటీ ఇన్వెస్ట్‌మెంట్, స్టాండర్డ్ లైఫ్, జేపీ మోర్గాన్ వంటి సంస్థఉన్నాయి. త్వరలో తుది జాబితాను సిద్ధం చేయనున్నదని తెలుస్తోంది.

యాంకర్ ఇన్వెస్టర్లు ఇచ్చే ఫీడ్ బ్యాక్ ఆధారంగా ఎల్ఐసీ ఐపీవోలు షేర్ ధరను నిర్ణయిస్తారు. ఇప్పటికే ఈ సంస్థ వ్యాల్యూ రూ.7 లక్షల కోట్లుగా నిర్ణయించినట్లుగా చెబుతున్నారు. ఈ వ్యాల్యూ ఆధారంగా చూస్తే మరింతమంతి ఇన్వెస్టర్లను ఆకర్షిస్తోందని అంటున్నారు. కేంద్రం, మధ్యవర్తులు ఎల్ఐసీకి సంబంధించి మూల్యాంకనం అంచనాలను ఇన్వెస్టర్లతో పంచుకున్నట్లుగా తెలుస్తోంది.

మార్కెట్ పరిస్థితులు, అంతర్జాతీయంగా ప్రతికూల వాతావరణం కారణంగా ప్రభుత్వం అనుకున్న దాని కంటే ఎల్ఐసీకి కొంత తక్కువ వ్యాల్యూ కట్టినట్లుగా భావిస్తున్నట్లు చెబుతున్నారు. మూల్యాంకనానికి సంబంధించిన తుది నిర్ణయం త్వరలో తీసుకోవచ్చుననే అంచనాలు ఉన్నాయి. యాంకర్ ఇన్వెస్టర్ల నుండి ఇన్వెస్ట్‌మెంట్ కమిట్మెంట్ లెటర్‌ను స్వీకరించిన తర్వాత వారు ఎంత వ్యాల్యూ కట్టడానికి ఆసక్తిగా ఉన్నారో అనే అంశంపై ప్రభుత్వానికి చెందిన ఉన్నతస్థాయి కమిటీకి స్పష్టత వస్తుంది.