LIC IPO: ఎల్ఐసీ ఐపీవోపై ఫారెన్ సావరీన్, పెన్షన్ ఫండ్స్

ప్రభుత్వరంగ బీమా దిగ్గజం లైఫ్ ఇన్సురెన్స్ కార్పోరేషన్ ఆఫ్ ఇండియా (LIC) ఐపీవో త్వరలో రానుంది. ఇందుకు యాంకర్ ఇన్వెస్టర్లుగా ఉండేందుకు కేంద్ర ప్రభుత్వం సావరీన్ వెల్త్, పెన్షన్ ఫండ్స్‌ను సంప్రదిస్తోందని చెబుతున్నారు. ఈ సావరీన్ వెల్త్ అండ్ పెన్షన్ ఫండ్స్‌లో ఖతార్ ఇన్వెస్ట్‌మెంట్ అథారిటీ, సింగపూర్‌కు చెందిన జీఐసీ, మూడు కెనడియన్ పెన్షన్ ఫండ్స్ అబుదాబీ ఇన్వెస్ట్‌మెంట్ అథారిటీ కూడా ఉంది.

ఈ సంస్థల నుండి వారి భాగస్వామ్యాన్ని ధృవీకరించేందుకు కేంద్ర ప్రభుత్వం ముందుకు సాగుతోంది. వీరు దీర్ఘకాలిక హారిజోన్‌తో స్థిరమైన పెట్టుబడిదారులు, పబ్లిక్ ఇష్యూపై ఆసక్తిని చూపించినట్లుగా చెబుతున్నారు. చాలా ప్రముఖ సావరీన్ ఫండ్స్ ఎల్ఐసీ ఐపీవో పట్ల ఆసక్తిని వ్యక్తం చేశాయని, ఈ ఇష్యూలో యాంకర్ ఇన్వెస్టర్లు కావడం కోసం మర్చంట్ బ్యాంకర్లు వారితో ఆధునాతన చర్చలు జరుపుతున్నారని అంటున్నారు.

మే నెలలో విడుదల కానున్న ఐపీవోకు ముందు రోడ్డు షో సందర్భంగా దాదాపు 180 మంది సంభావ్య యాంకర్ పెట్టుబడిదారులను కేంద్రం ఎంపిక చేసింది. దేశంలోని అతిపెద్ద ఐపీవో కోసం యాంకర్ పెట్టుబడిదారులుగా కనీసం ఎనిమిది నుండి పది మంది బిగ్ టిక్కెట్ విదేశీ పెట్టుబడిదారులు అవసరమని అంటున్నారు.