Free Scooty: ఉచితంగా స్కూటీ అందిస్తున్న ప్రభుత్వం.. వారికి మాత్రమే..

Free Scooty: మరికొన్ని నెలల్లో దేశవ్యాప్తంగా ఎలక్షన్ల హడావిడి ప్రారంభం కాబోతోంది. ప్రస్తుతం దేశంలో ఆల్ ఫ్రీ పథకాల హవా నడుస్తోంది. ఈ క్రమంలో ప్రభుత్వాలు ప్రజలపై వరాల జల్లులు కురిపిస్తున్నాయి.

ఈ క్రమంలోనే దివ్యాంగులకు ఉచితంగా ఎలక్ట్రిక్ స్కూటర్లను అందించాలని రాజస్థాన్‌లోని అశోక్ గెహ్లాట్ ప్రభుత్వం నిర్ణయించింది. ఉద్యోగాలకు వెళ్లి వచ్చే వికలాంగ విద్యార్థులకు, వికలాంగ విద్యార్థులకు ప్రభుత్వం స్కూటీలను పంపిణీ చేస్తోంది. ప్రభుత్వం అమలు చేస్తున్న స్కీమ్ స్థానిక యువతకు ప్రయోజనకరంగా ఉంది. చదువుకోవాలనే కోరికకు ఉన్న ఆటంకాన్ని దాటేందుకు ఇది దోహదపడుతోంది.

రాజస్థాన్ ప్రభుత్వం ఈ ఏడాది స్కూటీల పంపిణీ సంఖ్యను 2000 నుంచి 5000కు పెంచింది. దీని ద్వారా ఎక్కువ మంది వికలాంగులకు ప్రయోజనం కలగనుంది. ఈ స్కీమ్ కనీసం 50 శాతం శారీరకంగా వైకల్యంతో ఉన్న రాష్ట్రం పౌరులు అర్హులను వెల్లడించింది. అయితే తాజాగా దరఖాస్తు చేసుకునే వారికి ఎలాంటి ద్విచక్ర వాహనం ఉండకూడదని ప్రభుత్వం నిబంధన పెట్టింది. 15-29 ఏళ్ల మధ్య వారికి మెుదటి ప్రాధాన్యత, 29-45 ఏళ్ల వారికి రెండవ ప్రాధాన్యత ఇవ్వాలని రాజస్థాన్ ప్రభుత్వం నిర్ణయించింది.

స్కీమ్ కింద్ బండి పొందేందుకు వారు అధికారిక వెబ్‌సైట్ sso.rajasthan.gov.in దరఖాస్తు చేసుకోవాల్సి ఉంటుంది. ఇందుకోసం ఆధార్ కార్డు, రేషన్ కార్డు, వైకల్యం సర్టిఫికేట్, వయస్సు సర్టిఫికేట్, ఆదాయ ధృవీకరణ పత్రం, ప్రాథమిక చిరునామా రుజువు, మొబైల్ నంబర్, బ్యాంకు ఖాతా వివరాలు, వాహనం నడపడానికి చట్టబద్ధమైన అర్హత అవసరం. ఈ వివరాలను డిజిటల్ పద్ధతిలో అప్‌లోడ్ చేయాల్సి ఉంటుంది. దీని కోసం డబ్బులు చెల్లించాల్సిన అవసరం లేదు.

ఏపీలో సీఎం జగన్ ప్రభుత్వం కూడా ఇలాంటి పథకాన్ని ప్రవేశపెడితే వికలాంగులకు ప్రయోజనకరంగా ఉంటుందని కొందరు అభిప్రాయపడుతున్నారు. ఇప్పటికే జగన్మోహన్ రెడ్డి ప్రభుత్వం అనేక ప్రజారంజకమైన పథకాలతో తన పాలనను కొనసాగిస్తోంది. చూడాలి భవిష్యత్తులో ఇలాంటి స్కీమ్ మన రాష్ట్రంలో కూడా వస్తుందేమో.