ఉద్యోగాల కల్పన కోసం... నిర్మల ఆత్మనిర్భర్ భారత్ రోజ్‌గార్ యోజన ప్రకటన

కరోనా నేపథ్యంలో ఇన్సెంటివ్స్ ఎంప్లాయిమెంట్ ఆపర్చునిటీస్ ఆత్మనిర్భర్ భారత్ రోజ్‌గార్ యోజన ప్రారంభించినట్లు తెలిపారు. ఏదైనా కంపెనీ మార్చి 1వ తేదీ నుండి సెప్టెంబర్ 30వ తేదీలోపు కొత్తవారిని ఉద్యోగంలో చేర్చుకున్నా లేదా అంతకుముందు ఉద్యోగం కోల్పోయిన వారిని ఎవరినైనా చేర్చుకున్నా కొన్ని ప్రయోజనాలు కల్పిస్తున్నట్లు తెలిపారు. ఇది నెలకు రూ.15,000 లోపు వేతనం ఉన్న ఉద్యోగులకు వర్తిస్తుందన్నారు.

ఆత్మనిర్భర్ భారత్ రోజ్‌గార్ స్కీం అక్టోబర్ 1వ తేదీ నుండి అమలులోకి వచ్చినట్లు తెలిపారు. కంపెనీలు లేదా సంస్థలు కొత్త ఉద్యోగులను తీసుకున్నా లేదా ఉద్యోగాలు కోల్పోయిన వారిని తీసుకుంటే కొన్ని ప్రయోజనాలు ఉంటాయని నిర్మల ప్రకటించారు.

ప్రధానమంత్రి ఆవాస్ యోజన-అర్బన్ కింద రూ.18,000 కోట్ల అదనపు నిధులు కేటాయిస్తున్నట్లు తెలిపారు నిర్మల. ఈ అదనపు నిధుల వల్ల మరో 12 లక్షల ఇళ్లు పూర్తవుతాయని, మొత్తం 18 లక్షల ఇళ్లు పూర్తవుతాయని తెలిపారు.
సబ్సిడైజ్డ్ ఫెర్టిలైజర్స్ కోసం రూ.65,000 కోట్లు కేటాయిస్తున్నట్లు తెలిపారు. పీఎం గరీబ్ కళ్యాణ్ రోజ్‌గార్ యోజనకు అదనంగా రూ.10,000 కోట్లు కేటాయిస్తున్నట్లు తెలిపారు. నేషనల్ ఇన్‌ఫ్రాస్ట్రక్చర్ ఇన్వెస్ట్‌మెంట్ ఫండ్(NIIF) డెబిట్ ప్లాట్‌ఫాంలోకి రూ.6,000 కోట్ల ఈక్విటీని ఇన్‌ఫ్యూజ్ చేస్తున్నట్లు నిర్మల తెలిపారు. NIIF స్వయంగా రూ.2000 కోట్లు ఇన్వెస్ట్ చేసిందని తెలిపారు.