గూగుల్ ప్లేస్టోర్ నుండి పేటీఎం, పేటీఎం ఫస్ట్ గేమ్స్ తొలగింపు
డిజిటల్ చెల్లింపుల యాప్ పేటిఎంకు గూగుల్ షాక్ ఇచ్చింది. ప్లేస్టోర్ నుండి ఈ మనీపేమెంట్ యాప్ను తొలగించింది. సెక్యూరిటీ నిబంధనలను పదేపదే ఉల్లంఘించినందుకు గూగుల్ ప్లేస్టోర్ నుండి తొలగించినట్లు తెలిపింది. సెక్యూరిటీ నిబంధనలకు సంబంధించి గతంలోనే పేటీఎంకు నోటీసులు జారీ చేసింది గూగుల్. క్యాసినోస్, గ్యాంబ్లింగ్ మనీ ప్రమోషన్లు తమ నిబంధనలకు విరుద్ధమని గూగుల్ తెలిపింది. పేటీఎం పలుమార్లు ఈ నిబంధనలు అతిక్రమించిందని వెల్లడించింది.
పేటీఎంతో పాటు పేటీఎం ఫస్ట్ గేమ్స్ను కూడా తొలగించింది. అయితే పేటీఎం బిజినెస్, పేటీఎం మనీ, పేటీఎం మాల్ యాప్స్ మాత్రం ప్లేస్టోర్లో యథావిథిగా ఉన్నాయి. గూగుల్ నిబంధనల మేరకు గ్యాంబ్లింగ్, ఆన్లైన్ బెట్టింగ్స్ నిర్వహించవద్దు. పేటీఎం, పేటీఎం ఫస్ట్ గేమ్స్, యాప్స్ ద్వారా ఫాంటసీ క్రికెట్ సేవలను ప్రారంభించింది. ఇది గ్యాంబ్లింగ్ను ప్రోత్సహించేలా ఉందని గూగుల్ చర్యలు తీసుకుంది.
అమెరికా కంపెనీతో వివాదానికి స్వస్తీ, డాక్టర్ రెడ్డీస్ ఒప్పందం: అందుకే స్టాక్స్ దూకుడు
గూగుల్ ప్లేలో ప్రస్తుతం పేటీఎం ఆండ్రాయిడ్ యాప్ కొత్తగా డౌన్ లోడ్ చేసుకోవడానికి, అప్ డేట్ చేసుకోవడానికి అందుబాటులో లేవని పేటీఎం తెలిపింది. తిరిగి సేవలు ప్రారంభమవుతాయని వెల్లడించింది. పేటీఎం యాప్ యథావిధిగా వినియోగించుకోవచ్చునని స్పష్టం చేసింది. మీ సొమ్ము భద్రంగా ఉందని, త్వరలో ప్లేస్టోర్లోకి వస్తుందని పేర్కొంది.