Layoffs News: ఉద్యోగి తలరాత మార్చి ఒక్క మెసేజ్‌.. సోషల్‌ మీడియాలో వైరల్.. దిగ్గజ టెక్ కంపెనీ కూడా..

Google layoff: గత రెండేళ్లుగా IT రంగం తీవ్ర ఒడిదుడుకులను ఎదుర్కొంటోంది. ఖర్చులు తగ్గించుకునేందుకు దిగ్గజ కంపెనీలు కూడా ఉద్యోగులకు లేఆఫ్స్ ప్రకటిస్తున్నాయి. అయితే ఆయా కంపెనీలు సిబ్బంది తొలగింపుకు అనుసరిస్తున్న విధానాలు ఇప్పుడు హాట్ టాపిక్‌గా మారాయి.

ప్రముఖ టెక్ దిగ్గజం గూగుల్‌ లో పనిచేస్తున్న ఓ ఉద్యోగికి చేదు అనుభవం ఎదురైంది. తనను ఉద్యోగం నుంచి తొలగించినట్లు మెసేజ్ ద్వారా మేనేజర్ సందేశం పంపించడంతో దిమ్మతిరిగినంత పనైంది. అకస్మాత్తుగా జరిగిన ఈ సంఘటనతో ఒక్కసారిగా షాక్‌కి గురయ్యాడు. అనంతరం జరిగిన వ్యవహారాన్ని సోషల్ మీడియా ద్వారా షేర్ చేసుకున్నాడు.

అలెక్స్ కోహెన్ అనే ఉద్యోగి జెమిని AI మోడల్‌కు సంబంధించిన అల్గారిథమ్‌లపై పనిచేస్తున్నాడు. అకస్మాత్తుగా హ్యాంగ్‌ అవుట్స్ మరియు గూగుల్ డ్రైవ్ యాక్సెస్ కోల్పోయినట్లు గుర్తించాడు. తీరాచూస్తే కంపెనీ నుంచి తనని తొలగించినట్లు మెసేజ్ వచ్చినట్లు చెప్పాడు. వారు కంపెనీని విడిచిపెట్టమని కోరిన విధానంపై అసంతృప్తి వ్యక్తం చేస్తూ Xలో పోస్ట్ చేశాడు.

'ఇంతకాలం గూగుల్‌ లో పనిచేస్తూ ఇప్పుడు కంపెనీని విడిచిపెట్టాల్సి వచ్చింది. నాకు 12 నెలల విభజన ప్యాకేజీ అందుతుంది. తర్వాత ఏమి చేయాలో నిర్ణయం తీసుకుంటాను. గత 5 నెలలుగా LLMలు మరియు AI గురించి నేర్చుకుంటున్న ప్రయాణం ఎంతో బాగుంది' అని సోషల్ మీడియా పోస్టులో తన భావాలను వ్యక్తపరిచాడు.