Google: నెలకు రూ.4 వేల కోట్ల అద్దె చెల్లిస్తున్న గూగుల్..

ఒక సంస్థ అద్దె రూపంలోనే నెలకు రూ.4 వేల కోట్లకు పైగా చెల్లిస్తోంది. అదేదో మామూలు సంస్థ కాదు.. ప్రపంచ దిగ్గజ కంపెనీ గూగుల్. గూగుల్ బెంగళూరులోని వైట్‌ఫీల్డ్‌లోని అలెంబిక్ సిటీలో 649,000 చదరపు అడుగుల ఆఫీస్ స్థలాన్ని గూగుల్ లీజుకు తీసుకుంది. చదరపు అడుగుకు రూ. 62 నెలవారీ అద్దె రేటుతో కార్యాలయాన్ని మూడేళ్ల లాక్-ఇన్ పీరియడ్‌తో లీజుకు తీసుకున్నట్లు జాతీయ మీడియా పేర్కొంది. అంటే నెలకురూ. 4,02,38,000 అద్దె చెల్లిస్తోంది గూగుల్.

2022లో గూగుల్ కనెక్ట్ సర్వీసెస్ ఇండియా ప్రైవేట్ లిమిటెడ్ హైదరాబాద్‌లో 600,000 చదరపు అడుగుల ఆఫీస్ స్పేస్ కోసం లీజును పునరుద్ధరించింది. బెంగళూరులోని బాగ్‌మనే డెవలపర్స్ నుండి 1.3 మిలియన్ చదరపు అడుగుల ఆఫీస్ స్థలాన్ని లీజుకు ఇవ్వడానికి కూడా గూగుల్ అంగీకరించింది. 2020 నుంచి భారతదేశంలో గూగుల్ ఆఫీస్ స్పేస్ పోర్ట్‌ఫోలియో 3.5 మిలియన్ చదరపు అడుగుల మేర విస్తరించింది. కంపెనీ ఇప్పుడు భారతదేశంలోని ఐదు నగరాల్లో 9.3 మిలియన్ చదరపు అడుగుల రియల్ ఎస్టేట్ కార్యకలాపాలు నిర్వహిస్తోంది.

తయారీ రంగంలోకి దిగడం ద్వారా గూగుల్ భారతదేశంలో తన ఉనికిని మరింత విస్తరిస్తోంది. తమిళనాడులోని ఫాక్స్‌కాన్ ఫెసిలిటీలో స్మార్ట్‌ఫోన్‌లను తయారు చేయాలని, ఇతర రాష్ట్రాల్లో డ్రోన్ తయారీని ప్రారంభించాలని కంపెనీ యోచిస్తోంది. భారతదేశంలో పిక్సెల్ స్మార్ట్‌ఫోన్‌ల ఉత్పత్తి పిక్సెల్ 8 మోడల్‌తో ప్రారంభమవుతుందని భావిస్తున్నారు. కంపెనీ కొన్ని స్థానాలను భారత్‌కు మార్చినట్లు సమాచారం. గతేడాది జరిగిన గూగుల్ ఫర్ ఇండియా కాన్ఫరెన్స్‌లో ఈ మేరకు ప్రణాళికలు సిద్ధం చేసింది.