గూగుల్, ఫాక్స్కాన్, కియా… ఆంధ్రప్రదేశ్‌ను మార్చబోతున్న పరిశ్రమల జోరుకి ఉద్యోగ మార్కెట్‌ ఎలా మారబోతోందో తెలుసా?

ఆంధ్రప్రదేశ్‌లో IT పరిశ్రమ వేగంగా విస్తరిస్తోంది ముఖ్యంగా సీఎం చంద్రబాబు నాయుడు తీసుకున్న ప్రణాళికల వల్ల రాష్ట్రంలో IT, సాఫ్ట్‌వేర్, బయోటెక్ మరియు ఆటోమొబైల్ పరిశ్రమలు వేగంగా అభివృద్ధి చెందుతున్నాయి. విశాఖపట్నం, అనంతపురం, కడప వంటి ప్రాంతాల్లో పెద్ద IT మరియు తయారీ కంపెనీలు పెట్టుబడులు పెడుతూ, కొత్త ఉద్యోగావకాశాలు సృష్టిస్తున్నాయి. ఇలా AP కొత్త టెక్నాలజీ కేంద్రంగా, భవిష్యత్తులో క్వాంటం హబ్‌గా ఎదుగుతోంది.

ఒకప్పుడు ఉమ్మడి ఆంధ్రప్రదేశ్‌ లో మాజీ సీఎం చంద్రబాబు నాయుడు నేతృత్వంలో రాష్ట్రం పరిశ్రమల కేంద్రంగా మారింది. ఆయన HITEC సిటీని ఏర్పాటు చేసి, మైక్రోసాఫ్ట్, ఆరాకిల్, విప్రో, ఇన్ఫోసిస్, సత్యమ్ వంటి గ్లోబల్ ఐటీ కంపెనీలను రాష్ట్రానికి తీసుకొచ్చారు. జెనోమ్ వ్యాలీని ప్రారంభించి బయోటెక్, ఫార్మా, లైఫ్ సైన్స్ కంపెనీలను కూడా ఆకర్షించారు. ఇలా రాష్ట్రంలో మౌలిక సదుపాయాలు, ప్రాజెక్ట్‌లు పెరగడంతో మల్టీనేషనల్ కంపెనీలు, ఐటీ ఫార్మ్‌లు వచ్చాయి. దీని వల్ల కొత్త పెట్టుబడులు, ఉద్యోగావకాశాలు పెరిగాయి.

అయితే అప్పటి విజన్ ప్రకారం IT కంపెనీలను రాష్ట్రానికి తీసుకొచ్చినట్టు, ఇప్పుడు అదే ప్రయత్నం ఆంధ్రప్రదేశ్‌ కోసం జరుగుతోంది. "కియా మోటార్స్" ఆంధ్రప్రదేశ్ అనంతపురంలో పెద్ద ఆటోమొబైల్ ఫ్యాక్టరీ ఏర్పాటు చేసింది. ఈ ప్లాంట్ పలు మోడల్స్ ఉత్పత్తి చేస్తూ, నేరుగా, పరోక్షంగా చుట్టుపక్కల ఉద్యోగాలను సృష్టించింది. అలానే కాగ్నిజంట్ విశాఖపట్నంలో సుమారు రూ. 1,582 కోట్ల పెట్టుబడితో ఐటీ క్యాంపస్ ఏర్పాటు చేయబోతోంది. ఇక్కడ సుమారు 8,000 ఉద్యోగాలు సృష్టించే అవకాశం ఉంది. ఇది ఆంధ్రప్రదేశ్‌లో IT/సాఫ్ట్‌వేర్ రంగానికి మరింత బలం తెస్తుంది.

గూగుల్ ఆంధ్రప్రదేశ్‌లో, ప్రత్యేకంగా విశాఖపట్నంలో పెద్ద AI మరియు డేటా సెంటర్ క్యాంపస్ ఏర్పాటు చేయాలని ప్రకటించింది. ఈ ప్రాజెక్ట్ ద్వారా రాష్ట్రంలో కొత్త టెక్నాలజీ కేంద్రం ఏర్పడే అవకాశం ఉంది. ఉద్యోగావకాశాలు, సాంకేతిక నైపుణ్యాలు పెంపొందించడం, స్థానిక IT ఎకోసిస్టమ్‌ను బలపర్చడం వంటి లాభాలు ఈ క్యాంపస్ ద్వారా వస్తాయని భావిస్తున్నారు. పెట్టుబడులు బిలియన్ల డాలర్ల వరకు ఉండే అవకాశం ఉందని సమాచారం ఉంది, కానీ ఖచ్చితమైన ఉద్యోగ సంఖ్య ఇంకా ధృవీకరించబడలేదు.

భారతదేశంలో టాప్ 10 మ్యూచువల్ ఫండ్స్ 2025

అదానీ గ్రూప్ ఆంధ్రప్రదేశ్‌లో గ్రీన్ ఎనర్జీ, హైడ్రో పవర్, లాజిస్టిక్స్, అగ్రో-ప్రాసెసింగ్‌లో రూ. 18,900 కోట్ల పెట్టుబడిని పెట్టేలా ఉంది. కడప వంటి జిల్లాల్లో కూడా ప్రాజెక్టులు జరుగుతున్నాయి. రెమండ్ ఆంధ్రప్రదేశ్‌లో రూ. 1,200 కోట్ల పైగా పెట్టుబడితో ఉత్పత్తి యూనిట్ ఏర్పాటు చేయాలని ప్రణాళిక చేస్తున్నారు. కానీ ఖచ్చితమైన వివరాలు ఇంకా అందుబాటులో లేవు. ఓబెరాయ్ హోటల్స్ అమరావతి, విశాఖపట్నం, తిరుపతి, గండికోట, హార్స్లీ హిల్స్ వంటి ప్రముఖ పర్యాటక ప్రాంతాల్లో లగ్జరీ హోటల్స్ ఏర్పాటు చేయబోతున్నారు.

మైక్రోసాఫ్ట్ ఆంధ్రప్రదేశ్‌లో క్లౌడ్, హైబ్రిడ్ టెక్ ప్రాజెక్టులలో పాల్గొంటోంది. కానీ రాష్ట్ర ప్రభుత్వంతో సంబంధిత ప్రాజెక్టుల వివరాలు పూర్తిగా తెలియడం లేదు. స్విస్ కంపెనీలు నెస్లే, నోవార్టిస్, ABB వంటి కంపెనీలు ఆంధ్రప్రదేశ్‌లో యూనిట్లు ఏర్పాటు చేసాయి లేదా ఆసక్తి చూపుతున్నాయి. కానీ వీటి ఖచ్చితమైన పరిధి, ప్రభుత్వంతో నేరుగా జరిగే ప్రాజెక్టులు ఇంకా స్పష్టంగా తెలియవు.

AP ప్రభుత్వం కొత్త పరిశ్రమలకు మరియు IT/సాంకేతిక రంగానికి ప్రత్యేక ప్యాకేజ్లు, పన్ను రాయితీలు, వేగవంతమైన అనుమతులు అందిస్తుంది. విశాఖపట్నం, అనంతపురం, కడప వంటి ప్రాంతాల్లో IT పార్కులు, ఇండస్ట్రీ సొన్లు, హై-టెక్ జోన్లు ఏర్పాటు చేశారు. రోడ్లు, విద్యుత్, నీటి సరఫరా, ఇంటర్నెట్ వంటి సదుపాయాలు సమర్థవంతంగా అందించడం వల్ల కంపెనీలు తక్కువ ఇబ్బందులు ఎదుర్కోవడంతో ఇక్కడ పెట్టుబడులు పెడుతున్నాయి. రాష్ట్రం AI, క్వాంటం, బయోటెక్, ఆటోమొబైల్ పరిశ్రమల్లో ముందంజ చూపుతూ, కంపెనీలను దీర్ఘకాలిక పెట్టుబడి చేయడానికి ఆకర్షిస్తోంది.

అంచనాల ప్రకారం ఈ సంస్థల పెట్టుబడులు మరియు అభివృద్ధి కార్యక్రమాలు ఆంధ్రప్రదేశ్‌లో సుమారు 40,000-50,000 ఉద్యోగాలను సృష్టించాయి. ఇవి రాష్ట్ర ఆర్థిక వ్యవస్థను బలోపేతం చేయడంలో, యువతకు ఉద్యోగావకాశాలు కల్పించడంలో, మరియు సాంకేతిక రంగంలో పురోగతిని సాధించడంలో కీలక పాత్ర పోషిస్తున్నాయి.