కేంద్ర ఉద్యోగులకు శుభవార్త! 2027 లో జీతాలు డబుల్ అవుతున్నాయి

2027 నుంచి జీతాలు పెరగబోతున్నాయా?" అవును 8వ వేతన సంఘం మీద ఇప్పుడు కేంద్ర ప్రభుత్వం చర్చలు మొదలు పెట్టింది. ఈ చర్చలు పూర్తయితే, ప్రభుత్వ ఉద్యోగుల జీతాల్లో 40% నుంచి 50% వరకు పెరుగుతుందని అంచనా.

ప్రస్తుతం దేశవ్యాప్తంగా 50 లక్షల కేంద్ర ప్రభుత్వ ఉద్యోగులు ఉన్నారు. వీరితో పాటు పెన్షన్ పొందుతున్న 65 లక్షల మంది కూడా ఉన్నారు. వీరి జీవితాలకు ప్రత్యక్ష ప్రభావం చూపేలా, 8వ వేతన సంఘం ఏర్పాటుకు ప్రభుత్వం సిద్ధమవుతోంది. తాజా నివేదికల ప్రకారం, ఈ కొత్త సంఘం 2026 జనవరి 1 నాటికి అమలులోకి రాగలదన్న అంచనాలు ఉన్నాయి. అంతేకాదు, ఇందులో జీతాల పెరుగుదల 40% నుంచి 50% వరకూ ఉండొచ్చని విశ్లేషకులు అంచనా వేస్తున్నారు.

కేంద్ర ప్రభుత్వం ప్రతి పదేళ్లకు ఒకసారి వేతన సంఘాన్ని (Pay Commission) ఏర్పాటు చేస్తుంది. ఇది కేంద్ర ప్రభుత్వ ఉద్యోగుల జీత నిర్మాణాన్ని, అలవెన్సులు, పెన్షన్లు తదితర ప్రయోజనాలను పరీక్షించి సిఫారసులు చేస్తుంది. 7వ వేతన సంఘం 2016లో అమలులోకి వచ్చింది. ఇప్పుడు 8వ వేతన సంఘం ఏర్పాటుకు కేంద్ర కేబినెట్ 2025లో ఆమోదం తెలిపింది.

ఇప్పటికే కేంద్ర ఉద్యోగులకు నెలలు విడిచి విడిచి డియర్‌నెస్ అలవెన్స్ (DA) పెంపులు జరుగుతున్నా, మొత్తం వేతన నిర్మాణాన్ని తిరిగి పునర్నిర్మించడానికి వేతన సంఘం అవసరమే. ప్రస్తుతం ఉన్న ఫిట్మెంట్ ఫ్యాక్టర్ (Fitment Factor) 2.57 కాగా, దీన్ని 2.86 లేదా అంతకన్నా ఎక్కువగా పెంచే అవకాశాలు ఉన్నాయట. దీని ప్రభావం ఏంటంటే ఇప్పుడున్న రూ. 18,000 ప్రాథమిక జీతం, రూ. 46,000 లేదా రూ. 51,000 వరకు చేరే అవకాశముంటుంది.

ఈ చర్య వెనుక ఉండే ప్రధాన ఉద్దేశం ప్రభుత్వ ఉద్యోగులు గడిపే జీవన వ్యయం (cost of living) పెరిగిన నేపధ్యంలో సరైన సమతుల్యత తీసుకురావడం. ఇప్పుడున్న ఆర్థిక పరిస్థితుల్లో, నిత్యావసరాల ధరలు పెరుగుతున్న సమయంలో ఉద్యోగులకు తగిన మద్దతు అందించాల్సిన అవసరం ఉందని ప్రభుత్వం అర్థం చేసుకున్నట్టుగా తెలుస్తోంది.

ఇక పెన్షనర్ల విషయానికొస్తే, వారి వార్షిక పెన్షన్ లెక్కింపుతో పాటు, కొత్త DA ఒప్పందంతో తగినంత పెరుగుదల ఉండే అవకాశముందని సమాచారం. ఇది ముఖ్యంగా, 70 ఏళ్లు దాటి జీవిస్తున్న రిటైర్డ్ ఉద్యోగులకు ఆర్థికంగా ఉపశమనాన్ని కలిగించే అవకాశం.

8వ వేతన సంఘం గురించి అధికారికంగా ప్రభుత్వం పూర్తి వివరాలు ప్రకటించలేదు. 2026 ప్రారంభంలో ఈ కమిటీ పని ప్రారంభించి, ఆ ఏడాదిలోనే నివేదిక సమర్పించే అవకాశం ఉంది. తర్వాతి దశగా, 2027 లో దీని పూర్తి అమలు జరగవచ్చని అంచనాలు.

ఈ మార్పులు జరగడం ఉద్యోగులకు మంచి విషయం మాత్రమే కాదు ప్రభుత్వ రంగాన్ని ఆకర్షణీయంగా మార్చే దిశగా ఒక సానుకూల సంకేతం కూడా. మిగిలిన ప్రైవేట్ రంగ వేతనాలతో పోటీగా నిలబడేందుకు, ప్రభుత్వ రంగానికి ఈ రకమైన సంఘ సంస్కరణలు అవసరమే.