గుడ్ న్యూస్ .. అటు ఫైనాన్స్ ఇటు సర్వీస్ .. వాట్సప్ కొత్త ఫీచర్లతో మీ కోసం

వాట్సప్‌ వినియోగదారులకు శుభవార్త చెప్పింది . ప్రముఖ సోషల్‌ మీడియా ప్లాట్‌ఫాం అయిన ఫేస్‌బుక్ మెసేజింగ్ సేవ సంస్థ వాట్సప్ తన యూజర్స్‌ కోసం చాలా ఫీచర్స్ అందుబాటులోకి తెచ్చే పనిలో ఉంది . ఇప్పటికే కరోనా లాక్ డౌన్ సమయంలో వాట్సప్ వినియోగం విపరీతంగా పెరిగింది . ఇక ఈ సమయంలో వాట్సప్ వినియోగదారులు ప్రస్తుత తమ ఖాతాను మల్టీ డివైస్‌లకు కనెక్ట్ చేయడానికి అనుమతించే ఫీచర్‌ కోసం తెగ వెతుకుతున్నారు . ఇక అంతేకాదు ఫైనాన్షియల్ సర్వీసెస్ తో వాట్సప్ కస్టమర్లకు సేవలు అందించనుంది .

మల్టీ డివైజ్ లో వాట్సప్‌ ఖాతా

మల్టి డివైస్‌లో వాట్సప్‌ ఖాతాను అనుమంతించే ఈ లక్షణాన్ని మొదట WABetaInfo గుర్తించినట్లు సదరు సంస్థ ట్వీట్‌ చేసింది. ఈ యాజమాన్యం దీనిపై వివరణ కూడా ఇచ్చారు. స్మార్ట్‌ ఫోన్స్‌, టాబ్లెట్స్‌ వంటి బహుళ పరికరాల్లో ఒకేసారి వినియోగదారులు తమ వాట్సాప్ ఖాతాను కనెక్ట్ చేయడానికి ఈ ఫీచర్ అనుమతిస్తుందని తెలిపింది. భవిష్యత్ లో వాట్సప్ మల్టీ డివైజ్ లకు కనెక్ట్ చేసే అవకాశం ఉంది . ఈ కొత్త ఫీచర్ ఒకే ఖాతా కోసం ప్రతి డివైస్‌ నుండి ఇండిపెండెంట్‌గా మల్టీ డివైస్‌లకు మద్దతును అందించే అవకాశం ఉంది. అయితే భవిష్యత్తులో బీటా విడుదలను కంపెనీ కొనసాగిస్తున్నందున దీని గురించి మరిన్ని వివరాలు ఇంకా తెలియాల్సి ఉంది .

వినియోగదారుల అవసరాలను బట్టి తన సేవలను , ఫీచర్లను విస్తరిస్తున్న వాట్సప్

ప్రస్తుతం వాట్సాప్ ఒకే ఖాతా కోసం ఒకసారి ఒక పరికరంలో మాత్రమే యాక్సెస్ చేయడానికి అనుమతిస్తున్న విషయం తెలిసిందే. ఈ వాట్సాప్ వెబ్ కోసం కూడా, ఫోన్‌లోని అనువర్తనానికి కనెక్ట్ అయినప్పుడు వినియోగదారుల ఖాతాను యాక్సెస్ చేయవచ్చు. అయితే WABetaInfo షేర్‌ చేసిన స్క్రీన్ షాట్ ప్రకారం, మెసేజింగ్ సేవ వినియోగదారులను Wi-Fi ద్వారా తమ న్యూ డివైస్‌కు కనెక్ట్ చేయమని అడుగుతుంది. వినియోగదారుల అవసరాలను బట్టి వాట్సప్ తన సేవలను , ఫీచర్లను విస్తరిస్తుంది.

వాట్సప్ పేమెంట్స్ మాత్రమే కాదు త్వరలో క్రెడిట్‌ సర్వీస్‌

ఇప్పటికే వాట్సాప్‌ మాతృసంస్థ ఫేస్‌బుక్‌ తన ఫైనాన్షియల్‌ సర్వీసులను మరింత విస్తరించాలని భావిస్తుంది . అందులో భాగంగా క్రెడిట్‌ సర్వీస్‌ను భారత్‌లో ప్రారంభించబోతుంది. దీనికి సంబంధించి ఫేస్‌బుక్‌ ఇప్పటికే నేషనల్‌ పేమెంట్‌ కార్పొరేషన్‌ ఆఫ్‌ ఇండియా నుంచి అనుమతులు కూడా పొందింది.ఈ ఫీచర్‌ మనకి పేమెంట్ల ఆప్షన్‌లో కూడా కనబడుతుంది. ప్రస్తుతం తొలిదశలోనే ఉన్న ఈ ఫీచర్‌ త్వరలో యూజర్స్‌కి అందుబాటులోకి రానుంది. ఇప్పటికే పేమెంట్స్‌ చేసుకోవడానికి వీలు కల్పిస్తున్న వాట్సాప్‌ త్వరలో ఇండియాలో వాట్సాప్‌ వాడుతూ అర్హులైన వారందరికి అవసరాల కోసం డబ్బును అప్పుగా ఇవ్వడానికి కూడా రెడీ అవుతుంది .