బంగారం ధర రూ. 2 లక్షలకా.. లేక రూ.1.25 లక్షలకా.. తలలు పట్టుకుంటున్న నిపుణులు.. పసిడి మార్కెట్లో ఏం జరుగుతోంది..

ఈ ఏడాది జనవరి నెలలో నమోదైన ఆల్ టైమ్ రికార్డు స్థాయిల నుంచి అంతర్జాతీయ, దేశీయ మార్కెట్లలో బంగారం ధరలు వరుసగా క్షీణిస్తున్నాయి. భౌగోళిక, రాజకీయ, ఆర్థిక అనిశ్చితి కొనసాగుతున్నప్పటికీ.. సురక్షిత పెట్టుబడిగా పరిగణించే పసుపు లోహం తన మెరుపును కొంతవరకు కోల్పోవడం వ్యాపారులను, పెట్టుబడిదారులను తీవ్రంగా ఆలోచింపజేస్తోంది. అంతర్జాతీయ మార్కెట్లో జనవరి 29న పసిడి ధర రికార్డు స్థాయిలో ఔన్సుకు 5,595 డాలర్లను తాకినప్పటికీ.. అక్కడి నుంచి ఇప్పటివరకు దాదాపు 26 శాతం మేర పతనమైంది.

10 గ్రాములకు రూ. 2 లక్షల స్థాయిని తాకుతుందని అంచనా వేయబడిన Gold.. ప్రస్తుత పతనంలో ఇప్పుడు రూ. 1..25 ​​లక్షలు లేదా రూ. 1 లక్ష స్థాయికి కూడా చేరుకుంటుందా అనే ప్రశ్నలు ఇప్పుడు పసిడి ప్రియులను ఉక్కిరి బిక్కిరి చేస్తున్నాయి. ఈ ఏడాది జనవరి 29న నమోదైన రికార్డు స్థాయి $5595 నుంచి అంతర్జాతీయ బంగారం ధరలు 26 శాతం పడిపోవడమే దీనికి బలమైన నిదర్శనంగా చెబుతున్నారు.

అలాగే దేశీయ మార్కెట్లో గరిష్ట స్థాయిలతో పోలిస్తే 23 శాతం వరకు తగ్గుదల నమోదు కావడం గమనార్హం. ఇటీవల ఆగస్టు చివరి వారంలో ఎంసిఎక్స్ ఫ్యూచర్స్ కాంట్రాక్టులో పది గ్రాముల Gold ధర రికార్డు స్థాయిలో రూ. 1,64,773 వద్దకు చేరగా.. ఆ తర్వాత మార్కెట్లలో కనిపించిన భారీ అమ్మకాల ఒత్తిడితో దాదాపు 10 శాతానికి పైగా పడిపోయి రూ. 1,45,991 వద్ద కనిష్ట స్థాయికి చేరింది. అదేవిధంగా స్పాట్ గోల్డ్ ధర కూడా ఆగస్టులో నమోదైన 4,698 డాలర్ల గరిష్ఠం నుంచి ఇటీవల ఔన్సుకు 4,130 డాలర్ల శ్రేణికి దిగివచ్చి కీలక మద్దతు స్థాయిలను పరీక్షిస్తోంది.

బంగారం ధరల్లో ఈ స్థాయి భారీ దిద్దుబాటుకు ప్రధానంగా పలు ఆర్థిక పరిణామాలు కారణమయ్యాయి. అత్యధిక ధరల వద్ద ఇన్వెస్టర్లు పెద్ద ఎత్తున లాభాల స్వీకరణకు పూనుకోవడం ప్రాథమిక పతనానికి దారితీసింది. ఆ వెంటనే అమెరికా, ఇరాన్ మధ్య ముదిరిన యుద్ధ వాతావరణం, ముడి చమురు ధరలను బ్యారెల్‌కు 120 డాలర్ల దాటించడంతో ద్రవ్యోల్బణ భయాలు మరింత పెరిగాయి. దీనికి తోడు అమెరికా ఫెడరల్ రిజర్వ్ తన వడ్డీ రేట్ల కోత వైఖరిని విడనాడి, 2023 తర్వాత మొదటిసారిగా వడ్డీ రేట్లను పెంచడం, రాబోయే నెలల్లో మరిన్ని పెంపులు ఉంటాయని సంకేతాలివ్వడం మార్కెట్లను తీవ్రంగా ప్రభావితం చేసింది.

Also Read

పసిడి ప్రియులకు గుడ్ న్యూస్.. బంగారం ధరలు ఈ రోజు ఎలా ఉన్నాయంటే.. అక్టోబర్ 5, సోమవారం ధరలు ఇవే..

ఫెడ్ తీసుకున్న ఈ కఠిన చర్యల వల్ల యూఎస్ డాలర్ ఇండెక్స్ బలపడటమే కాకుండా, వాస్తవ రాబడులు గడిచిన 24 సంవత్సరాలలో ఎన్నడూ లేనంత గరిష్ట స్థాయికి చేరాయి. బాండ్లపై రాబడులు పెరిగినప్పుడు అమెరికా ప్రభుత్వ బాండ్లలో పెట్టుబడులు మరింత లాభదాయకంగా మారడంతో, ఎటువంటి అదనపు వడ్డీ రాబడి ఇవ్వని బంగారం నుంచి నిధులు బాండ్ల వైపు మళ్లీ అమ్మకాల ఒత్తిడిని తీవ్రతరం చేశాయి.

ఈ పరిణామాల నేపథ్యంలో పసిడి ధరలు మరింత పడిపోయి పది గ్రాములకు రూ. 1.25 లక్షలు లేదా రూ. 1 లక్ష స్థాయికి దిగివస్తాయా అన్న కోణంలో మార్కెట్ వర్గాల్లో భిన్నాభిప్రాయాలు వ్యక్తమవుతున్నాయి. నిపుణుల విశ్లేషణ ప్రకారం, బంగారం ధర రూ. 1,00,000 కు చేరాలంటే అంతర్జాతీయంగా ఔన్సు ధర 2,800 డాలర్లకు పడిపోవాల్సి ఉంటుంది. అయితే గ్లోబల్ డీ-డాలరైజేషన్ ధోరణులు, అమెరికా-చైనా మధ్య పగడ్బందీ ఉద్రిక్తతలు, ప్రపంచ దేశాల సెంట్రల్ బ్యాంకులు పెద్ద ఎత్తున నిర్వహిస్తున్న కొనుగోళ్లు మరియు ద్రవ్య లోటు భయాల వల్ల అంతర్జాతీయంగా బంగారం నిర్మాణాత్మక ప్రాతిపదిక బలంగా ఉంది.

అందువల్ల ధరలు ఆ స్థాయికి పడిపోయే సంభావ్యత చాలా తక్కువని స్పష్టమవుతోంది. ఒకవేళ అంతర్జాతీయంగా చమురు ధరలు తగ్గి, గల్ఫ్ ప్రాంతంలో ఉద్రిక్తతలు సడలి, ప్రభుత్వం దిగుమతి సుంకాలను తగ్గిస్తే స్వల్పకాలికంగా ధర రూ. 1,25,000 స్థాయికి వచ్చే వీలుంది. కానీ అంత తక్కువ ధరకు లభించినప్పుడు స్థానిక డిమాండ్ ఊపందుకొని మళ్లీ అంతర్జాతీయ ధరలు పెరగడానికి దారితీస్తుంది.

అంతర్జాతీయ పతనం తీవ్రంగా ఉన్నప్పటికీ, భారత్‌లో ఈ తగ్గుదల ప్రభావం కొంత పరిమితంగానే ఉండే సూచనలు కనిపిస్తున్నాయి. ఒకవైపు 15 శాతం దిగుమతి సుంకం దేశీయ ధరలను నిలబెడుతుండగా.. మరోవైపు డాలర్‌తో పోలిస్తే రూపాయి మారకం విలువ రూ. 96.30 స్థాయికి క్షీణించడం భారతీయ పసిడికి రక్షణగా మారుతోంది. రూపాయి బలహీనపడటం వల్ల దిగుమతి వ్యయం పెరిగి దేశీయంగా ధరల తగ్గుదల ప్రభావాన్ని క్రమబద్ధీకరిస్తుంది. దీనికి తోడు దేశంలో పండుగల సీజన్, పెళ్లిళ్ల సీజన్ ప్రారంభం కావడంతో రిటైల్ వినియోగదారుల నుంచి కొనుగోళ్లు పుంజుకుంటున్నాయి.

విపరీతమైన అస్థిరత కారణంగా ఆభరణాల తయారీలో తేలికపాటి డిజైన్లకు ప్రాధాన్యత పెరిగినప్పటికీ, ఈటిఎఫ్ లోకి మళ్లీ పెట్టుబడులు రావడం, దీపావళి సెంటిమెంట్ కలిసి రావడం ధరలకు రక్షణ కవచంలా పనిచేస్తున్నాయి. నిపుణుల అంచనాల ప్రకారం స్పాట్ గోల్డ్ ఔన్సుకు 3,950 నుండి 4,000 డాలర్ల వద్ద బలమైన మద్దతును కలిగి ఉంది. ప్రస్తుత క్షీణత తాత్కాలిక స్థిరీకరణ చర్య మాత్రమేనని, రాబోయే త్రైమాసికం నాటికి బంగారం మళ్లీ తన పురోగతి బాటను పట్టే అవకాశం ఉందని విశ్లేషకులు స్పష్టం చేస్తున్నారు.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.