బంగారం కొనుగోలు కొంతకాలం వాయిదా వేసుకోండి.. కేడియా అడ్వైజరీ చైర్మన్ అజయ్ కేడియా కీలక సూచన

2025లో బంగారం, వెండి రెండింటి ధరలు చరిత్రలోనే ఆల్ టైమ్ హై స్థాయికి చేరుకున్నాయి. ఈ కారణంగా బంగారంలో పెట్టుబడి పెట్టిన వారు మంచి లాభాలు సంపాదించారు. అయితే 2026లో కూడా ఇదే ర్యాలీ కొనసాగుతుందా? అన్నది పెట్టుబడిదారులలో పెద్ద ప్రశ్నగా మారింది. ఈ సందేహానికి కేడియా అడ్వైజరీ చైర్మన్ అజయ్ కేడియా స్పష్టమైన సమాధానం ఇచ్చారు.

అజయ్ కేడియా ప్రకారం 2025లో బంగారం ధరలు గరిష్ట స్థాయికి చేరుకున్నాయి. ఆ సమయంలో చాలామంది పెట్టుబడిదారులు లాభాలు తీసుకోవడం (profit booking) ప్రారంభించడంతో ధరలు కొంతకాలం తగ్గాయి. కానీ తర్వాత మళ్లీ పెరుగుదల కనిపించింది. 2025 చివరిలో మరోసారి పెట్టుబడిదారులు లాభాలు తీసుకుంటారు. ఆ తరువాత బంగారం ధరలు సరిదిద్దు దశలోకి (correction phase) వెళ్తాయి.

కేడియా అభిప్రాయం ప్రకారం 2025లో బంగారం ధరలు 50 శాతం కంటే ఎక్కువ లాభాలు ఇచ్చినప్పటికీ, 2026లో ఇంతటి పెరుగుదల వచ్చే అవకాశం తక్కువ. బంగారం ఇప్పటికే గరిష్ట స్థాయికి చేరుకుందని, అందువల్ల ఇప్పుడే పెద్ద మొత్తంలో పెట్టుబడి పెట్టడం కన్నా కొంతకాలం వేచి చూడడం మంచిదని ఆయన సూచించారు. 2025లో బంగారం ధరలను పైకి నడిపించిన భౌగోళిక రాజకీయ ఉద్రిక్తతలు (geopolitical tensions), వాణిజ్య సంఘర్షణలు (trade conflicts) ఇప్పుడు తగ్గాయి. ఈ కారణంగా బంగారం ధరలు గత సంవత్సరం లాగా తీవ్రంగా పెరగవని ఆయన అభిప్రాయపడ్డారు. అమెరికా, చైనా వంటి దేశాలు తీసుకునే ఆర్థిక నిర్ణయాలు, వడ్డీ రేట్లు, డాలర్ బలహీనత లేదా బలపడటం వంటి అంశాలు బంగారం ధరలపై నేరుగా ప్రభావం చూపుతాయి.

అజయ్ కేడియా అభిప్రాయం ప్రకారం 2026లో వెండి (Silver) బంగారాన్ని మించి మెరుస్తుంది. ఎందుకంటే ప్రపంచవ్యాప్తంగా పరిశ్రమల్లో వెండి వినియోగం గణనీయంగా పెరుగుతోంది. ముఖ్యంగా సోలార్ ఎనర్జీ, ఎలక్ట్రానిక్స్, గ్రీన్ టెక్నాలజీ రంగాల్లో వెండి డిమాండ్ భారీగా ఉంది. భారతదేశంలో సహా ప్రపంచవ్యాప్తంగా వెండి ఉత్పత్తి పరిమితంగా ఉండటం వల్ల డిమాండ్-సప్లై గ్యాప్ పెరిగి, ధరలు సహజంగానే పెరుగుతాయని ఆయన తెలిపారు. అందువల్ల, ఆయన అంచనా ప్రకారం 2026లో వెండి ధరలు కనీసం 15 శాతం వరకు పెరుగుతాయి. అయితే Gold వృద్ధి సింగిల్ డిజిట్ రేంజ్‌లో (7-9%) ఉండే అవకాశం ఉంది.

హైదరాబాద్ బంగారం ధరలు ఈ లింక్ మీద క్లిక్ చేసి తెలుసుకోండి

2026లో బంగారం కొంత స్థిరంగా ఉండవచ్చు కానీ వెండి మరింత మెరుస్తుందని అజయ్ కేడియా స్పష్టంగా చెబుతున్నారు. బంగారం కరెక్షన్ దశ పూర్తయ్యాక దీర్ఘకాలిక పెట్టుబడికి మంచి అవకాశం లభించవచ్చు. కానీ ఇప్పటి దృష్ట్యా వెండి పెట్టుబడిదారుల కోసం ప్రధాన ఆకర్షణగా మారే అవకాశం ఉందని చెబుతున్నారు.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి