భవిష్యత్తులో బంగారం ధరలపై ఆర్థిక నిపుణులు కీలక సూచన.. వెండి అయితే ఏకంగా రూ. 3 లక్షలు పై మాటే..

అమెరికా సాయుధ దళాలు వెనిజులా అధ్యక్షుడు నికోలస్ మదురోను స్వాధీనం చేసుకోవడం, ఆయన భార్యను బంధించడం వంటి అంశాలు గ్లోబల్ మార్కెట్లలో అస్థిరతను పెంచాయి. ఈ పరిణామాలు బంగారం, వెండి వంటి సేఫ్ హెవెన్ ఆస్తులపై తీవ్ర ప్రభావాన్ని చూపించగలవని నిపుణులు చెబుతున్నారు. భౌగోళిక రాజకీయ అనిశ్చితి, మాదక ద్రవ్యాలు, ముడి చమురు సరఫరా ప్రమాదాలతో, వచ్చే వారం బంగారం, వెండి ధరల్లో భారీ హెచ్చుతగ్గులు కనిపించవచ్చని చెబుతున్నారు.

అమెరికా నుండి వచ్చే కీలక ఆర్థిక డేటా, ఫెడరల్ రిజర్వ్ అధికారుల వ్యాఖ్యలు, ISM తయారీ సూచిక, డిసెంబర్ ADP ఉపాధి నివేదికలు, నిరుద్యోగ రేటు వంటి అంశాలు పెట్టుబడిదారుల దృష్టిని ఆకర్షిస్తాయి. ఈ డేటా బులియన్ ధరలకు సమీప కాలంలో దిశానిర్ధేశం చేయగల కారణంగా, మార్కెట్ వోలాటిలిటీ మరింత పెరగవచ్చు. PTI నివేదిక ప్రకారం.. వెనిజులా ఉద్రిక్తతతో సోమవారం వస్తువుల మార్కెట్లు దూకుడుగా ట్రేడింగ్ ప్రారంభం కావచ్చని అంచనా.

గ్లోబల్ సప్లై రిస్క్, వెనిజులా అత్యధిక ముడి చమురు నిల్వలు, భౌగోళిక రాజకీయ సమస్యలు బంగారం, వెండి ధరలను ప్రోత్సహిస్తున్నాయి. MCX లో బంగారం ధరలు గత వారంలో 10 గ్రాములకు రూ.1,34,000-1,40,000 మధ్య ఊగిసలాడాయి. వెండి ధరలు కిలోకు రూ.2,36,316 వద్ద స్థిరమయ్యాయి. అంతర్జాతీయంగా, కామెక్స్ గోల్డ్ ఫ్యూచర్స్ 4,329.6 డాలర్ల వద్ద ముగిసాయి. వెండి ధరలు కూడా 71.01 డాలర్ల వద్ద స్థిరమయ్యాయి, గత వారంలో 14 శాతం తగ్గుముఖం కనిపించింది.

స్మార్ట్ వెల్త్ AI పరిశోధకుడు పంకజ్ సింగ్ ప్రకారం.. అమెరికా ద్రవ్యోల్బణం తగ్గుముఖం, భద్రతా ఆస్తుల డిమాండ్ కొనసాగడం వల్ల, బంగారం ఔన్సుకు 4,300 డాలర్ల స్థాయిలో స్థిరత్వం సాధించడం, పెట్టుబడిదారులకు జాగ్రత్తను సూచిస్తుంది. CME గ్రూప్ మార్జిన్ పెంపు వెండి ధరలను తగ్గింపులో భాగంగా చూపించిందని, లివరేజ్డ్ పొజిషన్‌లు తగ్గాయని సింగ్ తెలిపారు.

2026లో Gold ధరలు 10 నుంచి 60 శాతం పెరుగుతాయని, వెండి ధర 5 నుంచి 30 శాతం మధ్య మారవచ్చని, పారిశ్రామిక డిమాండ్ వేగవంతం అయితే 40 శాతం పెరుగుదలకు అవకాశముందని సింగ్ పేర్కొన్నారు. అస్థిర పరిస్థితుల్లో, గణనీయమైన దిద్దుబాట్లు సాధ్యమని అయినా బుల్లిష్ సైకిల్ కొనసాగుతుందని ఆయన అన్నారు.

దీర్ఘకాలికంగా, వెండి ధర రూ.3 లక్షలకు చేరవచ్చని నిపుణులు అంచనా వేస్తున్నారు. భారతీయ మార్కెట్‌లో రూ. 2.5 నుంచి రూ. 2.55 లక్షల వద్ద బలమైన స్థావరాలు ఏర్పడి, దీర్ఘకాలిక డిమాండ్ దీనికి మద్దతు ఇస్తుందంటున్నారు. పెట్టుబడిదారులు అమెరికా ఆర్థిక డేటా, ఫెడ్ స్వరం, భౌగోళిక రాజకీయ పరిస్థితులను సరిగా పరిశీలించడం అత్యంత అవసరం అని సూచిస్తున్నారు. ఏదేమైనా వెనిజులా ఉద్రిక్తతలు, గ్లోబల్ ఆర్థిక డేటా, ఫెడ్ విధానాలు, భౌగోళిక రాజకీయాలు బంగారం, వెండి ధరల్లో వోలాటిలిటీని రేకెత్తిస్తున్నాయి. MCX, COMEX లావాదేవీల ద్వారా చూస్తే, వచ్చే వారం ఖచ్చితమైన హెచ్చుతగ్గులు, దీర్ఘకాలికగా బంగారం,వెండి ధరల పెరుగుదల అంచనాలు ఉన్నాయని నిపుణులు చెబుతున్నారు.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి