Gold Rates: సంక్రాంతి పరుగు పందెంలో ముందున్న గోల్డ్ రేటు..!! తాజా రేట్లివే..

Gold Price Today: ప్రపంచ ఆర్థిక వ్యవస్థ కోలుకుంటుందనే సానుకూల సంకేతాలు పసిడి భవిష్యత్తును బంగారంగా మార్చేస్తున్నాయి. దీంతో చాలా కాలం తర్వాత మళ్లీ స్వర్ణం మార్కెట్లో మెరుస్తోంది. ఈ పరిస్థితి భారతీయ కొనుగోలుదారులను నిరుత్సాహానికి గురిచేస్తోంది.

22 క్యారెట్ల పసిడి ధరలు నిన్నటితో పోల్చితే 10 గ్రాములకు రూ.200 పెరిగాయి. ఈ క్రమంలో దేశంలోని ప్రధాన నగరాల్లో రిటైల్ విక్రయ ధరలను పరిశీలిస్తే.. చెన్నైలో రూ.58,750, ముంబైలో రూ.58,200, దిల్లీలో రూ.58,350, కలకత్తాలో రూ.58,200, కేరళలో రూ.58,200, వడోదరలో రూ.58,250, పూణేలో రూ.58,200, జైపూరులో రూ.58,350, కోయంబత్తూరులో రూ.58,750, పూణేలో రూ.58,250, మంగళూరులో రూ.58,200, నాశిక్ లో రూ.58,230, మైసూరులో రూ.58,200 వద్ద కొనసాగుతున్నాయి.

ఇదే క్రమంలో 24 క్యారెట్ల పసిడి ధరలు నిన్నటితో పోల్చితే 10 గ్రాములకు రూ.260 మేర పెరిగాయి. దీంతో దేశంలో వివిధ నగరాల్లో రిటైల్ తాజా విక్రయ రేట్లను పరిశీలిస్తే.. చెన్నైలో రూ.64,090, ముంబైలో రూ.63,490, దిల్లీలో రూ.63,640, కలకత్తాలో రూ.63,490, కేరళలో రూ.63,490, వడోదరలో రూ.63,540, జైపూరులో రూ.63,640, కోయంబత్తూరులో రూ.64,090, పూణేలో రూ.63,540, మంగళూరులో రూ.63,490, నాశిక్ లో రూ.63,520, మైసూరులో రూ.63,490గా ఉన్నాయి.

ఏపీ, తెలంగాణ నగరాలైన విజయవాడ, నెల్లూరు, కాకినాడ, తిరుపతి, విశాఖ, అనంతపురం, కడప, గుంటూరు, హైదరాబాద్, వరంగల్, నిజామాబాద్, ఖమ్మం, కరీంనగర్ లలో 22 క్యారెట్ల పసిడి ధర రూ.58,200గా ఉండగా.. 24 క్యారెట్ల గోల్డ్ రేటు నేడు రిటైల్ మార్కెట్లో రూ.63,490గా కొనసాగుతోంది. రెండు తెలుగు రాష్ట్రాల్లో వెండి ధరలను పరిశీలిస్తే.. నేడు కేజీకి రూ.500 తగ్గటంతో రిటైల్ విక్రయ ధర రూ.80,500గా కొనసాగుతోంది.