రూ. 21,300 తగ్గిన బంగారం ధర, వినాయక చవితికి పసిడి ధర పెరుగుతుందా..తగ్గుతుందా..

భారత దేశంలో పసిడి ధరలు భారీగా తగ్గుముఖం పట్టాయి.ఈ రెండు వారాల్లో చూసుకున్నట్లయితే..100 గ్రాములకు రూ. 21, 300 వరకు తగ్గాయి. ఇక 22 క్యారట్ల బంగారం కూడా 10 గ్రాములు చూసుకున్నట్లయితే 2,130 వరకు తగ్గింది. అయితే తగ్గుదలలో 24 క్యారట్ల బంగారంతో పోటీపడలేకపోయింది. ఇక వినాయక చవితి పండుగ సమీపంలోనే ఉంది. ఈ నేపథ్యంలో Gold ధరలు తగ్గుతాయా లేక మళ్లీ పెరుగుతాయా అనే దానిపై విశ్లేషకులు ఇప్పటి నుంచే లెక్కలు వేసుకుంటున్నారు.

నేడు బంగారం ధరలను పరిశీలించినట్లయితే స్థిరంగా ఉన్నాయి.ప్రస్తుతం గ్రాము బంగారం ధర రూ.10,118 వద్ద ట్రేడ్ అవుతోంది. ఇక 22 క్యారట్ల గ్రాము బంగారం ధర 9,275 వద్ద ట్రేడ్ అవుతోంది. ఇక 18 క్యారట్ల గ్రాము Gold ధర రూ.7,589 వద్ద ట్రేడ్ అవుతోంది. 100 గ్రాముల 24 క్యారెట్ల బంగారం ధర రూ. 10,11,800 వద్ద ట్రేడ్ అవుతోంది. అలాగే 22 క్యారట్ల బంగారం ధర 100 గ్రాములు రూ. 9,27,500 వద్ద ట్రేడ్ అవుతోంది. 18 క్యారట్ల బంగారం ధర 100 గ్రాములు రూ.7,58,900 వద్ద ట్రేడ్ అవుతోంది. ఆగస్టు 8, 2025న నమోదైన ఆల్ టైమ్ గరిష్ఠ స్థాయి ధర రూ.10,33,100 నుండి 24 క్యారెట్ల 100 గ్రాముల బంగారం ధర రూ.21,300 వరకు తగ్గింది.అలాగే 10 గ్రాముల బంగారం ధర రూ.1,03,310 రికార్డు గరిష్ట స్థాయి నుండి రూ.2,130 వరకు తగ్గింది.

ఆగస్టు 9 నుండి 17 వరకు మన దేశంలో బంగారం ధరలు వరుసగా ఆరుసార్లు తగ్గాయి.మిగిలిన రోజుల్లో మాత్రం ధరలు స్థిరంగానే ఉన్నాయి. ఇక వెండి ధరలను చూసుకున్నట్లయితే.. కేజీ వెండి ధర 1,16,200 రూపాయలుగా నమోదయింది. 100 గ్రాములు, 10 గ్రాముల వెండి ధరలు వరుసగా రూ. 11,620 మరియు రూ. 1,162 వద్ద ట్రేడ్ అవుతున్నాయి. చౌకైన వెండి ధర రూ. 116.20గా ఉంది.

ఇక MCX బంగారం ధర + MCX వెండి ధరలను చూసుకున్నట్లయితే అవి కూడా స్వల్పంగా తగ్గుదల నమోదు చేశాయి. 2025 అక్టోబర్ ఫ్యూచర్స్‌ కు అనుగుణంగా MCXలో బంగారం ధర ఆగస్టు 14న ప్రతి 10 గ్రాములకు రూ. 99,850 వద్ద ముగిసింది. ఇది రోజువారీంగా చూస్తే రూ. 12 లేదా 0.01% తగ్గుదలగా కనిపించింది. Gold ధరలు ఇప్పటికీ ఆల్ టైమ్ హై అయిన రూ. 1,02,250 (ప్రతి 10 గ్రాములకు) స్థాయి నుండి కొంత దూరంలోనే ఉన్నాయి.ఇక సెప్టెంబర్ 2025 ఫ్యూచర్స్‌కు సంబంధించి MCXలో వెండి ధరలు కిలోకు రూ. 113,976 కు చేరుకున్నాయి, అంటే రూ. 33 లేదా 0.3 శాతం పెరిగాయి. అయితే వెండి గతంలో నమోదైన గరిష్ట స్థాయి రూ. 116,641 నుండి గణనీయంగా కుదిరింది.

SMC గ్లోబల్ సెక్యూరిటీస్ తాజా విశ్లేషణ ప్రకారం.. ఈ వారం బులియన్ మార్కెట్ మిశ్రమ ధోరణులతో నడిచింది. ప్రారంభదశలో బంగారం ఒత్తిడితో ట్రేడ్ అయినప్పటికీ, వారం మధ్యలో కొంతగా కోలుకుని చివరికి స్వల్ప నష్టాలతో ముగిసింది. మరోవైపు వెండి మాత్రం స్థిరమైన లాభాలను నమోదు చేసింది.

అమెరికా ద్రవ్యోల్బణ గణాంకాలు మృదువుగా ఉండటంతో US డాలర్ బలహీనపడింది. ఇవే పరిణామాలు సెప్టెంబర్‌లో US ఫెడరల్ రిజర్వ్ వడ్డీ రేట్లు తగ్గించే అవకాశాలపై అంచనాలను పెంచాయి. ప్రస్తుతం మార్కెట్లు 25 బేసిస్ పాయింట్ల కోతను దాదాపుగా ఖాయంగా భావిస్తున్నప్పటికీ, 50 బిపిఎస్ వరకు పోటీ కొనసాగుతోంది. బలహీనమైన డాలర్ నేపథ్యంలో USD యేతర దేశాల నుంచి బంగారం డిమాండ్ ని ఆకర్షిస్తోంది.

భౌగోళికపరమైన అంశాల పరంగా, డొనాల్డ్ ట్రంప్ - వ్లాదిమిర్ పుతిన్ మధ్య అలాస్కాలో జరిగిన సమావేశం ఎటువంటి స్పష్టమైన ఒప్పందం లేకుండానే ముగిసింది. పొలిటికల్ అనిశ్చితి నడుమ పుతిన్ కాల్పుల విరమణకు బదులుగా ఉక్రెయిన్ మరింత భూభాగాన్ని అప్పగించాలన్న ప్రతిపాదనపై ట్రంప్ అనుకూలంగా ఉన్నట్లుగా వార్తలు చెబుతున్నాయి.ఇది బంగారం ధరలపై మార్పులను చూపించే అవకాశం ఉంది.

వాణిజ్య మూమెంట్ పరంగా, US కస్టమ్స్ ఇటీవల కొన్ని బంగారు కడ్డీలను ఇతర సుంకం నిబంధనల కింద వర్గీకరించింది. ఇదే సమయంలో US - చైనా సుంకాలపై సహన కాలం 90 రోజులకు పొడిగించడంతో సెప్టెంబర్ ట్రేడ్ టాక్‌లపై ఫోకస్ పెరిగింది. అయినప్పటికీ, చైనా నుంచి వచ్చిన తాజా దిగుమతి డేటా ఫిజికల్ డిమాండ్ బలహీనంగా ఉందని సూచిస్తోంది. జూన్ నెలలో బంగారం దిగుమతులు 45% పడిపోయి 50 టన్నులకు పరిమితమయ్యాయి.దీంతో Q2 మొత్తం దిగుమతులు 250 టన్నులు మాత్రమే కాగా.. ఇది 2024తో పోలిస్తే 18% తక్కువగా చెప్పుకోవచ్చు.

డిస్క్లైమర్: ఈ వ్యాసం కేవలం సమాచారం కోసం మాత్రమే అందించబడింది. ఇది విలువైన లోహాలు, వస్తువులు, స్టాకులు లేదా ఇతర ఆర్థిక పెట్టుబడులను కొనుగోలు చేయమని లేదా అమ్మమని చెప్పడం కాదు. ఈ వ్యాసంలోని సమాచారం ఆధారంగా ఎవరైనా నష్టాలు లేదా సమస్యలను ఎదుర్కొంటే, గ్రేనియమ్ ఇన్ఫర్మేషన్ టెక్నాలజీస్ ప్రైవేట్ లిమిటెడ్, దాని అనుబంధ సంస్థలు, భాగస్వాములు లేదా రచయితలు ఎలాంటి బాధ్యత వహించరు. కాబట్టి మీరు ఏవైనా లావాదేవీలు జరిపే ముందు నిపుణులను సంప్రదించి నిర్ణయం తీసుకోండి.