తొందరపడి బంగారం కొనకండి..మళ్లీ రూ. 90 వేలకు దిగి రానున్న బంగారం ధరలు..

బంగారం ముట్టుకుంటేనే షాక్ కొడుతోంది. పసిడి ప్రియులకు చుక్కలు చూపిస్తోంది. పండుగ సీజన్ సమీపించే కొద్దీ బంగారం ధరలు నింగిని తాకుతున్నాయి. ప్రపంచ వ్యాప్తంగా పెరుగుతున్న ఉద్రిక్తతల నడుమ బంగారం ధరలు భగ్గుమంటున్నాయి. అమెరికా అధ్యక్షుడు డొనాల్డ్ ట్రంప్ ఏ ముహర్తానా సుంకాల దాడి మొదలు పెట్టారో గాని అప్పటి నుంచి Gold సామాన్యుల చేతికి అందనత దూరంలోకి వెళ్లింది. ప్రస్తుతం 0 గ్రాముల 24K బంగారం ధర ఏకంగా రూ. 1.03 లక్షల మార్కును దాటి సరికొత్త రికార్డును నెలకొల్పింది.

పండుగ సీజన్ డిమాండ్, అనిశ్చిత భౌగోళిక రాజకీయ పరిస్థితులు, ద్రవ్యోల్బణ ఆందోళనలతో పాటుగా బలహీనమైన ప్రపంచ ఆర్థిక దృక్పథం వంటి అంశాలు పసిడి పెరుగుదలకు కారణమవుతున్నాయి. పెట్టుబడిదారులు బంగారాన్ని సురక్షితమైన డిమాండ్ గా పరిగణిస్తూ..ముందుకు వెళుతున్నారు. డాలర్ ను వదిలేసి బంగారం మీదనే ఇన్వెస్టర్లు ఫోకస్ పెట్టారు. అందువల్ల ఈ సీజన్‌లో అత్యంత డిమాండ్ ఉన్న వస్తువులలో ఒకటిగా బంగారం మారింది.

ధరలు మరింత పెరగకముందే పెట్టుబడిదారులు, ఆభరణాల కొనుగోలుదారులు బంగారాన్ని కొనుగోలు చేసేందుకు తొందరపడుతున్నారు.ఈ నేపథ్యంలోనే పండుగ, వివాహాల సీజన్ దేశీయ వినియోగాన్ని పెంచడంతో పాటుగా రాబోయే వారాల్లో ధరలు స్థిరంగా ఉండే అవకాశం ఉంది లేదా మరింత పెరగవచ్చని ఆర్థిక నిపుణులు అంచనా వేస్తున్నారు. అయితే బంగారం ధరలు భవిష్యత్తులో తగ్గే అవకాశాలు పుష్కలంగా ఉన్నాయని నిపుణులు చెబుతున్నారు. ప్రపంచ వ్యాప్తంగా పరిస్థితులు సద్దుమణిగితే బంగారం రూ. 90 వేలకు దిగివస్తుందని బ్యాకింగ్ రంగ నిపుణులు చెబుతున్నారు.

భారతదేశంలో నేడు 24 క్యారెట్ల బంగారం గ్రాముకు రూ.10,331గా ట్రేడ్ అవుతోంది. అలాగే 22 క్యారెట్ల బంగారం గ్రాముకు రూ.9,470 వద్ద టరేడ్ అవుతోంది. 18 క్యారెట్ల బంగారం గ్రాముకు రూ.7,749 వద్ద ట్రేడ్ అవుతోంది. భారతదేశంలో నిన్న 10 గ్రాముల 24 క్యారెట్ల బంగారం రూ.1,03,310 వద్ద నమోదైంది. అంతకు ముందు రోజు రూ.1,02,550 వద్ద బంగారం ధర ట్రేడ్ అయింది. ఇక 100 గ్రాముల 24 క్యారెట్ల బంగారం రూ.10,33,100గా ఉంది. ఇది ఇప్పటివరకు పలికిన అత్యధిక ధరగా చెప్పుకోవచ్చు.

MCX గోల్డ్ ప్రస్తుతం రోజువారీ చార్టులో స్పష్టమైన అప్‌ట్రెండ్‌లో Gold Rate కొనసాగుతోంది. Gold ధర తన ఆల్-టైమ్ హై స్థాయిల సమీపంలో బలంగా ఉంది. అమెరికా అధ్యక్షుడు డొనాల్డ్ ట్రంప్ ఇటీవల తీసుకున్న వాణిజ్యపరమైన నిర్ణయాలు అంతర్జాతీయంగా బంగారం ధరలను ప్రభావితం చేస్తున్నాయి. ముఖ్యంగా చిప్ దిగుమతులపై 100% సుంకం విధించాలనే హెచ్చరిక బంగారం ధరలను పైకి పెంచింది.ఈ నేపథ్యంలోనే ఈ జియోపాలిటికల్ అనిశ్చితి, ఫెస్టివ్ డిమాండ్ వల్ల బంగారం ధరలు సమీప కాలంలో బలంగా నిలిచే అవకాశం ఉందని నిర్మల్ బ్యాంగ్ సెక్యూరిటీస్ విశ్లేషకులు చెబుతున్నారు.

డిస్క్లైమర్: ఈ వ్యాసం కేవలం సమాచారం కోసం మాత్రమే అందించబడింది. ఇది విలువైన లోహాలు, వస్తువులు, స్టాకులు లేదా ఇతర ఆర్థిక పెట్టుబడులను కొనుగోలు చేయమని లేదా అమ్మమని చెప్పడం కాదు. ఈ వ్యాసంలోని సమాచారం ఆధారంగా ఎవరైనా నష్టాలు లేదా సమస్యలను ఎదుర్కొంటే, గ్రేనియమ్ ఇన్ఫర్మేషన్ టెక్నాలజీస్ ప్రైవేట్ లిమిటెడ్, దాని అనుబంధ సంస్థలు, భాగస్వాములు లేదా రచయితలు ఎలాంటి బాధ్యత వహించరు. కాబట్టి మీరు ఏవైనా లావాదేవీలు జరిపే ముందు నిపుణులను సంప్రదించి నిర్ణయం తీసుకోండి.