For Quick Alerts
ALLOW NOTIFICATIONS  
For Daily Alerts

రూ.2,000 తగ్గిన బంగారం ధర.. హైదరాబాద్‌లో ఎంతంటే, 6 నెలల్లో 30% తగ్గిన సేల్స్

|

గత వారం రికార్డ్ హైకి చేరుకున్న బంగారం ధరలు వరుసగా మళ్లీ తగ్గుముఖం పట్టాయి. అమెరికా-ఇరాన్ దేశాల మధ్య ఉద్రిక్తతల కారణంగా పసిడి భారీగా పెరిగింది. ఆ తర్వాత పరిస్థితి సానుకూలంగా ఉండటంతో బంగారంపై ఒత్తిడి తగ్గింది. మరోవైపు అమెరికా-చైనా మధ్య తదుపరి ట్రేడ్ డీల్ ప్రభావం కూడా ఉంది.

హోమ్‌లోన్ వడ్డీ రేటు ఈ బ్యాంకులో తక్కువ!

ఎంసీఎక్స్‌లో బంగారం ధర

ఎంసీఎక్స్‌లో బంగారం ధర

మంగళవారం (జనవరి 14, 2020) ఎంసీక్స్‌లో గోల్డ్ ఫిబ్రవరి ఫీచర్స్ ధర 10 గ్రాములకు 0.51 శాతం తగ్గి రూ.39,345కు చేరింది. అంతర్జాతీయ మార్కెట్లలో కూడా ఇదే పరిస్థితి. ఎంసీఎక్స్‌లో కిలో వెండి 0.82 శాతం తగ్గి రూ.46,060కు చేరుకుంది. గత వారం ఎంసీఎక్స్‌లో బంగారం ధర రూ.41,293 రికార్డ్ హైకి చేరుకున్న విషయం తెలిసిందే. మూడు నాలుగు రోజుల్లో బంగారం ధర రూ.2,000 వరకు తగ్గింది.

అందుకే తగ్గాయి...

అందుకే తగ్గాయి...

అమెరికా-ఇరాన్ దేశాల మధ్య ఉద్రిక్తతలు తగ్గడం, అమెరికా-చైనా మధ్య ట్రేడ్ డీల్ సానుకూలంగా ఉంటుందనే అంచనాల నేపథ్యంలో బంగారంపై ఒత్తిడిని తగ్గించాయని అబాన్స్ గ్రూప్ ఆఫ్ కంపెనీస్ చైర్మన్ అభిషేక్ బన్సాల్ అన్నారు.

అంతర్జాతీయ మార్కెట్లో..

అంతర్జాతీయ మార్కెట్లో..

అంతర్జాతీయ మార్కెట్లో బంగారం ధరలు తగ్గాయి. ఔన్స్ 0.7 శాతం తగ్గి 1,537.67 డాలర్ల వద్ద ఉంది. ఔన్స్ వెండి ధర 1 శాతం తగ్గి 17.79 డాలర్ల వద్ద, ప్లాటినం 0.6 శాతం తగ్గి 967.78 డాలర్ల వద్ద ఉంది.

హైదరాబాదులో ధర ఎంతంటే

హైదరాబాదులో ధర ఎంతంటే

కాగా, బంగారం ధర గత ఐదు రోజులుగా తగ్గుముఖం పడుతోంది. సోమవారం ఢిల్లీలో 10 గ్రాముల స్వచ్ఛమైన బంగారం రూ.236 తగ్గి రూ.40,432కు చేరుకుంది. వెండి కిలో రూ.47,635కు చేరుకుంది. హైదరాబాద్ మార్కెట్లో మంగళవారం 10 గ్రాముల 22 క్యారెట్ల బంగారం రూ.200 తగ్గి రూ.38,010కి చేరుకుంది. సోమవారం ఇది రూ.38,210గా ఉంది. హైదరాబాదులో 24 క్యారెట్ల 10 గ్రాముల బంగారం రూ.41,460 వద్ద ఉంది.

బంగారం సేల్స్ 30 శాతం పడిపోయాయి

బంగారం సేల్స్ 30 శాతం పడిపోయాయి

2019లో బంగారం ధర ఇరవై శాతానికి పైగా పెరిగింది. దిగుమతి సుంకాల పెంపు, అమెరికా డాలరుతో పోలిస్తే రూపాయి బలహీనపడటం, అంతర్జాతీయ పరిస్థితుల కారణంగా బంగారం ధర పెరిగింది. దీంతో సేల్స్ కూడా పడిపోయాయి. గత ఆరు నెలల్లో బంగారం సేల్స్ 30 శాతం పడిపోయాయని ఆల్ ఇండియా జమ్స్ అండ్ జ్యువెల్లరీ డొమెస్టిక్ కౌన్సెల్ చైర్మన్ అనంత పద్మనాభన్ వెల్లడించారు.

English summary

Gold prices today fall for second day, down Rs 2,000

Gold and silver prices continued their recent slide in India. On MCX, February futures were down 0.51% to ₹39,345 per 10 gram, tracking a decline in global rates.
Story first published: Tuesday, January 14, 2020, 13:51 [IST]
Company Search