తులం బంగారం రూ. 4,000 మార్కును టచ్ చేయబోతోందా? నిపుణులు హెచ్చరిస్తున్న ఆ 'రెడ్ ఫ్లాగ్' ఇదే!

గ్లోబల్ మార్కెట్‌లో బంగారం ధరలు తీవ్ర హెచ్చుతగ్గులకు లోనవుతున్నాయి. సోమవారం ట్రేడింగ్‌లో ఒకానొక దశలో భారీగా పతనమైన పసిడి ధరలు.. ఆ తర్వాత అంతే వేగంగా కోలుకుని స్థిరపడ్డాయి. అమెరికాలో ఉపాధి గణంకాలు (U.S. Jobs Data) బలంగా రావడంతో ఫెడరల్ రిజర్వ్ వడ్డీ రేట్లను పెంచుతుందనే అంచనాల మధ్య బంగారం కుప్పకూలుతుందని అందరూ భావించారు.
కానీ, అదే సమయంలో ఇజ్రాయెల్ - ఇరాన్ మధ్య శాంతి చర్చలు , సంధి (Ceasefire) కుదిరే అవకాశాలు ఉన్నాయనే వార్తలు మార్కెట్లోకి రావడంతో gold ధరలు మళ్లీ పుంజుకున్నాయి. మరి అంతర్జాతీయ మార్కెట్లో ప్రస్తుతం బంగారం, వెండి రేట్లు ఎలా ఉన్నాయి? రాబోయే రోజుల్లో ధరలు ఎలా ఉండబోతున్నాయో తెలుసుకుందాం.

యుద్ధం ముగిస్తే బంగారం ధరలు తగ్గుతాయా?

సాధారణంగా ప్రపంచంలో ఎక్కడైనా యుద్ధ వాతావరణం ఉంటే, ఇన్వెస్టర్లు సురక్షితమైన పెట్టుబడిగా భావించి బంగారం వైపు మొగ్గు చూపుతారు. దీనివల్ల ధరలు పెరుగుతాయి. అయితే అమెరికా అధ్యక్షుడు డొనాల్డ్ ట్రంప్ సోమవారం ఒక కీలక ప్రకటన చేశారు. ఇజ్రాయెల్, ఇరాన్ దేశాలు తక్షణమే సంధి చేసుకోవడానికి ఆసక్తి చూపిస్తున్నాయని, శాంతి చర్చలు చివరి దశకు వచ్చాయని ఆయన పేర్కొన్నారు.

ఈ శాంతి చర్చల వార్తలతో మార్కెట్‌పై ఉన్న ఒత్తిడి కొంతవరకు తగ్గింది. ఒకవేళ నిజంగానే శాంతి ఒప్పందం కుదిరితే, ఇంధన ధరల వల్ల వచ్చే ద్రవ్యోల్బణం తగ్గుతుంది. అప్పుడు సెంట్రల్ బ్యాంకులు వడ్డీ రేట్లను ఎక్కువగా ఉంచాల్సిన అవసరం ఉండదు. వడ్డీ రేట్లు తగ్గితే అది వడ్డీ లేని పెట్టుబడి సాధనమైన బంగారానికి లాభిస్తుంది.

అమెరికా డాలర్ దెబ్బ.. పెరగనున్న వడ్డీ రేట్లు!

మరోవైపు, గత వారం అమెరికాలో ఊహించిన దానికంటే చాలా బలంగా ఉద్యోగాల నివేదిక వచ్చింది. దీనివల్ల డిసెంబర్ నాటికి అమెరికా ఫెడరల్ రిజర్వ్ వడ్డీ రేట్లను పెంచే అవకాశాలు 14% నుండి ఏకంగా 43% కి పెరిగాయి. ఈ పరిణామంతో అంతర్జాతీయ మార్కెట్లో డాలర్ విలువ గత రెండు నెలల గరిష్ట స్థాయికి చేరువైంది.

డాలర్ బలంగా మారితే.. ఇతర కరెన్సీలు ఉన్న దేశాల ఇన్వెస్టర్లకు బంగారం కొనడం ఖరీదైన వ్యవహారంగా మారుతుంది. అందుకే ఇది gold ధరల పైసా వృద్ధిని కొంతవరకు అడ్డుకుంది.

ప్రస్తుతం మార్కెట్లో రేట్లు ఎలా ఉన్నాయి?

• స్పాట్ గోల్డ్ (భౌతిక బంగారం): అంతర్జాతీయ మార్కెట్లో స్పాట్ గోల్డ్ ధర 0.33% పెరిగి ఔన్స్‌కు 4,343.03 డాలర్ల వద్ద ట్రేడ్ అవుతోంది. అంతకముందు ఇది మార్చి 23 తర్వాత అత్యంత కనిష్ట స్థాయి అయిన 4,268.39 డాలర్లను తాకింది.
• గోల్డ్ ఫ్యూచర్స్: అమెరికా గోల్డ్ ఫ్యూచర్స్ (ఆగస్టు డెలివరీ) 0.05% స్వల్ప వృద్ధితో 4,367.30 డాలర్ల వద్ద కొనసాగుతోంది.
• వెండి, ఇతర లోహాలు: స్పాట్ సిల్వర్ (వెండి) ధర 1% పెరిగి ఔన్స్‌కు 68.52 డాలర్లకు చేరింది. అయితే ప్లాటినం 1.3% నష్టపోయి 1,752.87 డాలర్ల వద్ద, పల్లాడియం 1.3% తగ్గి 1,209.29 డాలర్ల వద్ద ట్రేడ్ అవుతున్నాయి.

మున్ముందు ధరలు ఎలా ఉండొచ్చు?

ఇన్వెస్టర్లు అందరూ ఇప్పుడు బుధవారం రాబోయే అమెరికా వినియోగదారుల ధరల సూచీ (CPI - ద్రవ్యోల్బణ గణంకాలు) కోసం ఉత్కంఠగా ఎదురుచూస్తున్నారు. ఒకవేళ ఈ వారంలో వచ్చే ద్రవ్యోల్బణ రేట్లు ఊహించిన దానికంటే ఎక్కువగా ఉంటే, బంగారం ధర మరింత పడిపోయి సైకలాజికల్ లెవెల్ అయిన 4,000 డాలర్ల మార్కు వద్ద సపోర్ట్ వెతుక్కోవాల్సి వస్తుందని మార్కెట్ నిపుణులు అంచనా వేస్తున్నారు. కాబట్టి బంగారంపై పెట్టుబడి పెట్టేవారు ఈ వారం వచ్చే అంతర్జాతీయ నివేదికలను గమనించడం చాలా మంచిది.