బంగారం ధరలపై గోల్డ్‌మన్ సాక్స్ సంచలన నివేదిక.. ఏకంగా 4,900 డాలర్ల మార్కు పైనే పసిడి ర్యాలీ..

అంతర్జాతీయ మార్కెట్‌లో పసిడి ర్యాలీ పరుగులు పెడుతోంది. బంగారం ధరలు ప్రముఖ గ్లోబల్ ఇన్వెస్ట్‌మెంట్ బ్యాంక్ గోల్డ్‌మన్ సాక్స్ నిర్దేశించిన సంవత్సరాంతపు లక్ష్యమైన ఔన్సుకు $4,900 మార్కును కూడా అధిగమించే అవకాశం ఉందని రాయిటర్స్ నివేదిక తెలిపింది. పాశ్చాత్య దేశాల ఇన్వెస్టర్ల నుంచి వ్యూహాత్మక డిమాండ్ పెరగడం, ప్రపంచ సెంట్రల్ బ్యాంకులు పెద్ద ఎత్తున బంగారాన్ని కొనుగోలు చేస్తుండటమే ఈ రేసుకి ప్రధాన కారణమని బ్యాంక్ తన తాజా నివేదికలో విశ్లేషించింది.

బుల్లిష్ ఆప్షన్లకు పెరుగుతున్న డిమాండ్ మార్కెట్‌లో లభ్యమయ్యే కీలక స్ట్రైక్ ధరల వైపు బంగారాన్ని నడిపిస్తోంది. ప్రపంచ స్థూల ఆర్థిక విధానాలలో ముప్పును తప్పించుకునేందుకు (Macro Hedging) ఇన్వెస్టర్లు Gold కాల్ ఆప్షన్ల వైపు మొగ్గు చూపుతున్నారు. దీనివల్ల ఏర్పడిన ఆప్షన్ల ప్రభావం ధరల పెరుగుదలకు, తగ్గుదలకు ఒక యాంత్రిక శక్తిగా (Mechanical Amplifier) పనిచేస్తోందని గోల్డ్‌మన్ పేర్కొంది. ఆప్షన్లను విక్రయించిన డీలర్లు తమ నష్టభయాన్ని (Risk) తగ్గించుకునేందుకు నేరుగా బులియన్‌ను కొనుగోలు చేయాల్సి వస్తోందని.. ఇది పసిడి ర్యాలీకి మరింత ఊపునిస్తోందని తెలిపింది. అయితే ధరల్లో తగ్గుదల వస్తే డీలర్లు తమ పొజిషన్లను ఉపసంహరించుకోవడం వల్ల అమ్మకాల ఒత్తిడి కూడా అంతే తీవ్రంగా ఉండే ప్రమాదముందని బ్యాంక్ హెచ్చరించింది.

ఇటీవల యుఎస్ ఫెడరల్ రిజర్వ్ వడ్డీ రేట్లను యథాతథంగా ఉంచడం, దానికి తోడు అమెరికాలో ఉపాధి, ద్రవ్యోల్బణ గణాంకాలు బలహీనపడటంతో సెప్టెంబర్‌లో ఫెడ్ వడ్డీ రేట్ల పెంపు ఉండకపోవచ్చనే అంచనాలు బలపడ్డాయి. ఈ పరిణామాలు బంగారం ధర ఔన్సుకు $4,600 దిశగా వేగంగా దూసుకెళ్లడానికి దోహదపడ్డాయి. దీనివల్ల కామెక్స్ (COMEX) మార్కెట్‌లో ఊహాజనిత ట్రేడింగ్ పుంజుకోవడంతో పాటు, గోల్డ్ ఎక్స్ఛేంజ్-ట్రేడెడ్ ఫండ్స్‌కు (ETFs) ఇన్వెస్టర్ల నుంచి మళ్లీ భారీగా ఆదరణ పెరిగింది.

Also Read

బంగారం ధరలు పెరిగాయి.. ఈ రోజు ర్యాలీతో పసిడి రేటు ఎంత పైకి వెళ్లిందంటే.. ఆగస్టు 22, శనివారం ధరలు ఇవే..

ప్రస్తుతం అంతర్జాతీయ స్పాట్ గోల్డ్ వరుసగా మూడో వారం కూడా భారీ లాభాలను నమోదు చేస్తూ.. ఈ ఒక్క వారంలోనే దాదాపు 5 శాతం మేర లాభపడింది. మూడు నెలల గరిష్ట స్థాయికి చేరుకున్న పసిడి, తన సాంకేతిక సూచీ అయిన 200-రోజుల మూవింగ్ యావరేజ్‌ను (200-day moving average) విజయవంతంగా దాటి ముందుకు సాగుతోంది. అయితే భవిష్యత్తులో ఫెడ్ రేట్ల పెంపు అంచనాలు మళ్లీ పెరిగితే డీలర్లు తమ పొజిషన్లను ఉపసంహరించుకుని లాభాల స్వీకరణకు దిగొచ్చని, అది సాధారణం కంటే తీవ్రమైన దిద్దుబాటుకు (Correction) దారితీయవచ్చని గోల్డ్‌మన్ సాక్స్ తన నోట్‌లో స్పష్టం చేసింది.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.