బంగారం ధరల తగ్గుదలపై గుడ్ న్యూస్.. అంచనాలను భారీగా తగ్గించిన గోల్డ్‌మన్ సాక్స్..

Gold Price Forecast 2027: అంతర్జాతీయ బులియన్ మార్కెట్లో బంగారం ధరలు ఇటీవల గరిష్ఠ స్థాయిల నుండి దిగివస్తున్న నేపథ్యంలో.. ప్రపంచ ప్రఖ్యాత ఇన్వెస్ట్‌మెంట్ బ్యాంకు గోల్డ్‌మన్ సాక్స్ (Goldman Sachs) పసిడి ధరల భవిష్యత్తుపై తన మునుపటి అంచనాలను సవరిస్తూ సరికొత్త నివేదికను విడుదల చేసింది. తాజా నివేదిక ప్రకారం.. ఈ సంవత్సరం చివరి నాటికి అంటే 2026 డిసెంబర్ నాటికి అంతర్జాతీయ మార్కెట్లో బంగారం ధర ఔన్సుకు 4,150 డాలర్లకు చేరుకుంటుందని అంచనా వేసింది.

ప్రస్తుతం బంగారం ధర ఔన్సుకు సుమారు 3,840 డాలర్ల వద్ద ట్రేడవుతున్నందున.. సమీప కాలంలో పసిడి ధరల్లో భారీ పెరుగుదలకు అవకాశం తక్కువగా ఉందని గోల్డ్‌మన్ సాక్స్ స్పష్టం చేసింది. అదేవిధంగా 2027 చివరి నాటికి బంగారం ధర ఔన్సుకు 4,800 డాలర్లకు చేరుకోవచ్చని కొత్త లక్ష్యాన్ని నిర్దేశించింది. బంగారం గతంలో నమోదు చేసిన చారిత్రాత్మక గరిష్ఠ స్థాయి 5,600 డాలర్లతో పోలిస్తే, ఈ అంచనా సుమారు 800 నుండి 1,200 డాలర్లు తక్కువగా ఉండటం గమనార్హం. అంటే 2027 చివరి వరకు కూడా బంగారం మళ్లీ తన ఆల్-టైమ్ రికార్డు స్థాయిలను అందుకోవడం లేదా అధిగమించడం కష్టమేనని ఈ నివేదిక పరోక్షంగా సూచిస్తోందని మార్కెట్ విశ్లేషకులు భావిస్తున్నారు.

Gold price forecast 2027 Goldman Sachs gold forecast gold price prediction 2026 gold price target 4150 gold price target 4800 gold outlook gold investment Federal Reserve rate hike gold market news gold price today 2027 2026

ఈ అంతర్జాతీయ అంచనాలను భారత మార్కెట్ పరిస్థితులతో పోల్చి చూస్తే.. దేశీయంగా 8 గ్రాములు బంగారు ఆభరణాల ధర సుమారు రూ. 1.20 లక్షల స్థాయికి పెరిగే అవకాశం ఉందని నిపుణులు లెక్కగడుతున్నారు. అయినప్పటికీ ఇది గతంలో నమోదైన చారిత్రాత్మక గరిష్ఠ ధర కంటే దాదాపు రూ. 13 వేలు తక్కువగానే ఉంది. అమెరికా ఫెడరల్ రిజర్వ్ అనుసరించబోయే కఠినమైన ద్రవ్య విధానాలే బంగారం ధరల లక్ష్యాలను తగ్గించడానికి ప్రధాన కారణమని గోల్డ్‌మన్ సాక్స్ ఆర్థికవేత్తలు వివరించారు.

Also Read

ఇప్పటికే డిసెంబర్ సమావేశంలో ఫెడ్ వడ్డీ రేట్లను పెంచుతుందనే అంచనాలు బలంగా ఉండగా.. దానికి అదనంగా 2027 మార్చిలో మరో 25 బేసిస్ పాయింట్ల మేర వడ్డీ రేట్లను పెంచే అవకాశం ఉందని బ్యాంకు అంచనా వేస్తోంది. వడ్డీ రేట్లు పెరిగితే బాండ్ల రాబడులు పెరిగి.. వడ్డీ ఆదాయం లేని సురక్షిత పెట్టుబడి సాధనమైన బంగారానికి డిమాండ్ తగ్గుతుందని నివేదిక పేర్కొంది.

అయితే, సమీప కాలం, వచ్చే ఏడాదికి ధరల లక్ష్యాలను సవరించినప్పటికీ, దీర్ఘకాలంలో బంగారంపై గోల్డ్‌మన్ సాక్స్ తన సానుకూల దృక్పథాన్ని (Bullish Outlook) కొనసాగిస్తోంది. ప్రపంచవ్యాప్తంగా పలు దేశాల కేంద్ర బ్యాంకులు.. ముఖ్యంగా చైనా సెంట్రల్ బ్యాంక్ తమ విదేశీ మారక నిల్వలను వైవిధ్యపరచుకునేందుకు బంగారం కొనుగోళ్లను నిరంతరాయంగా కొనసాగించడం పసిడి మార్కెట్‌కు బలమైన మద్దతుగా నిలుస్తుందని నివేదిక హైలైట్ చేసింది.

ఫెడ్ వడ్డీ రేట్ల పెంపు భయాలు, అంతర్జాతీయ ఇంధన ధరల్లో హెచ్చుతగ్గుల కారణంగా రాబోయే 3 నుండి 6 నెలల పాటు బంగారం పెట్టుబడుల విషయంలో మదుపర్లు కొంత అప్రమత్తంగా వ్యవహరించాలని నిపుణులు సూచిస్తున్నారు. కానీ, ప్రస్తుత ధరల తగ్గుదలను దీర్ఘకాలిక పెట్టుబడిదారులు ఒక చక్కటి కొనుగోలు అవకాశంగా ఉపయోగించుకోవచ్చని విశ్లేషకులు అభిప్రాయపడుతున్నారు.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.

Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+