బంగారం ఈ రేటు వద్దకు రాగానే వెంటనే కొనేయండి.. పసిడి ధర తగ్గిన వేళ ఆర్థిక నిపుణులు కీలక సూచన..

బంగారం ధరలు భారీగా తగ్గాయి. అంతర్జాతీయంగా నెలకొన్న పరిస్థితుల మధ్య పసిడి ధరలు నేల చూపులు చూశాయి. పండగ సీజన్ సమీపిస్తున్న వేళ బంగారం ధరలు తగ్గడం సామాన్యులకు ఊరటకలిగించే అంశం అని చెప్పవచ్చు. అయితే పసిడి ధరలు ముందు ముందు ఇంకా తగ్గుతాయా లేక ఇది స్పల్పకాలికమేనా అనే దానిపై అందరిలోనూ అయోమయం నెలకొంది. ధర తగ్గినప్పుడు బంగారం కొనడానికి ఇదే సరైన సమయమా లేక ఇంకా తగ్గేదాకా వేచి చూడాలా అనే దానిపై నిపుణులు వివిధ అభిప్రాయాలను వెల్లడిస్తున్నారు.

భారత కమోడిటీ మార్కెట్‌లో బంగారం ఇంట్రాడే ట్రేడింగ్‌లో సానుకూల ధోరణిని ప్రదర్శిస్తోందని ఎల్‌కేపీ సెక్యూరిటీస్ కమోడిటీ అండ్ కరెన్సీ రీసెర్చ్ వైస్ ప్రెసిడెంట్ జతీన్ త్రివేది తెలిపారు. గత కొన్ని సెషన్లలో తీవ్రమైన క్షీణతను చవిచూసిన ఎంసీఎక్స్ (MCX) అక్టోబర్ గోల్డ్ ఫ్యూచర్స్ ప్రస్తుతం వేగంగా కోలుకునే సంకేతాలను చూపిస్తున్నాయని ఆయన పేర్కొన్నారు. బంగారం ధర రూ. 1,50,000 నుండి రూ. 1,50,500 ప్రాంతం వద్ద బలమైన మద్దతును తీసుకుని పుంజుకుందని.. ప్రస్తుతం రూ. 1,52,650 నుండి రూ. 1,52,700 స్థాయిల వద్ద స్థిరపడుతోందని విశ్లేషించారు. స్వల్పకాలిక చార్ట్ నిర్మాణం ప్రకారం కొనుగోలుదారుల ఆసక్తి స్పష్టంగా పెరుగుతోందని.. Gold ధరలు తక్షణ మూవింగ్ యావరేజ్ జోన్ పైకి చేరి ఇటీవలి ట్రేడింగ్ శ్రేణిలోని ఎగువ స్థాయికి సమీపంలో నిలదొక్కుకుంటున్నాయని తెలిపారు.

సాంకేతిక అమరిక, ఇండికేటర్లను పరిశీలిస్తే.. బంగారం తన ఇటీవలి ట్రేడింగ్ శ్రేణిలోని దిగువ భాగం నుండి కోలుకుని ఎగువ వైపుకు పయనిస్తోంది. మూవింగ్ యావరేజ్, ఎంఏసీడీ (MACD) ఇండికేటర్లు పాజిటివ్ డైవర్జెన్స్‌ను ప్రదర్శిస్తూ అమ్మకాల ఒత్తిడి తగ్గి కొనుగోలు వేగం తిరిగి పుంజుకుందని సూచిస్తున్నాయి. వాల్యూమ్, ఓపెన్ ఇంటరెస్ట్ కూడా తక్కువ స్థాయిల నుండి కోలుకోవడం ఈ రికవరీకి అదనపు బలాన్ని ఇస్తోంది. ట్రేడర్లు Gold ధరలు వేగంగా పెరిగినప్పుడు తొందరపడి వెంబడించకుండా.. సూచించిన స్థాయిల వద్ద "ధర తగ్గినప్పుడు కొనడం" (Buy on Dips) సరైన వ్యూహమని విశ్లేషకులు సలహా ఇస్తున్నారు.

Also Read

బంగారం ధరలు భారీగా తగ్గాయి.. ఈ రోజు తగ్గుదలతో పసిడి రేటు ఎంత పడిపోయిందంటే.. సెప్టెంబర్ 11, శుక్రవారం ధరలు ఇవే.

ఈ పరిణామాల నేపథ్యంలో ఇంట్రాడే ట్రేడర్ల కోసం ఎల్‌కేపీ సెక్యూరిటీస్ ప్రత్యేక వ్యూహాన్ని ప్రతిపాదించింది. రూ. 1,52,400 వద్ద బై జోన్‌గా పరిగణిస్తూ, రూ. 1,51,600 దిగువన స్టాప్-లాస్ నిరోధకాన్ని ఏర్పాటు చేసుకోవాలని సూచించింది. పైవైపున రూ. 1,52,700 నుండి రూ. 1,53,000 ప్రాంతం తక్షణ నిరోధకంగా పనిచేస్తుండగా.. రూ. 1,52,400 పైన నిలకడగా కొనసాగితే బంగారం ధర సులభంగా రూ. 1,53,200 లక్ష్యాన్ని (Target) చేరుకోగలదని అంచనా వేశారు. అయితే ఒకవేళ ధర నిర్ణయాత్మకంగా రూ. 1,51,600 కంటే దిగువకు పడిపోతే.. ప్రస్తుతం ఉన్న రికవరీ సెటప్ బలహీనపడి బుల్లిష్ అంచనా చెల్లుబాటు కాదని హెచ్చరించారు.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.