గోల్డ్ లోన్ల డిమాండ్ పెరుగుతోంది… కానీ ఏ బ్యాంకు బెస్ట్ ఆఫర్ ఇస్తుందో తెలుసుకోండి

డబ్బు అవసరం ఏ క్షణానైనా వస్తుంది. అలాంటి సమయంలో మన దగ్గర బంగారం ఉంటే, దాని మీద గోల్డ్ లోన్ తీసుకోవడం చాలా మందికి సేఫ్ మరియు ఈజీ ఆప్షన్‌గా మారింది. ముఖ్యంగా బ్యాంకులు, NBFCలు కూడా గోల్డ్ లోన్లను పోటీగా ఇస్తున్నాయి.

భారతదేశంలో గోల్డ్ లోన్లు రోజురోజుకూ పెరుగుతున్నాయి. కారణం మన దేశంలో 11% వరకూ ప్రపంచ గోల్డ్ రిజర్వులు ఉన్నాయి, అంటే దాదాపు ప్రతి కుటుంబంలో బంగారం ఉంది. ఎప్పుడు డబ్బు అవసరం వచ్చినా, బంగారాన్ని అమ్మేయకుండా సులభంగా లోన్ తీసుకోవచ్చు కాబట్టి ప్రజలు ఎక్కువగా ఈ ఆప్షన్‌కి వెళ్తున్నారు. ముఖ్యంగా కోవిడ్ తర్వాత కాలంలో బ్యాంకులు, NBFCలు గోల్డ్ లోన్లను ఇంకా ఈజీగా, తక్కువ డాక్యుమెంట్లతో ఇవ్వడం మొదలుపెట్టాయి. అందుకే గోల్డ్ లోన్ మార్కెట్ డబుల్ డిజిట్ గ్రోత్ సాధిస్తోంది. 2024లోనే గోల్డ్ లోన్ డిమాండ్ రూ. 7-8 లక్షల కోట్ల వరకు చేరిందని రిపోర్టులు చెబుతున్నాయి. రూరల్ ప్రాంతాల్లో రైతులు, అర్బన్ ప్రాంతాల్లో చిన్న బిజినెస్‌లు గోల్డ్ లోన్లపై ఎక్కువగా ఆధారపడుతున్నారు. మొత్తానికి, బంగారం ఉన్నంత వరకు గోల్డ్ లోన్ డిమాండ్ తగ్గే అవకాశమే లేదు. అయితే వడ్డీ రేట్లు బ్యాంక్‌కి బ్యాంక్‌కి మారుతాయి. అందుకే ఏ బ్యాంక్‌లో ఎంత వడ్డీ అనేది తెలుసుకోవడం చాలా ముఖ్యం.

ప్రస్తుతం "పంజాబ్ నేషనల్ బ్యాంక్ (PNB)" గోల్డ్ లోన్లను 8.35% వడ్డీ నుంచి ఆఫర్ చేస్తోంది. అంటే EMI కూడా తక్కువగానే వస్తుంది. ఉదాహరణకు, రూ.1 లక్ష లోన్ తీసుకుంటే నెలవారీ EMI సుమారు రూ. 8,715 మాత్రమే అవుతుంది. దీని తరువాత "బ్యాంక్ ఆఫ్ ఇండియా (BOI)" 8.6% వడ్డీ నుంచి, "కెనరా బ్యాంక్" 8.9% నుంచి లోన్లు ఇస్తున్నాయి. ఇవ్వన్ని పబ్లిక్ బ్యాంకులు కావడం వల్ల సేఫ్ అని చాలా మంది నమ్ముతారు.

ఇక కోటక్ మహీంద్రా బ్యాంక్ 9% వడ్డీ నుంచి లోన్లు ఇస్తుంటే, ICICI బ్యాంక్ 9.15% నుంచి, HDFC బ్యాంక్ 9.3% నుంచి ఆఫర్ చేస్తోంది. బ్యాంక్ ఆఫ్ బరోడా (BoB) 9.4% వడ్డీ, యూనియన్ బ్యాంక్ 9.65% వడ్డీ నుంచి ఇస్తున్నాయి. వీటితో పోల్చితే EMI కాస్త ఎక్కువ అవుతుంది. ఉదాహరణకు, ICICI వద్ద 9.15% వడ్డీకి రూ. 1 లక్ష లోన్ EMI రూ. 8,752 అవుతుంది.

ఆశ్చర్యకరంగా, స్టేట్ బ్యాంక్ ఆఫ్ ఇండియా (SBI) గోల్డ్ లోన్లపై 10% వడ్డీ వసూలు చేస్తోంది. EMI కూడా సుమారు రూ. 8,792 అవుతుంది. SBI లాంటి పెద్ద బ్యాంక్ అయినా, ఇతర పబ్లిక్ బ్యాంకులతో పోలిస్తే వడ్డీ ఎక్కువగా ఉండటం కస్టమర్లను కొంత ఆలోచనలో పడేస్తోంది.

ఎవరికి ఏది బెస్ట్?

మీరు తక్కువ వడ్డీతో గోల్డ్ లోన్ కావాలనుకుంటే, "పంజాబ్ నేషనల్ బ్యాంక్, బ్యాంక్ ఆఫ్ ఇండియా, కెనరా" లాంటి బ్యాంకులు మంచి ఆప్షన్. కానీ ప్రైవేట్ బ్యాంకులు, ముఖ్యంగా ICICI, HDFC లాంటి వాటి సర్వీస్ వేగంగా ఉండటం వల్ల చాలా మంది వాటినే ఎంచుకుంటారు. SBI వడ్డీ ఎక్కువైనా, రూరల్ ఏరియాల్లో ఎక్కువ బ్రాంచ్‌లు ఉండటం వల్ల అది ఇంకా ఎక్కువ మందికి ఈజీ ఆప్షన్‌గా ఉంది.

గోల్డ్ లోన్ తీసుకోవాలనుకునే వాళ్లు తప్పక తెలుసుకోవాల్సిన విషయం LTV (లోన్-టు-వాల్యూ) రేషియో. సింపుల్‌గా చెప్పాలంటే, మీరు ఇచ్చే బంగారం విలువలో ఎంత శాతం వరకు బ్యాంక్ లోన్ ఇస్తుందో అదే LTV. రిజర్వ్ బ్యాంక్ ఆఫ్ ఇండియా (RBI) రూల్స్ ప్రకారం, గోల్డ్ లోన్ మీద గరిష్టంగా 75% LTV మాత్రమే అనుమతిస్తుంది. అంటే మీ బంగారం మార్కెట్ విలువ రూ.1 లక్ష అయితే, దానిపై గరిష్టంగా రూ. 75,000 వరకే లోన్ వస్తుంది. చాలా మందికి బంగారం ఇచ్చేస్తే దాని పూర్తి విలువంతా లోన్ వస్తుందని అనిపిస్తుంది, కానీ నిజానికి అలా కాదు. ఈ లిమిట్ పెట్టడం వల్ల బ్యాంక్‌కి కూడా రిస్క్ తక్కువగా ఉంటుంది, మనకు కూడా అప్పు తిరిగి చెల్లించడంలో ఒత్తిడి ఎక్కువగా ఉండదు. కాబట్టి లోన్ తీసుకునే ముందు మీ బంగారం విలువ, దానిపై వచ్చే మొత్తం ఎంత వరకు ఉంటుందో అంచనా వేసుకోవడం మంచిది.

గోల్డ్ లోన్ తీసుకోవాలనుకుంటే, వడ్డీ రేట్లతో పాటు ప్రాసెసింగ్ ఫీ, లోన్ టర్మ్స్, ప్రీ-పేమెంట్ ఆప్షన్స్ కూడా చూసుకోవాలి. కేవలం పెద్ద బ్యాంక్ అనుకుని వెళ్లిపోవడం కాకుండా, మీ EMI లెక్క చూసుకుని సరైన బ్యాంక్ ఎంచుకోవడం మేలు. మొత్తానికి, గోల్డ్ లోన్ అంటే కేవలం డబ్బు కోసమే కాదు మీ బంగారంపై పెట్టే బాధ్యత కూడా కాబట్టి జాగ్రత్తగా ఎంపిక చేసుకోవాలి.