బంగారంపై గుడ్ న్యూస్..వచ్చే వారం పసిడి ధర భారీగా పతనమవుతుందంటున్న నిపుణులు..కారణమేమిటంటే..

భారతీయ, అంతర్జాతీయ కమోడిటీ మార్కెట్లలో Gold ధరలు తీవ్రమైన అస్థిరతకు గురయ్యాయి. అక్టోబర్ 5వ తేదీకి సంబంధించిన MCX గోల్డ్ ఫ్యూచర్స్ కాంట్రాక్ట్, 10 గ్రాములకు రూ. 1,60,000 పైన గరిష్ట స్థాయికి చేరిన అనంతరం తీవ్రమైన అమ్మకాల ఒత్తిడిని ఎదుర్కొంది. ఆగస్టు 28 శుక్రవారం సెషన్‌లో 1.63 శాతం క్షీణించి.. చివరికి 10 గ్రాములకు రూ. 1,56,400 వద్ద ముగిసింది. వారాంతంలో ఈ విలువైన లోహం మొత్తం మీద 2 నుండి 3 శాతం నష్టంతో ముగియడం గమనార్హం.

ఈ పతనానికి ప్రధానంగా అమెరికా ఫెడరల్ రిజర్వ్ వైఖరి కారణమైంది. జాక్సన్ హోల్ సమావేశంలో ఫెడ్ ఛైర్మన్ కెవిన్ వార్ష్ ద్రవ్యోల్బణంపై తీవ్రమైన కఠిన వ్యాఖ్యలు చేశారు. ఫెడ్ ప్రతిపాదించిన 2 శాతం లక్ష్యం కంటే ద్రవ్యోల్బణం ఎగువనే ఉందనే అంచనాలు, రాబోయే రోజుల్లో వడ్డీ రేట్ల కోత లేదా సడలింపుల చక్రం వేగంగా ఉండకపోవచ్చనే సూచనలను ఇచ్చాయి. దీనివల్ల బులియన్ మార్కెట్లలో ఇన్వెస్టర్లు భారీగా లాభాల స్వీకరణకు (Profit Booking) పాల్పడ్డారు. అంతర్జాతీయంగా కామెక్స్ (COMEX) బంగారం ఔన్సుకు 4,678 డాలర్ల గరిష్ట స్థాయిని తాకినప్పటికీ.. అనంతరం 3.56 శాతం పడిపోయి 4,512 డాలర్ల వద్దకు చేరుకుంది.

సోమవారం (ఆగస్టు 31) నాడు మార్కెట్ ప్రారంభంపై కమోడిటీ విశ్లేషకులు జాగ్రత్త వహిస్తున్నారు. బోనాంజా పోర్ట్‌ఫోలియో సీనియర్ రీసెర్చ్ అనలిస్ట్ నిర్పేంద్ర యాదవ్ తెలిపిన వివరాల ప్రకారం.. సోమవారం నాటి ట్రేడింగ్‌లో బలమైన గ్యాప్-అప్ ప్రారంభం అయ్యే అవకాశం లేదు. ప్రస్తుత గ్లోబల్ పరిస్థితులు గ్యాప్-డౌన్ లేదా ఫ్లాట్ ఓపెనింగ్ వైపే మొగ్గు చూపుతున్నాయి. అయితే, డాలర్‌తో పోలిస్తే బలహీనపడుతున్న భారత రూపాయి అంతర్జాతీయ ధరల పతనాన్ని కొంతవరకు తట్టుకుని.. దేశీయంగా MCX మార్కెట్‌కు మద్దతు ఇచ్చే అవకాశం ఉందని ఎల్‌కేపీ సెక్యూరిటీస్ నిపుణులు జతీన్ త్రివేది స్పష్టం చేశారు.

Also Read

భవిష్యత్తులో బంగారం ధర తులం రూ. 15 లక్షలకు.. సామాన్యుల పసిడి ఆశలపై బాంబు పేల్చిన బిలియనీర్ థామస్ కాప్లాన్ ..

సాంకేతిక విశ్లేషణ పరంగా.. వారపు చార్టులో MCX gold ధరలు గరిష్ట స్థాయిల వద్ద 'బేరిష్ ఎంగల్ఫింగ్ క్యాండిల్‌స్టిక్' (Bearish Engulfing Candlestick) నమూనాను ఏర్పరిచాయి. ట్రేడింగ్ వాల్యూమ్‌తో కూడిన ఈ పతనం రాబోయే రోజుల్లో అమ్మకాల ఒత్తిడి కొనసాగుతుందనడానికి సూచికగా కనిపిస్తోంది. స్వల్పకాలికంగా 10 గ్రాముల బంగారానికి రూ. 1,53,500 వద్ద బలమైన మద్దతు (Support), రూ. 1,61,000 వద్ద నిరోధం (Resistance) నెలకొని ఉన్నాయి. రాబోయే వారంలో వచ్చే యుఎస్ వ్యవసాయేతర వేతనాలు (Non-Farm Payrolls), నిరుద్యోగ గణాంకాల ఆధారంగా బంగారం తదుపరి గమనం ఆధారపడి ఉంటుంది.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.