బంగారు నాణేలా..బంగారు ఆభరణాలా? అధిక లాభాల కోసం బెస్ట్ పెట్టుబడి ఏదో తెలుసుకోండి

ప్రపంచ వ్యాప్తంగా ప్రతి ఒక్కరి జీవితంలో పసిడి అనేది ఓ ప్రత్యేక భాగమైపోయింది. పసిడి లేకుండా ఏ కుటుంబంమూ ఉండదంటే అతిశయోక్తి కాదు. పురుషులు, స్త్రీలు బంగారం అనేది అలంకార ప్రాయంగా ధరిస్తూ ఉంటారు. ఇక మన దేశంలో అయితే బంగారం అనేది లేకుండా ఎవరి జీవితం లేదు. సంపదతో పాటుగా భద్రత కోసం బంగారాన్ని భారతీయులు దాచుకుంటూ ఉంటారు.

అయితే Gold విభిన్న రూపాలలో ఉంటుంది. అది కాయిన్ల రూపంలో.. బిస్కెట్ల రూపంలో..అలాగే అభరణాల రూపంలో ఉంటుంది. మరి బంగారం కొనే సమయంలో ఒకటే రేటు ఉంటే..అమ్మే సమయంలో మారుతూ ఉంటుంది. ఇప్పుడు అసలు ప్రశ్న ఏంటంటే.. బంగారాన్ని అమ్మేటప్పుడు ఎక్కువ విలువ లభించేది ఏది? నాణేలా? ఆభరణాలా? అనే సందేహం చాలా మందికి వస్తూ ఉంటుంది.

బంగారు ఆభరణాలు vs బంగారం నాణేలు : పండుగలు, పెళ్లిళ్లు, కుటుంబ కార్యక్రమాల్లో ఆభరణాలు కొనుగోలు చేయడం అనాది నుంచి ఆనవాయితీగా వస్తోంది. ఇది పెట్టుబడి కన్నా మనుషుల భావోద్వేగానికి సంబంధించినదిగా చెప్పుకోవచ్చు.అయితే చాలా మంది బంగారు నాణేలను పెట్టుబడి కోణంలో ఎక్కువ కొనుగోలు చేస్తారు. ఇవి భద్రంగా పెట్టుకుంటారు, అవసరమైనప్పుడు ఉపయోగిస్తారు.ఒకటి పెట్టుబడుల కోసమయితే మరొకటి భావోద్వేగానికి సంబంధించినది.

ఆభరణాలు అమ్మే సమయంలో ఎదురయ్యే పరిస్థితి: మీరు బంగారు ఆభరణాలను అమ్మాలనుకున్నప్పుడు ముందుగా దాని స్వచ్ఛతను పరీక్షిస్తారు. సాధారణంగా 22 క్యారట్ల బంగారంతో తయారు చేసిన ఆభరణాలు మిశ్రమ లోహాలను కలిగి ఉంటాయి. మీరు చెల్లించిన తయారీ ఖర్చులు, డిజైన్ ఖర్చులు తిరిగి వస్తాయా? అనేది చెక్ చేసుకోవాల్సి ఉంటుంది. అయితే ఎక్కువ మంది ఆభరణాలను వృద్ధిమూల్యంతో కాకుండా తక్కువ ధరకు కొనుగోలు చేస్తారు. పైగా కొన్ని జువెల్లరీ షాపులు అయితే తమ వద్దనే కొనుగోలు చేసిన ఆభరణాలను మాత్రమే తిరిగి కొనుగోలు చేస్తాయి.

బంగారు నాణేల అమ్మకంలో ఎదురయ్యే పరిస్థితి :ఇక Gold Coins సాధారణంగా 24 క్యారట్ల స్వచ్ఛమైన బంగారంతో తయారు చేస్తారు. ఇవి పూర్తిగా పెట్టుబడి కోణంలో ఉంటాయి. దీనివల్ల ఏదైనా షాపు స్వీకరించడంలో వెనకడుగు వేయదు. తయారీ ఖర్చులు ఉండవు, డిజైన్ ఖర్చులు ఉండవు. మీరు అమ్మేటప్పుడు ప్రస్తుత మార్కెట్ ధరకు బంగారపు నాణేలు సులభంగా అమ్ముకోవచ్చు. దీని కోసం అవసరమైన ధ్రువీకరణ ఉంటే చాలు.ఈజీగా అమ్మేసుకోవచ్చు.

అమ్మినప్పుడు దేనికి ఎక్కువ విలువ? సాధారణంగా నాణేలు ఎక్కువ విలువను కలిగి ఉంటాయి. ఎందుకంటే ఆభరణాలపై 10-15% తగ్గింపులు ఉంటాయి. నాణేలలో వీటి అవసరం ఉండదు. నాణేలు కాయిన్ రూపంలో ఉంటాయి కాబట్టి హ్యాండ్లింగ్ సులభం. మీరు బంగారం కొనుగోలు చేయడం వెనుక ఉద్దేశాన్ని బట్టి నిర్ణయం తీసుకోవాలి. సాంప్రదాయం, శృంగారం కోసం అయితే ఆభరణాలు మేలు. ఇక పెట్టుబడి కోసం అయితే నాణేలు ఉత్తమమైన మార్గం.ఈ రోజుల్లో అంతా డిజిటల్ గోల్డ్, పెట్టుబడి గోల్డ్ వైపు మొగ్గు చూపుతున్నాయి. వారు బంగారాన్ని సంపద సృష్టి కోణంలో చూస్తున్నారు. ఈ మారుతున్న దృక్పథంలో, నాణేలు మరింత మెరిసే పెట్టుబడి అవుతున్నాయి.

ఏదేమైనా బంగారం ఎప్పుడూ విలువైన వస్తువు. అయితే పెట్టుబడి కోణంలో చూస్తే మాత్రం నాణేలు మంచి ఎంపికగా చెప్పుకోవచ్చు.తక్కువ తగ్గింపులు, ఎక్కువ విలువ, సులభమైన అమ్మకం సూత్రం మీద ఆదాయం ఉంటుంది. అయితే మీరు బంగారం కొనుగోలు చేసే ముందు మీ అవసరాలను, మీ భవిష్యత్ లక్ష్యాలను గుర్తుంచుకుని నిర్ణయం తీసుకోండి.

Disclaimer: This article is strictly for informational purposes only. It is not a solicitation to buy, sell in precious metal products, commodities, securities or other financial instruments. Greynium Information Technologies Pvt Ltd, its subsidiaries, associates and the author of this article do not accept culpability for losses and/or damages arising based on information in this article.