Gold rates: క్రూడాయిల్ ఎఫెక్ట్.. పసిడి మార్కెట్‌లో ఒడిదుడుకులు, తులం బంగారం ఎంతంటే?

ప్రపంచవ్యాప్తంగా నెలకొన్న భౌగోళిక ఉద్రిక్తతలు, ముడి చమురు ధరల పెరుగుదల నేపథ్యంలో దేశీయ మార్కెట్‌లో బంగారం (Gold) ధరలు గత రెండు రోజులుగా ఒకే పరిధిలో కొనసాగుతున్నాయి. మార్చి 13న ఉదయం ట్రేడింగ్‌లో బంగారం, వెండి ధరలు స్వల్పంగా తగ్గుముఖం పట్టాయి. ముఖ్యంగా మధ్యప్రాచ్యంలో కొనసాగుతున్న యుద్ధ వాతావరణం వల్ల క్రూడాయిల్ ధరలు పెరగడం, పెట్టుబడిదారుల సెంటిమెంట్‌ను ప్రభావితం చేస్తోంది.

మల్టీ కమోడిటీ ఎక్స్ఛేంజ్ (MCX)లో ఏప్రిల్ 2తో ముగిసే గోల్డ్ ఫ్యూచర్స్ సుమారు రూ. 400 తగ్గి, 10 గ్రాములకు రూ. 1,59,764 స్థాయికి చేరుకుంది. నిన్నటి ముగింపు ధర రూ. 1,60,271తో పోలిస్తే ఇది కొంత తక్కువ. అదేవిధంగా, వెండి ధరలు కూడా కిలోకు దాదాపు రూ. 1,700 తగ్గి రూ. 2,66,001 వద్ద ట్రేడ్ అయ్యాయి. అంతర్జాతీయ మార్కెట్ (COMEX)లో కూడా పసిడి ధర స్వల్పంగా తగ్గి 5,106.50 డాలర్ల వద్ద కొనసాగుతోంది.

నేడు ప్రధాన నగరాల్లో బంగారం ధరలు (10 గ్రాములకు)

దేశవ్యాప్తంగా రిటైల్ మార్కెట్‌లో ఈరోజు (మార్చి 13) నమోదైన ధరల వివరాలు ఇక్కడ ఉన్నాయి:

• హైదరాబాద్ (Hyderabad): 24 క్యారెట్ల బంగారం ధర రూ. 1,60,770 ఉండగా, 22 క్యారెట్ల ధర రూ. 1,47,373 వద్ద ఉంది.
• బెంగళూరు (Bengaluru): ఇక్కడ 24 క్యారెట్ల పసిడి రూ. 1,60,820 ఉండగా, 22 క్యారెట్ల ధర రూ. 1,47,420గా నమోదైంది.
• విజయవాడ (Vijayawada): 24 క్యారెట్ల ధర రూ. 1,60,770 కాగా, 22 క్యారెట్ల ధర రూ. 1,47,373 వద్ద కొనసాగుతోంది.
• విశాఖపట్నం (Visakhapatnam): స్టీల్ సిటీలో 24 క్యారెట్ల ధర రూ. 1,60,770 , 22 క్యారెట్ల ధర రూ. 1,47,373గా ఉంది.
• చెన్నై (Chennai): ఇక్కడ 24 క్యారెట్ల బంగారం రూ. 1,61,250 ఉండగా, 22 క్యారెట్ల ధర రూ. 1,47,810 వద్ద ఉంది.
• ఢిల్లీ (Delhi): దేశ రాజధానిలో 24 క్యారెట్ల ధర రూ. 1,60,920 ఉండగా, 22 క్యారెట్ల ధర రూ. 1,47,510గా ఉంది.
• ముంబై (Mumbai): ఆర్థిక రాజధానిలో 24 క్యారెట్ల పసిడి రూ. 1,60,770 ఉండగా, 22 క్యారెట్ల ధర రూ. 1,47,373 వద్ద ఉంది.
• కోల్‌కతా (Kolkata): ఇక్కడ 24 క్యారెట్ల ధర రూ. 1,60,770 , 22 క్యారెట్ల ధర రూ. 1,47,373గా నమోదైంది.

ఏదేమైనా ముడి చమురు ధరలు బ్యారెల్‌కు 100.5 డాలర్ల వద్ద ట్రేడ్ అవుతుండటం మార్కెట్‌పై ప్రభావం చూపుతోంది. ప్రముఖ ఫైనాన్స్ నిపుణుడు పొన్ముడి ఆర్ (CEO, Enrich Money) అభిప్రాయం ప్రకారం, బంగారం (Gold) ప్రస్తుతం రూ. 1,59,500 నుంచి రూ. 1,61,000 మధ్య స్థిరంగా కొనసాగుతోంది. ఒకవేళ ధర రూ. 1,65,000 దాటితే, భవిష్యత్తులో రూ. 1,75,000 నుంచి రూ. 1,80,000 వరకు వెళ్లే అవకాశం ఉంది. పెళ్లిళ్ల సీజన్ కావడంతో ధరలు తగ్గడం సామాన్యులకు కొంత ఊరటనిచ్చే విషయమే. అయితే, అంతర్జాతీయ పరిణామాల వల్ల ధరలు ఎప్పుడైనా మారవచ్చు.