Gold Rate: పసిడి ప్రియులకు షాక్.. దీపావళికి ముందు రోజు రూ.7100 పెరిగిన గోల్డ్ ధర..

Gold Price Today: ధనత్రయోదశి రోజు గోల్డ్ ధరలు అధికంగానే కొనసాగినప్పటికీ కొనుగోళ్లు భారీగానో కొనసాగినట్లు వెల్లడైంది. నిపుణులు అంచనా వేసిన దాని ప్రకారం నిన్న దాదాపు రూ.20 వేల కోట్లు విలువైన గోల్డ్, రూ.2500 కోట్లు విలువైన గోల్డ్ అమ్మకాలు జరిగాయని వెల్లడైంది. వాస్తవానికి రూ.60 వేల కోట్ల విలువైన అమ్మకాలు జరుగుతాయని ఊహించినప్పటికీ అధిక ధరల కారణంగా డిమాండ్ తగ్గినట్లు వ్యాపారులు చెబుతున్నారు.

22 క్యారెట్ల పసిడి ధర నిన్నటితో పోల్చితే 100 గ్రాములకు రూ.6500 పెరుగుదలను చూసింది. దీంతో దేశంలోని వివిధ నగరాల్లో పెరిగిన తర్వాత రిటైల్ మార్కెట్లలో నేటి గోల్డ్ విక్రయ ధరలను పరిశీలిస్తే.. గ్రాముకు చెన్నైలో రూ.7440, ముంబైలో రూ.7440, దిల్లీలో రూ.7455, కలకత్తాలో రూ.7440, బెంగళూరులో రూ.7440, కేరళలో రూ.7440, వడోదరలో రూ.7445, జైపూరులో రూ.7445, మధురైలో రూ.7440, మంగళూరులో రూ.7440, నాశిక్ లో రూ.7443, అయోధ్యలో రూ.7455, గురుగ్రాములో రూ.7455, బళ్లారిలో రూ.7440, నోయిడాలో రూ.7455 వద్ద కొనసాగుతున్నాయి.

ఇదే క్రమంలో 24 క్యారెట్ల గోల్డ్ ధర నిన్నటితో పోల్చితే 100 గ్రాములకు రూ.7100 పెరుగుదలను నమోదు చేసింది. దీంతో దేశంలోని ప్రముఖ నగరాల్లో నేడు పెరిగిన రిటైల్ గోల్డ్ విక్రయ ధరలను పరిశీలిస్తే.. గ్రాముకు చెన్నైలో రూ.8116, ముంబైలో రూ.8116, దిల్లీలో రూ.8131, కలకత్తాలో రూ.8116, బెంగళూరులో రూ.8116, కేరళలో రూ.8116, వడోదరలో రూ.8121, జైపూరులో రూ.8121, మధురైలో రూ.8116, మంగళూరులో రూ.8116, నాశిక్ లో రూ.8119, అయోధ్యలో రూ.8131, గురుగ్రాములో రూ.8131, బళ్లారిలో రూ.8116, నోయిడాలో రూ.8131గా ఉన్నాయి.

ఏపీ-తెలంగాణలోని నగరాలైన విజయవాడ, గుంటూరు, కాకినాడ, తిరుపతి, నెల్లూరు, అనంతపురం, గుంటూరు, కడప, విశాఖలో గ్రాము ధర రూ.7440గా ఉండగా.. 24 క్యారెట్ల ధర రూ.8116 వద్ద ఉంది. ఇదే క్రమంలో హైదరాబాద్, ఖమ్మం, కరీంనగర్, నిజాంబాద్, వరంగల్ నగరాల్లో 22 క్యారెట్ల పసిడి నేటి ధర రూ.7440గా ఉండగా.. 24 క్యారెట్ల ధర రూ.8116 వద్ద కొనసాగుతోంది. అలాగే తాజా వెండి ధరలను తెలుగు రాష్ట్రాల్లో రిటైల్ విక్రయ ధరను పరిశీలిస్తే.. ధర కేజీకి రూ.1000 పెరిగి నేడు రూ.1,09,000 వద్ద విక్రయాలు జరుగుతున్నాయి.

10 నిమిషాల్లో ఇంటికి పసిడి..
ధనత్రయోదశి సందర్భంగా అక్టోబర్ 29న క్విక్ కామర్స్ ఫ్లాట్ ఫారమ్‌లు స్విగ్గీ, జొమాటో బ్లింకిట్, ఇన్‌స్టామార్ట్, జెప్టో, బిగ్ బాస్కెట్ కేవలం 10 నిమిషాల్లోనే తమ కస్టమర్లకు గోల్డ్, సిల్వర్ కాయిన్స్ డెలివరీని అందుబాటులోకి తీసుకొచ్చాయి. పండుగ రోజున వెండి, ఇత్తడి, బంగారం వంటి లోహాలను కొనుగోలు చేయటం ఉత్తమంంగా, విజయాన్ని కలిగించేవిగా ప్రజలు భావిస్తుంటారు. దీనికోసం ఇప్పటికే క్విక్ కామర్స్ కంపెనీలు మార్కెట్లోని ప్రముఖ ఆభరణాల తయారీ సంస్థలతో జతకట్టాయి. ఇందులో ఒక గ్రాము వరకు గోల్డ్ కాయిన్స్, 10 గ్రాముల వరకు సిల్వర్ కాయిన్స్ విక్రయానికి ఉంచబడ్డాయి.