వాలెంటైన్స్ వీక్.. గుప్పుమంటున్న గులాబీలు.. పెళ్లిళ్ల సీజన్లతో మరింత డిమాండ్.. ఒక్క గులాబీ ఎంతంటే ?

ఏ బంధాన్నైనా బలోపేతం చేయడానికి చేసే చిన్న చిన్న ప్రయత్నాలే దానిని అందంగా మారుస్తాయి. ప్రేమికుల వారం అంటే వాలెంటైన్స్ వారం. ఫిబ్రవరి 7 నుండి 14 వరకు జరిగే ఈ వారం మొదటి రోజును ప్రేమికులు గులాబీలు ఇచ్చి జరుపుకుంటారు. అయితే, మీరు కూడా మీరు ప్రేమించే వ్యక్తికి గులాబీని గిఫ్ట్ గా ఇవ్వాలని ఆలోచిస్తునారా.. కానీ దీని కోసం కొంచెం ఎక్కువ ఖర్చుచేయాల్సి ఉంటుంది. ఎందుకంటే వాస్తవానికి ఈసారి హోల్‌సేల్ పూల మార్కెట్‌లో గులాబీల సప్లయ్ తగ్గింది, దింతో గులాబీల ధరలు పెరిగాయి.

గులాబీ ధరలు ఎందుకు అధికంగా అయ్యాయి?
మార్కెట్లో గులాబీలు అమ్మే ఓ వ్యాపారి మాట్లాడుతూ, గులాబీలు ఎక్కువగా బెంగళూరు ఇంకా పూణే నుండి వస్తాయని చెప్పాడు. కొన్ని రోజుల క్రితం కురిసిన వర్షానికి పంట దెబ్బతింది. ఇంతో కొరత కారణంగా, రైతులు రేట్లు పెంచారు. కొన్ని రోజుల క్రితం వరకు గులాబీ కట్టకు రూ.200 చొప్పున అమ్ముడుపోయిన ఎర్ర గులాబీలు, నిన్న అంటే గురువారం కట్టకు రూ.300-350కి చేరుకున్నాయి. ఒక కట్టలో 20 గులాబీలు ఉంటాయని చెప్పారు. ఇది కాకుండా, ఇతర రంగు రంగుల గులాబీలను కట్టకు రూ.400 చొప్పున పెద్దమొత్తంలో అమ్ముతున్నారు.

ప్రతి సంవత్సరం వాలెంటైన్స్ డే కి ముందు ఈ రేటు అలాగే ఉండేది, కానీ ఈసారి రోజ్ డే నుండే ధరలు పెరిగాయి. రాబోయే రోజుల్లో స్టాక్ తక్కువగా ఉంటే, ఒక బండిల్ ధర రూ.500 వరకు పెరగవచ్చు. అటువంటి పరిస్థితిలో, రిటైల్ మార్కెట్లో గులాబీల ధర మరింత ఖరీదైనదిగా మారుతుంది. నిపుణుల అభిప్రాయం ప్రకారం, వాలెంటైన్స్ డే తర్వాత దాని ధర తగ్గవచ్చు.

మార్కెట్లో ఖుల్లా పూలు అంటే విడి గులాబీలను అమ్మే వ్యాపారి నిన్నటి నుంచి నేటి వరకు గులాబీల ధర రెట్టింపు అయిందని అన్నారు. నిన్నటి వరకు ఆకులు, వికసించిన గులాబీలు కిలో రూ.40 నుంచి రూ.60 వరకు అమ్ముడయ్యాయి, నేడు వాటి ధర కిలో రూ.80 నుంచి రూ.120కి చేరుకుంది. రాబోయే రోజుల్లో ధర మరింత పెరిగే అవకాశం ఉందని అన్నారు.

వారమంతా అమ్మకాలు
వాలెంటైన్స్ వారంలో, ప్రజలు వారి ప్రియమైన వారిని వివిధ మార్గాల్లో ఆశ్చర్యపరుస్తారు. వీటిలో గులాబీ ఆకులను కూడా ఎక్కువగా ఉపయోగిస్తారు. ఈ వారమంతా గులాబీ అమ్మకాలు కూడా బాగున్నాయి. అంతేకాదు మరోవైపు ఇప్పుడు పెళ్లిళ్ల సీజన్ కూడా కొనసాగుతోంది ఇలాంటి సమయంలో సప్లయ్ తక్కువగా ఉంటే రేట్లు పెరగడం సహజం.

వాలెంటైన్ వీక్ ప్రారంభం
ఫిబ్రవరి 7 - రోజ్ డే
8 ఫిబ్రవరి - ప్రపోజ్ డే
9 ఫిబ్రవరి - చాక్లెట్ డే
10 ఫిబ్రవరి - టెడ్డీ డే
11 ఫిబ్రవరి - ప్రామిస్ డే
12 ఫిబ్రవరి - హగ్ డే
డే 13 ఫిబ్రవరి - కిస్ డే
14 ఫిబ్రవరి - వాలెంటైన్స్ డే