వెయ్యి మంది ఉద్యోగుల్ని తొలగించిన జీఎం, అలా నిలిచిన ప్లాంట్ అమ్మకం

జనరల్ మోటార్స్ ఇండియా 1,086 మంది ఉద్యోగులను తొలగించింది. పుణే సమీపంలోని ఆటో మేకర్స్ ప్లాంట్‌లో స్వచ్చంధ పదవీ విరమణ ప్యాకేజీని అంగీకరించని ఈ ఉద్యోగులను తొలగించింది. ఈ నేపథ్యంలో ఉద్యోగుల సంఘం పారిశ్రామిక కోర్టును ఆశ్రయించి, తన ఉద్యోగులతో న్యాయపోరాటం ప్రారంభించింది. తేల్‌గాన్ సైట్‌లో మూడోవంతు ఉద్యోగులు జూలై 4వ తేదీ లోగా స్వచ్చంధ విభజన పథకానికి అంగీకరించారు. మిగిలిన ఉద్యోగులను జూలై 12వ తేదీన ఈ అమెరికా కంపెనీ తొలగించింది. దీంతో వర్కర్స్ యూనియన్ జూలై 15న ఇండస్ట్రియల్ కోర్టును ఆశ్రయించింది.

ఈ ఫ్యాక్టరీని చైనీస్ ఎస్‌యూవీ మేకర్ గ్రేట్ వాల్ మోటార్స్ లేదా ఇతర ఏ పార్టీకైనా విక్రయించడాన్ని నిలిపివేయాలని వర్కర్స్ యూనియన్ కోరింది. జనరల్ మోటార్స్ 2020 డిసెంబర్ నెలలో ఈ ప్లాంటులో ఉత్పత్తిని నిలిపివేసింది. అలాగే, దీనిని గ్రేట్ వాల్ మోటార్స్‌కు విక్రయించేందుకు అంగీకరించింది. అయితే ప్లాంట్‌లోని కార్మిక సమస్య కారణంగా విక్రయం నిలిచిపోయింది. ఈ నేపథ్యంలో జూలై 16వ తేదీన అత్యవసర విచారణ జరిపిన న్యాయస్థానం తదుపరి ఆదేశాల వరకు ప్లాంట్‌ను విక్రయించరాదని, లీజుకు ఇవ్వరాదని ఆదేశించింది.

ఆగస్ట్ 33, 2021 వరకు ఈ అంశంపై ముందుకు వెళ్లమని జనరల్ మోటార్స్ కూడా కోర్టుకు తెలిపింది. కంపెనీ ఉద్యోగులను అన్యాయంగా తొలగించిందని, అందుకే తాము ఇండస్ట్రియల్ కోర్టును ఆశ్రయించామని, అక్కడ పోరాడుతున్నామని జనరల్ మోటార్స్ ఎంప్లాయీస్ యూనియన్ ప్రెసిడెంట్ సందీప్ భేగాడే అన్నారు.