దారుణంగా పడిపోయిన పెట్రోల్, డీజిల్ వినియోగం

కరోనా మహమ్మారి నేపథ్యంలో పలు రాష్ట్రాల్లో లాక్ డౌన్, కోవిడ్ ఆంక్షల కారణంగా మే మొదటి 15 రోజుల్లో డీజిల్, గ్యాసోలైన్ సేల్స్ భారీగా పడిపోయాయి. ఏప్రిల్ 1వ తేదీ నుండి 15వ తేదీతో పోలిస్తే మే 1వ తేదీ నుండి 15వ తేదీ మధ్య గ్యాసోలైన్, డీజిల్ సేల్స్ దాదాపు 20 శాతం క్షీణించాయి. జెడ్ ఫ్యూయల్ వినియోగం 38 శాతం తగ్గింది. ట్రక్ కార్యకలాపాలు దాదాపు సగానికి పడిపోయాయని చెబుతున్నారు.

లాక్ డౌన్ కారణంగా చాలా వ్యాపారాలు, ముఖ్యంగా స్మాల్ అండ్ మీడియం బిజినెస్ పైన ప్రభావం పడింది. ప్రస్తుతం లాక్ డౌన్ కారణంగా 5.5 ట్రక్కులు మాత్రమే నడుస్తుననాయని ఇండియన్ ఫౌండేషన్ ఆఫ్ ట్రాన్సుపోర్ట్ రీసెర్చ్ అండ్ ట్రెయినింగ్ ఎస్పీ సింగ్ అన్నారు. మార్చి నెలలో ఇంధన డిమాండ్ దాదాపు కరోనా ముందుస్థాయికి చేరుకుంది. కానీ సెకండ్ వేవ్ నేపథ్యంలో మళ్లీ పడిపోయింది.

సోమవారం భారత దేశంలో 2,81,386 కొత్త కరోనా కేసులు నమోదయ్యాయి. అదే సమయంలో మరణాలు 4106 ఉన్నాయి. దేశంలో నేడు కొత్త కేసులు 2,76,196 నమోదు కాగా, మరణాలు 1785గా ఉన్నాయి. కేసులు తగ్గుతుండటం కాస్త సానుకూల పరిణామం.