రెపో రేటు నుండి అమెరికా వరకు: ఈ వారం మార్కెట్లపై ప్రభావం చూపే అంశాలు

గత కొద్ది రోజులుగా స్టాక్ మార్కెట్ అస్థిరంగా కొనసాగుతోంది. ఇటీవల లాభాల్లో ముగిసినప్పటికీ, అంత సానుకూలంగా లేదు. పలు అంశాలు సూచీలపై ప్రభావం చూపుతున్నాయి. అయితే ఈ వారం కూడా స్టాక్ మార్కెట్లపై వివిధ అంశాలు ప్రభావం చూపవచ్చు. ఈ వారం ఆర్బీఐ పరపతి సమీక్ష సమావేశం నిర్ణయాలు మొదలు ఇంధన ధరల వరకు పలు అంశాలు ప్రభావం చూపనున్నాయి.

నిఫ్టీ గతవారం 16600 పాయింట్లకు దిగువన ముగిసింది. తీవ్ర అస్థిరత ఉన్నప్పటికీ గతవారం కాస్త సానుకూలంగా ముగిసింది. నిఫ్టీ మద్దతు 16450 నుండి 16400 మధ్య కనిపిస్తోంది. ఈ వారం స్టాక్ మార్కెట్ పైన ప్రభావం చూపే అంశాల్లో ఆర్బీఐ పరపతి సమీక్ష సమావేశం వడ్డీ రేటు నిర్ణయాలు, ఈసీబీ మీటింగ్, యూరోపియన్ మొదటి త్రైమాసికం జీడీపీ డేటా, అమెరికా ద్రవ్యోల్భణం డేటా, రష్యా - ఉక్రెయిన్ యుద్ధ పరిస్థితులు, ఇంధన ధరలు ప్రభావం చూపనున్నాయి.

ద్రవ్యోల్భణాన్ని అదుపులోకి తెచ్చేందుకు ఆర్బీఐ గత నెలలో అత్యవసరంగా రెపో రేటును 40 బేసిస్ పాయింట్ల మేర తగ్గించింది. ఈ నెల పరపతి సమీక్ష సమావేశంలోను మరో 40 బేసిస్ పాయింట్లు పెంచే అవకాశముంది. అమెరికా ద్రవ్యోల్భణం, జాబ్ డేటా కూడా మార్కెట్లపై ప్రభావం చూపుతుంది. ఇంధన ధరలు మరింతగా పెరిగితే ఇన్వెస్టర్ల సెంటిమెంట్ దెబ్బతినవచ్చు.