ఆధార్ కార్డుదారులకు బిగ్ అలర్ట్.. అక్టోబర్ 1 నుంచి ఫీజులు పెంపు.. వెంటనే చెక్ చేసుకోండి

భారతీయ వ్యక్తిగత గుర్తింపు వ్యవస్థ ఆధార్ (Aadhaar)సంబంధిత సేవల ఫీజు పెంచుతూ యూనిక్ ఐడెంటిఫికేషన్ అథారిటీ ఆఫ్ ఇండియా (UIDAI) కీలక నిర్ణయం తీసుకున్న సంగతి విదితమే. కొత్త ఆధార్ కార్డుల జారీ సేవలు ఉచితంగా కొనసాగుతున్నప్పటికీ.. ఇప్పటికే ఆధార్ కార్డు పొందిన వారి కోసం కొన్ని సేవలపై చార్జీలు పెంచుతూ నిర్ణయం తీసుకుంది. ఈ పెంచిన ఫీజులు అక్టోబర్ 1 నుంచి అమల్లోకి రానున్నాయి.

తాజాగా వస్తున్న మార్పుల ప్రకారం.. గతంలో 7 నుంచి 17 ఏళ్ల వయసు గల వారిలో వేలి ముద్రలను (Biometric Update - Fingerprint/ Iris) ఆధార్‌లో అప్‌డేట్ చేయించుకోవాలంటే రూ.100 చార్జ్ వసూలు చేసేవారు. ఇకపై ఈ ఫీజు రూ. 125కు పెంచుతూ నిర్ణయం తీసుకున్నారు. అదేవిధంగా చిరునామా మార్చుకోవడానికి రూ. 50 వసూలు చేస్తుండగా.. కొత్త మార్పులు అమలు అయిన తర్వాత ఇది రూ. 75కి పెరగనుంది. ఈ చార్జీల పెంపు అక్టోబర్ 1, 2025 నుంచి అధికారికంగా అమలులోకి రానుంది.

UIDAI ఈ మార్పులను ఇప్పటికే అన్ని ప్రాంతీయ కార్యాలయాలకు తెలియజేసింది. ప్రధాన కార్యాలయంలోని డిప్యూటీ డైరెక్టర్ హిమాన్షు ఈ సమాచారం అన్ని రాష్ట్రీయ, జిల్లా స్థాయి కార్యాలయాలకు పంపారు. దీని ద్వారా దేశవ్యాప్తంగా ఆధార్ సేవల వినియోగదారులు ముందస్తుగా తనిఖీ చేసుకుని అవసరమైన సర్దుబాట్లు చేసుకోవచ్చు.

సాధారణంగా ఆధార్ కార్డు సేవల్లో రెండు ప్రధాన విభాగాలు చార్జీ ఫీజు విధిస్తాయి:

1. వేలి ముద్ర (Biometric) అప్‌డేట్: వయసు ఆధారంగా బైయోమెట్రిక్ డేటాను సరికొత్తగా నమోదు చేయడం లేదా సరిచేయడం.
2. చిరునామా మార్పు (Address Update): వ్యక్తిగత చిరునామా, పిన్ కోడ్, జిల్లా లేదా రాష్ట్రం మార్చే ప్రక్రియ.

UIDAI అధికారుల ప్రకటన ప్రకారం.. చార్జీల పెంపు ప్రధానంగా సేవల నిర్వహణ ఖర్చులు, సాంకేతిక ఆధునికీకరణ, సిస్టమ్ నిర్వహణ ఖర్చులు, డేటా భద్రత కోసం తీసుకున్న నిర్ణయంగా తెలిపింది. ఆధార్ వ్యవస్థలో విస్తృత సంఖ్యలో వినియోగదారులు ఉండటంతో.. ఈ మార్పు సేవల నాణ్యతను నిలుపుకోవడానికి అవసరం.

వినియోగదారులు ఈ మార్పులను ముందుగానే గమనించి, అక్టోబర్ 1 కంటే ముందుగా అవసరమైన ఆధార్ సేవలను పొందడం మంచిది. ఈ విధంగా వారు కొత్త ఫీజుల కారణంగా తక్షణంలో అదనపు ఖర్చులను భరించకూడా తప్పించుకోవచ్చు. UIDAI వెబ్‌సైట్ స్థానిక కేంద్రాలు, సెంట్రల్‌ లాగిస్టిక్ కేంద్రాల ద్వారా ఈ మార్పులపై వివరాలు అందుబాటులో ఉన్నాయి. అక్కడికి వెళ్లి మీ ఆధార్ లో ఏమైనా మార్పులు చేయాల్సి ఉంటే వెంటనే మార్పు చేసుకోవడం మంచింది.

ఇక వినియోగదారులు తమ ఆధార్‌ను నేరుగా వాట్సాప్ (WhatsApp) ద్వారా డౌన్లోడ్ చేసుకోవచ్చు. ఈ సేవ అధికారిక మైగవ్ (MyGov) హెల్ప్‌డెస్క్ చాట్‌బాట్ ద్వారా అందుబాటులో ఉంటుంది. ఇది వినియోగదారులకు యాప్‌లు లేదా వెబ్‌సైట్‌లకు వెళ్లకుండా వేగంగా ఆధార్‌ను పొందే సౌకర్యాన్ని ఇస్తుంది.

వాట్సాప్ ద్వారా ఆధార్ డౌన్లోడ్ విధానం

1. మొబైల్‌లో [phone] నంబర్ సేవ్ చేసుకోండి.
2. వాట్సాప్ ఓపెన్ చేసి ఆ నంబర్‌కు హాయ్" లేదా "నమస్తే" మెసేజ్ పంపండి.
3. చాట్‌బాట్ ద్వారా షేర్ చేసిన ఎంపికలలో Digilocker సేవలను ఎంచుకోండి.
4. డిజిలాకర్ ఖాతాను వెరిఫై చేసి 12 అంకెల ఆధార్ నంబర్ అందించండి.
5. వెరిఫికేషన్ కోసం రిజిస్టర్ చేసిన మొబైల్ నంబర్‌కి వచ్చిన OTPని ఎంటర్ చేయండి.
6. వెరిఫికేషన్ పూర్తయిన తర్వాత, చాట్‌బాట్ అందుబాటులో ఉన్న పత్రాల జాబితాను చూపిస్తుంది.
7. ఆధార్ PDFను ఎంచుకుంటే, కార్డు నేరుగా వాట్సాప్‌లో అందుతుంది.

ముఖ్య గమనికలు
ఒకేసారి ఒక పత్రం మాత్రమే డౌన్లోడ్ చేసుకోవచ్చు.
ఆధార్ ఇప్పటికే Digilockerలో లింక్ అయి ఉండాలి.
లింక్ చేయకపోతే, వాట్సాప్ ఎంపికను ఉపయోగించే ముందు Digilocker వెబ్‌సైట్ లేదా యాప్ ద్వారా వివరాలను అప్డేట్ చేయాలి.